उत्तर प्रदेशातील सितापूर येथे बापाने पोटच्या मुलीची हत्या केल्याची धक्कादायक घटना घडली आहे. 40 वर्षीय पित्याने आपल्या 5 वर्षांच्या चिमुरडीची गळा दाबून हत्या केली आणि नंतर तिच्या मृतदेहाचे चार तुकडे केले. पोलिसांनी आरोपी पित्याला अटक केली आहे. धक्कादायक म्हणजे मुलगी शेजाऱ्याच्या घऱी गेल्याच्या क्षुल्लक कारणावरुन ही हत्या करण्यात आली असल्याचं पोलिसांनी सांगितलं आहे. आरोपीचं आणि शेजाऱ्याचं भांडण झालं होतं, आणि यामुळेच त्याला मुलगी त्याच्या घऱी गेल्याचं आवडलं नव्हतं. मोहित मिश्रा असं आरोपीचं नाव आहे. 

25 फेब्रुवारीला मुलगी बेपत्ता झाल्याची तक्रार पोलीस ठाण्यात दाखल करण्यात आली होती. मोहित मिश्रा यानेच ही तक्रार दाखल केली होती. “आम्ही गुन्हा दाखल केला आणि तिचा शोध घेण्यासाठी चार पथकं तयार केली. शोध सुरु केला असता आम्हाला एक मृतदेहाचा एक भाग सापडला. दुसऱ्या दिवशी, आणखी काही भाग सापडले, ज्यावरून तिची हत्या झाल्याची पुष्टी झाली,” असं अतिरिक्त पोलीस अधीक्षक प्रवीण रंजन सिंह यांनी सांगितलं.

पोलीस अधिकाऱ्याने सांगितलं की, आम्ही लोकांची चौकशी करत असतानाच तिचे वडील अचानक गायब झाले. “तिच्या वडिलांनी फोन आईकडे दिला आणि अचानक गायब झाले. जेव्हा तो गायब झाला तेव्हा आम्ही कुटुंबातील सदस्यांना मुलगी बेपत्ता होण्याआधी नेमकं काय घडलं याबद्दल विचारलं. जेव्हा तो पुन्हा परत आला तेव्हा आमी त्याच्याकडे चौकशी केली. यावेळी त्याने आपण मुलीची हत्या करुन मृतदेहाची विल्हेवाट लावल्याची कबुली दिली,” असं पोलिसांनी सांगितलं आहे. 

आरोपीने पोलिसांना सांगितलं की, कुटुंबाचे एकेकाळी शेजारी राहणारे रामू यांच्या कुटुंबाशी चांगले संबंध होते. ते नेहमी एकमेकांच्या घरी ये जा करत असत. “काही दिवसांपूर्वी दोन्ही कुटुंबात भांडण झालं आणि त्यांनी एकमेकांना भेटणं बंद केलं. मोहितने आपल्या मुलीला अनेकदा रामूच्या घरी जाऊ नकोस असं सांगितलं होतं. पण तरीही ती खेळण्यासाठी त्यांच्या घरी जात होती,” असं पोलीस अधिकाऱ्याने सांगितलं आहे.

मोहितने पोलिसांना सांगितलं की, घटनेच्या दिवशीही त्याने मुलीला रामूच्या घरुन येताना पाहिलं ज्यामुळे त्याचा संताप झाला. “संतापाच्या भरात त्याने मुलीला बाईकवरुन निर्जनस्थळी नेलं. तिथे त्याने तिच्याच कपड्यांनी तिचा गळा आवळळा. यानंतर मृतदेह शेतात फेकून दिला,” अशी माहिती पोलिसांनी दिली आहे. 

पोलिसांनी कसून तपास केल्यानंतर ही घटना उघडकीस आली. पोलिसांनी जववळपास 100 जणांची चौकशी केली. 

Indian Railway Interesting Facts: भारतात ज्याप्रमाणं मुंबई लोकलला या शहराची लाईफलाईन म्हटलं जातं अगदी त्याचप्रमाणं देशातील संपूर्ण रेल्वेसेवेचंही जगभरातून कौतुक होतं. दर दिवशी याच रेल्वेच्या माध्यमातून लाखोंच्या नव्हे तर कोट्यवधींच्या संख्येनं प्रवासी प्रवास करताना दिसतात. अशा या देशात राजधानी, शताब्दी, वंदे भारत, सुपरफास्ट, मेल एक्सप्रेस आणि पॅसेंजर ट्रेन अशा विविध श्रेणीतील रेल्वेगाड्या धावतात. 

