Bride Ring Ceremony : एक धक्कादायक घटना समोर आली आहे. वधूच्या मैत्रिणीमुळे एक लग्न मोडलंय. साखरपुडा सुरु असताना अचानक वधूची मैत्रीण आली आणि स्टेजवर जाऊन वधूला घेऊन ती थेट बंद खोलीत निघून गेली. वरासह पाहुणे काय घडतंय हे पाहतच राहिले. ही उत्तर प्रदेशातील अलीगडमधील गांधी पार्क परिसरातील आहे. रविवारी रात्री इथल्या एका हॉटेलमध्ये साखरपुडा समारंभाचा कार्यक्रम सुरू होता. तेवढ्यात एक तरुणी तिथे आली. तिने वधूला स्टेजवरून खाली खेचले आणि तिला सोबत घेऊन गेली. तिला एका खोलीत बंद करण्यात आले. तिने स्वतःला त्या खोलीत कोंडून घेतलं. खूप गोंधळ झाला. मग वराला अशी गोष्ट कळली की त्याने ते लग्न मोडलं. 

खरंतर, वधूच्या मैत्रिणीने दावा केला होता की, दोघांचेही समलैंगिक संबंध होते. ही बातमी कळताच वधूच्या कुटुंबाने तिच्या मैत्रिणीला मारहाण करण्यास सुरुवात केली. वधूनेही या नात्यातून माघार घेतली. तिने मुलीला ओळखण्यासही नकार देऊ लागली. पण दरम्यान, मुलीने असे पुरावे दाखवले ज्यामुळे साखरपुडा मोडला. (engagement bride friend came and took her to a closed room homosexual relationship for 4 years love affair groom broke marriage)

मिळालेल्या माहितीनुसार, बुलंदशहरमधील पहासू भागातील एका पदव्युत्तर पदवीधर मुलीचे लग्न क्वार्सी परिसरातील एका तरुणाशी निश्चित झाले होते. रविवारी गांधीपार्क बसस्थानकाजवळील एका हॉटेलमध्ये रिंग सेरेमनी आणि बेबी शॉवर सेरेमनी सुरू होती. मुलगा आणि मुलगी स्टेजवर असताना पांढरा शर्ट आणि पँट घातलेली एक तरुणी आली. तिने वधू बनणाऱ्या मुलीचा हात धरला आणि तिला ओढू लागली. यावरून दोघांमध्ये हाणामारी झाली. दोन्ही कुटुंबातील लोकांना काहीही समजले नाही.

निषेधाच्या दरम्यान, मुलगी आणि वधू एका खोलीत बंदिस्त झाले. कुटुंबातील सदस्यांनी दार वाजवले, पण दोघेही बाहेर आल्या नाहीत. दरम्यान, कोणीतरी पोलिसांना माहिती दिली. तासाभरानंतर, मुलीने स्वतः दार उघडले आणि बाहेर आली आणि म्हणाली की तिचे त्या मुलीशी चार वर्षांपासून प्रेमसंबंध होते. यावर मुलीच्या बाजूचे लोक संतापले आणि त्यांनी मुलीला मारहाण करण्यास सुरुवात केली. दुसरीकडे, मुलगी या नात्याला नकार देत होती. तिने असेही म्हटलं की ती त्या मुलीला ओळखतही नाही. यावर मुलीने वधूसोबतच्या तिच्या नात्याचे अनेक पुरावे दाखवले. त्यानंतर वधूच्या कुटुंबाने मुलीला दुसऱ्या खोलीत बंद केले आणि त्यानंतर पोलीस आले. संपूर्ण घटना पाहून, मुलाच्या बाजूच्या लोकांनी नात्यात प्रवेश करण्यास नकार दिला.

मुलीचं नाव बीना आहे. दोघेही गेल्या चार वर्षांपासून, शाळेच्या दिवसांपासून लेस्बियन रिलेशनशिपमध्ये आहेत. दोघांमध्ये लग्नाबाबत चर्चा सुरू होती. बीना पुढे म्हणाली, माझा बेबी शॉवर झाला होता. लग्न 22 एप्रिल रोजी होणार आहे पण माझ्या मैत्रिणीने लग्न थांबवण्यासाठी माझ्यावर दबाव आणला आणि घरात साडीने गळफास घेण्याची धमकी दिली, त्यानंतर मी ते नाते तोडले. पण ती स्वतः मला सोडून दुसऱ्याशी लग्न करणार होती.

पासपोर्ट हा एक महत्त्वाचा दस्तऐवज आहे जो परराष्ट्र मंत्रालयाच्या पासपोर्ट विभागाद्वारे जारी केला जातो. ओळख तसेच नागरिकत्व सिद्ध करण्यासाठी हा महत्त्वाचा दस्तऐवज आहे. पासपोर्टशिवाय परदेशात (काही देश वगळता) जाणे शक्य होणार नाही. परदेशातील पासपोर्टद्वारेच आपले नागरिकत्व सिद्ध केले जाते. भारत सरकारने पासपोर्ट बनवण्याच्या नियमांमध्ये बदल केला आहे. आता कोणत्याही अर्जदाराला जन्म दाखला देणे बंधनकारक करण्यात आले आहे. म्हणजेच १ ऑक्टोबर २०२३ नंतर जन्मलेल्या आणि पासपोर्ट बनवण्यास इच्छुक असलेल्या व्यक्तींना आता त्यांच्या जन्मतारखेचा जन्म दाखला देणे बंधनकारक करण्यात आले आहे.

Knight Frank Report High Net Worth Individual in India: भारतात अनेकजण बेरोजगार आहेत. अनेकांना आपल्या अन्न, वस्त्र, निवारा या प्राथमिक गरजा भागवण्यासाठी मोठा संघर्ष करावा लागत आहे. अशातच दुसरीकडे भारतातील भारतीयांची संपत्ती प्रचंड गतीने वाढत आहे. 2028 पर्यंत भारतात 94000 लोक अति श्रीमंत अब्जाधीश बनतील असा दावा करण्यात आला आहे. तसेच भारत देश सर्वाधिक श्रीमंत असलेल्या देशांच्या लिस्टमध्ये सामील होईल. भारतासह जगभरातील अनेक देशांमध्ये श्रीमंत लोकांच्या संख्येत वाढ होत आहे. नाईट फ्रँक  ‘द वेल्थ रिपोर्ट 2025’ मध्ये ही माहिती उघड झाली आहे. 

नाईट फ्रँक  ‘द वेल्थ रिपोर्ट 2025’ जाहीर झाला. नाईट फ्रँकच्या या रिपोर्टनुसार 2028 पर्यंत 10 दशलक्ष डॉलर्स म्हणजेच सुमारे 87 कोटींपेक्षा जास्त संपत्ती असलेल्या भारतातील श्रीमंत लोकांची संख्या  9.4 टक्क्यांनी वाढण्याची अपेक्षा आहे. 2024 मध्ये 87 कोटींपेक्षा जास्त संपत्ती असलेल्या भारतीयांची संख्या  85,698 इतकी होती. आता ही संख्या वाढणार असून 2028 पर्यंत भारतात जवळपास 93753 लोकांच्या संपत्तीच प्रचंड वाढ होईल असा दावा या रिपोर्टमध्ये करण्यात आला आहे. 

2023 मध्ये भारतात 80686 एचएनडब्ल्यूआय होते. जगातील एकूण श्रीमंत लोकांपैकी 3.7 टक्के लोक भारतात राहतात. या बाबतीत भारत जगात चौथ्या स्थानावर  आहे. अमेरिका पहिल्या क्रमांकावर आहे. अमेरिकेत 905413 लोक उच्च मध्यमवर्गीय आहेत.  चीन दुसऱ्या क्रमांकावर आहे. चीनमध्ये 471634 लोक उच्च मध्यमवर्गीय आहेत. तर जपान तिसऱ्या क्रमांकावर असून येथे 112119 लोकसंख्या उच्च मध्यमवर्गीय आहे. 

या अहवालानुसार मागील वर्षीच्या तुलनेत 2024 मध्ये भारतातील अब्जाधीशांच्या संख्येत 12 टक्क्यांनी प्रचंड वाढ झाली आहे. आता भारतात 191 अब्जाधीश आहेत. यापैकी 26 जणांचा समावेश गेल्या वर्षीच या यादीत समावेश झाला होता. 2019 मध्ये फक्त 7 नवीन अब्जाधीशांची भर पडली.

भारतीय अब्जाधीशांची एकूण संपत्ती सुमारे 950 अब्ज डॉलर आहे. या बाबतीत भारत जगात तिसऱ्या क्रमांकावर आहे. अमेरिका पहिल्या क्रमांकावर आहे, अमेरिकेची एकूण संपत्ती 5.7 ट्रिलियन डॉलर तर, दुसऱ्या क्रमांकावर असलेल्या चीनची एकूण संपत्ती 1.34 ट्रिलियन डॉलर इतकी आहे. 

जगभरातील HNWI ची संख्या 2023 मध्ये 2243300 वरुन 2024 मध्ये 4.4 टक्क्यांनी वाढून 2341378 होण्याचा अंदाज आहे. यावर्षी HNWI च्या संख्येत उत्तर अमेरिका आघाडीवर आहे, परंतु जगातील सर्व प्रदेशांमध्ये वाढ झाली आहे. आशियामध्ये दुसऱ्या क्रमांकाची सर्वात मोठी म्हणजेच 5 टक्क्यांनी वाढ झाली आहे. त्यानंतर आफ्रिकेत वार्षिक वाढ 4.7 टक्के, ऑस्ट्रेलियात 3.9 टक्के, मध्य पूर्वेत 2.7 टक्के, लॅटिन अमेरिकेत 1.5 टक्के आणि युरोपमध्ये 1.4 टक्के होती. 10 दशलक्ष डॉलर्सपेक्षा जास्त संपत्ती असलेल्यांपैकी सुमारे 39 टक्के लोक अमेरिकेत राहतात, जे चीनमधील संख्येपेक्षा जवळजवळ दुप्पट आहे.      

Uttarakhand Ropeway Project: केंद्रीय मंत्रिमंडळाने राष्ट्रीय रोपवे विकास कार्यक्रमांतर्गंत उत्तराखंडमध्ये सोनप्रयाग ते केदारनाथपर्यंतचे 12.9 किमी लांबीच्या प्रकल्पाला मंजुरी दिली आहे. केंद्रीय मंत्री अश्विनी वैष्णव यांनी बुधवारी यासंदर्भातील माहिती दिली आहे. रोपवेमुळं आता केदारनाथला जाणे सोप्पे होणार आहे. वृद्ध व्यक्ती किंवा हृदयविकाराचा त्रास असणाऱ्या व्यक्तीना काही तासांतच केदारनाथला पोहोचता येणार आहे. 

अश्विनी वैष्णव यांनी दिलेल्या माहितीनुसार, या प्रकल्पाचा मोठा फायदा होणार आहे. सध्या केदारनाथ यात्रेसाठी 8 ते 9 तासांचा वेळ लागतो. मात्र रोपवे पूर्ण झाल्यानंतर 36 मिनिटांत पूर्ण होणार आहे. या रोपवेमध्ये 36 लोकांची आसन क्षमता असणार आहे. पंतप्रधान नरेंद्र मोदी यांच्या अध्यक्षतेखालील झालेल्या बैठकीत केंद्रीय मंत्रिमंडळाने केदारनाथ रोपवे प्रकल्पाला मंजुरी दिली आहे. या रोपवे प्रकल्पावर साधारण 4,081 कोटी रुपयांचा खर्च येणार आहे.

रोपवे सार्वजनिक आणि खासगी भागीदारीत प्रकल्प विकासित करण्यात येणार आहे. हे उन्नत ट्राय केबल डिटॅचेबल गोंडोला (3 एस) प्रकल्पावर आधारित आहे. ज्याची डिझाइन क्षमता 1,800 प्रति तास असणार आहे. तर, प्रतिदिन 18,000 प्रवाशांना प्रवास करता येणार आहे. पहाडी क्षेत्रात संपर्क व वाहतूक वाढवण्यासाठी हा रोपवे म्हणजे एक महत्त्वपूर्ण प्रकल्प आहे. 

केदारनाथ मंदिरातपर्यंत जाण्यासाठी गौरीकुंडपासून 16 किमीचा रस्ता खडतर आहे. अनेक जण हा पल्ला चालत, घोडे, पालखी किंवा हेलीकॉप्टरने पूर्ण करतात. केदारनाथ हे उत्तराखंड राज्यातील रुद्रप्रयाग जिल्ह्यातील 3,583 मीटर उंचीवर वसलेल्या 12 पवित्र ज्योतिर्लिंगापैकी एक आहे. हे मंदिर अक्षय तृतीया (एप्रिल-मे) ते दिवाळी (ऑक्टोबर-नोव्हेंबर) पर्यंत वर्षभर म्हणजेच 6 ते 7 महिने यात्रेकरुंसाठी खुलं राहते. या मौसमात साधारण 20 लाखाहून अधिक तीर्थयात्री येतात. 

आणखी एक प्रकल्प

मंत्रिमंडळाने उत्तराखंडमध्ये गोविंदघाट ते हेमकुंड साहिब जीपर्यंत 12.4 किमी लांबीच्या रोपवे प्रकल्पाला मंजुरी दिली आहे. या प्रकल्पासाठी 2,730.13 कोटी रुपये खर्च होणार आहेत. रोपवेमुळं 45 मिनिटांत प्रवास पूर्ण होणार आहे. सध्या गोविंद घाट ते हेमकुंड साहिबपर्यंत जाण्यासाठी 19 किमीची यात्रा करण्यासाठी 12 तास लागतात. मात्र रोपवेमुळं हा प्रवास 45 मिनिटांत पूर्ण होणार आहे. 

केदारनाथ रोप वे जगातील सर्वात लांबीचा रोप-वे

केदारनाथ रोपवे हा जगातील सर्वाधीक लांबीच्या रोपवे पैकी एक आहे. याचे समुद्रसपाटीपासून 3,583 मीटर उंचीवर हा रोपवे बांधण्यात येणार आहे. एकदा का हा रोपवे पूर्ण झाला की भाविकांना अर्धा ते एक तासात केदारनाथला पोहोचता येणार आहे.

Yogi Adityanath On Abu Azmi : अबू आझमी यांनी औरंगजेबाबत केलेल्या वक्तव्यामुळे महाराष्ट्रात चांगलंच राजकारण तापलं आहे. औरंगजेब हा क्रूर प्रशासक नव्हता असं वक्तव्य अबू आझमी यांनी केलं होतं त्यानंतर आता महाराष्ट्रात पडसाद उमटले. आज विधानसभेत देखील याच मुद्यावरून पडसाद उमटले. विरोधकांनी आंदोलन करत अबू आझमी यांच्यावर कारवाईची देखील मागणी केली. यानंतर अबू आझमी यांच्यावर कारवाई करण्यात आली. अशातच अबू आझमी यांच्या वक्तव्याचे पडसाद उत्तर प्रदेशमध्येही बघायला मिळाले.

औरंगजेब वादावरून उत्तर प्रदेश विधान परिषदेत योगी आदित्यनाथ यांनी समाजवादी पक्षावर जोरदार हल्लाबोल केला. विधान परिषदेत योगी आदित्यनाथ म्हणाले की, समाजवादी पक्ष औरंगजेबाला आपला आदर्श मानतो. योगी आदित्यनाथ यांनी बोलताना कोणाचेही नाव न घेता सांगितले की, ‘कंबख्तको उत्तर प्रदेश भेज दो, इलाज हम करेंगे’ असं म्हणत हल्लाबोल केला आहे. 

काय म्हणाले योगी आदित्यनाथ? 

पुढे योगी आदित्यनाथ म्हणाले की, भारतावर हल्ला करणाऱ्या धर्मांध आणि क्रूर शासकाला समाजवादी पक्ष आदर्श मानतो. कोणत्याही सुसंस्कृत मुस्लिमानेही आपल्या मुलाचे नाव औरंगजेब ठेवलेले नाही. औरंगजेबाबद्दल बोलताना त्यांनी म्हटलं की, हा हिंदू तुमच्यापेक्षा चांगला आहे. जो जिवंतपणी आपल्या आई वडिलांची सेवा करतो आणि त्यांच्या मृत्यूनंतर त्यांचे अंतिम संस्कार करतो असं योगी आदित्यनाथ म्हणाले. 

#WATCH | Lucknow: On Samajwadi party MLA Abu Azmi’s statement on Aurangzeb, which he later withdrew, UP CM Yogi Adityanath says, ” Remove that person from (Samajwadi) party and send him to UP, we will do his treatment. The person who feels ashamed about the heritage of… pic.twitter.com/SHXClYoyaz

— ANI (@ANI) March 5, 2025

अबू आझमी यांनी मागितली माफी

विधानसभेत अबू आझमी यांच्यावर कारवाई करण्यात आली आहे. अबू आझमी यांना संपूर्ण अर्थसंकल्पीय अधिवेशनातून निलंबित करण्यात आले आहे. त्यांच्या या विधानावरून गेल्या दोन दिवसांपासून राजकारण तापले होते. दरम्यान, अबू आझमी यांनी त्यांच्या विधानाबद्दल माफी मागितली आहे. ते म्हणाले की, ते फक्त इतिहासात जे लिहिले आहे तेच बोलत आहेत. या टिप्पणीमुळे अबू आझमी यांना त्यांच्या विरोधकांकडून सतत लक्ष्य केले जात आहे. 

सलग ५८ तास ३५ मिनिटे चुंबन घेण्याचा विश्वविक्रम करणाऱ्या पती-पत्नीचा घटस्फोटही झाला आहे. थाई जोडप्याने स्वतःहून विभक्त होण्याची घोषणा केली. २०१३ मध्ये एकचाई आणि लक्षणा तिरानारत यांनी सर्वात दीर्घकाळ चुंबनाचा गिनीज वर्ल्ड रेकॉर्ड बनवला होता. हे काम अजिबात सोपं नव्हतं. यासाठी ते २ दिवसांपेक्षा जास्त वेळ न झोपता उभे राहिले होते. त्यांनी एकमेकांना मिठी मारली आणि सतत किस केले. मात्र आता त्यांच्या घटस्फोटाच्या बातमीने चाहत्यांची निराशा झाली आहे. इंटरनेट वापरकर्त्यांनी कमेंट करत आश्चर्य व्यक्त केले आहे.

Crime News In Marathi: खेडा जिल्ह्यातील नडियाद येथे झालेल्या तीन रहस्यमयी हत्यांचा उलगडा करण्यास गुजरात पोलिसांना यश आलं आहे. 9 फेब्रुवारी रोजी तीन जणांचा मृत्यू झाला होता. सुरुवातीला विषारी दारूमुळं हे मृत्यू झाले असावेत असा संशय व्यक्त करण्यात येत होता. मात्र पोलिस तपासात एक धक्कादायक सत्य समोर आले आहे. एका शिक्षकाने डेथ टेस्ट करण्याच्या नादात आपल्याच शेजाऱ्यांच्या कोल्डड्रिंकमध्ये विषारी पदार्थ टाकून दिला होता. त्यातच तिघांचा मृत्यू झाला होता. 

पोलिसांनी दिलेल्या माहितीनुसार, शिक्षक हरिकिशन मकवाना याने त्याची 25 लाख रुपयांची विम्याची रक्कम कुटुंबाला मिळावी यासाठी आत्महत्येचा प्लान केला होता. मात्र विम्याचे पैसे तेव्हाच मिळाले असते जर मृत्यू नैसर्गिक झाला असता. पण आपला मृत्यू हा नैसर्गिक वाटावा यासाठी त्याने काही योजना आखल्या होत्या. प्लान पुढे नेण्याआधी त्याने तो इतरांवर आजमवायचा विचार केला. त्याने सुरुवातीला सोडियम नायट्राइट नावाचे विष दुसऱ्यांना देण्याचे ठरवले. 

मकवाना त्याच्या वडिलांच्या मृत्यूने दुखी होता आणि आर्थिकदृष्ट्याही तो परिस्थितीशी झगडत होता. कायदेशीर तणावामुळं त्याच्या वडिलांचा मृत्यू झाला असं त्याला वाटत होतं. त्यामुळं त्याने त्याचा मृत्यूदेखील एक घटना म्हणून दाखवण्यासाठी ही योजना बनवली. 

मकवाना याने ऑनलाइन सोडियम नायट्रेड मागवलं होतं. त्यानंतर त्यात कोल्ड ड्रिंक मिसळले. त्याने सगळ्यात आधी ते कोल्डड्रिंक त्याचा मूक-बधिर शेजारी कनुभाई याला दिले. जेणेकरुन तो बचावला तरी तो हे कोणालाही सांगणार नाही. कनुभाई यांनी हे ड्रिंक दोन आणखी जणांना दिले. योगेश गंगाराम कुशवाह आणि रविंद्र भाई राठोड यांनाही दिले. मात्र कोल्डड्रिंकमध्ये विष असल्याने तिघांचा मृत्यू झाला. 

सुरुवातीला पोलिसांना वाटले की हा विषारी दारूमुळं मृत्यू झाले आहेत. मात्र जेव्हा दारूत कोणत्याही प्रकारचे विष आढळले नाही तेव्हा पोलिसांनी अधिक कसून चौकशी केली. तेव्हा मृत्यूचे खरे कारण सोडियम नायट्राइट होते, असं समोर आले. आरोपीला तांत्रिकामुळं ही आयडिया मिळाली होती, असं समोर आले आहे. जवळपास 28 दिवसांच्या तपासानंतर पोलिस हे प्रकरण सोडवण्यास यशस्वी ठरले आहेत. पोलिसांनी मकवाना यांना अटक केली आहे. 

Mahakumbh Mela Prayagraj : 144 वर्षांनंतर भारतातील संगमनगरी प्रयागराज इथं भरलेल्या कुंभमेळ्याची नुकतीच सांगता झाली. देशविदेशातून आणि विविध क्षेत्रातून असंख्य भाविकांनी, सानथोरांनी या महापर्वात सहभागी होत गंगास्थानाचा अनुभव घेतला. एकिकडे या महाकुंभमेळ्यात भक्तिचा जनसागर लोटलेला असतानाच दुसरीकडे अनेक कुटुंबांना याच ठिकाणी आर्थिक सुबत्ता पाहण्याची संधी मिळाली. या न त्या व्यवसायानं अनेकांचेच खिसे भरले. यामध्ये मोठ्या कंपन्यांपासून अगदी इथं दातून विकणाऱ्यांचाही फायदा झाला. 

उत्तर प्रदेशचे मुख्यमंत्री योगी आदित्यनाथ यांनीसुद्धा नुकतीच या महाकुंभमेळ्याशी संबंधित एक अशी माहिती दिली, जी ऐकून अनेकांच्याच भुवया उंचावल्या. योगींच्या मते यंदाच्या वर्षी महाकुंभमेळ्यात एका व्यक्तीनं तब्बल 30 कोटी रुपयांची कमाई केली. याचविषयी विधानसभेत देण्यात आलेल्या माहितीनुसार या नाविकाच्या कुटुंबाकडे एकूण 130 नौका होत्या. 

45 दिवसांच्या या पर्वादरम्यान याच नौकांच्या माध्यमातून भाविकांना सेवा देत या कुटुंबानं तब्बल 30 कोटी रुपयांचा निव्वळ नफा कमवला. सरासरी एका नौकेमुळं या व्यक्तीच्या कुटुंबाला 23 लाखांचा नफा झाला, तर दिवसाला सरासरी हा नफा होता साधारण 50 ते 52 हजार रुपये. 

मुख्यमंत्री योगी आदित्यनाथ यांनी उल्लेख केलेली ही व्यक्ती प्रयागराजमधील  नैनी क्षेत्रातील अरैल भागातील निवासी असून, त्यांचं संपूर्ण कुटुंब याच व्यवसायात सक्रिय आहे. पिंचू महरा असं त्यांचं नाव असून, महाकुंभमधून झालेल्या कमाईमुळं त्यांचा आनंद गगनात मावत नाही अशीच प्रतिक्रिया दिली. आपण इतका पैसा कधी पाहिलाच नाहीय, अशाच शब्दांत हे कुटुंब त्यांच्या कमाईचं वर्णन करत आहे. यंदाच्या कुंभमेळ्यात भाविकांच्या संख्येत वाढ होण्यास त्यांनी योगी सरकारनं केलेल्या व्यवस्था आणि प्रयत्न कारणीभूत असल्याचं म्हणत हे त्यांचं श्रेय असल्याचं म्हटलं आहे.