देशाच्या कानाकोपऱ्याला रेल्वे मार्गानं जोडणाऱ्या या रेल्वेगाड्या समाजातील प्रत्येक श्रेणीला त्यांच्या खिशाला परवडेल अशाच दरात प्रवासाची मुभा देतात. भारतीय रेल्वेअंतर्गत देशभरात धावणाऱ्या प्रत्येक गाडीला श्रेणीनुसार एक खास रंग दिला जातो. सुपरफास्ट ट्रेनपासून पॅसेंजर ट्रेनपर्यंत प्रत्येक रेल्वेगाडीचा वेगळा रंग हा सांकेतिक असून ही बाब फार कमी प्रवाशांना ठाऊक आहे. 

बहुतांश सुपरफास्ट ट्रेन या लाल रंगाच्याच असता. तर, पॅसेंजर ट्रेनना निळा रंग दिला जातो. यामागचं नेमकं कारण माहितीय? रेल्वेच्या लाल रंगाच्या कोचला LHB म्हणजेच लिंक हॉफमॅन बुश Linke-Hofmann-Busch असं म्हटलं जातं. सध्याच्या घडीला रेल्वेचे हे कोच पंजाबच्या कपूरथळा इथं तयार केले जातात असं सांगण्यात येतं. 

हे लाल कोच अॅल्युमिनियमपासून तयार करण्यात येतात आणि इतर कोचच्या तुलनेत त्यांचं वजन कमी असतं. या कोचला डिस्क ब्रेकची सुविधा असून कमी वजनामुळं ते ताशी 200 किमी इतक्या वेगानं धावतात. राजधानी आणि शताब्दी ट्रेनमध्ये हे लाल रंगाचे कोच पाहायला मिळतात. असं म्हणतात की, अपघातादरम्यान LHB कोच एकमेकांवर जात नाहीत, ज्यामुळं जीवित हानीचा धोका कमी होतो. 

रेल्वेमध्ये कायमच प्रवाशांच्या हिताचा विचार करत काही महत्त्वाचे निर्णय घेतले जातात. कोचचा रंग आणि त्यांचं वर्गीकरण त्याच दृष्टीकोनातून करण्यात येतं. हा झाला एक मुद्दा, पण रेल्वेमध्ये आसनव्यवस्थेपासून ट्रेनचा वेग इथपर्यंत प्रत्येक गोष्ट ही काही समीकरणांना अनुसरूनच आखण्यात येते. 

ओडिशामधील (Odisha) राज्य परिवहन प्राधिकरणाचे उपायुक्त प्रदीप कुमार महांती यांच्यावर मोठी कारवाई करण्यात आली आहे. दक्षता विभागाने गुरुवारी त्यांच्याशी संबंधित अनेक ठिकाणांवर छापे टाकले. त्यांच्यावर उत्पन्नापेक्षा जास्त संपत्ती मिळवल्याचा आरोप आहे. या छापेमारीत 2000 च्या नोटांचे बंडल, सोने चांदीचे दागिने आणि संपत्तीशी संबंधित अनेक कागदपत्रं सापडली आहेत. 

भुवनेश्वरमध्ये विशेष जज विजिलेंसच्या माध्यमातून जारी करण्यात आलेल्या सर्च वॉरंटच्या आधारे दक्षता विभागाने भुवनेश्वर, खोरधा, पुरी, नयागड आणि कटक येथील एकूण 9 ठिकाणी शोधमोहीम राबवण्यात आली. या मोहिमेत 2 एडिशनल एसी, 13 डीसीपी, 12 पोलीस निरीक्षक आणि 25 एएसआय सह अनेक अधिकारी सहभागी होते. 

कोणत्या जागांवर करण्यात आली छापेमारी?

– मैत्री विहार, चंद्रशेखरपुर, भुवनेश्वर 
– रघुनाथपुर, भुवनेश्वरमध्ये 4 बीएचके फ्लॅट
– कुसुपल्ला, रणपुर, नयागढ़ येथील फार्महाऊस
– गोविंदप्रसाद, भुवनेश्वरमध्ये 5 निर्माणधीन इमारत
– टांगी – खोरधा येथील पुरातन घर
– भक्ती रत्न लेन, जेनारी गाछा चौक, पुरी टाऊन येथील नातेवाईकाचं घर
– मालिपड़ा, भुवनेश्वरमध्ये नातेवाईकाच्या नावे पेट्रोल पंप 
– बालिखंड – नातेवाईकाच्या नावे निर्माणाधीन इमारत

– कटक स्थित STA कार्यालय

छापेमारीदरम्यान विजिलेंस अधिकाऱ्यांनी मोठ्या प्रमाणात रोख रक्कम, दागिने, संपत्तीची कागदपत्रं आणि काही आर्थिक पुरावे सापडले आहेत. अधिकाऱ्यांच्या माहितीनुसार, या कागदपत्रांची छाननी केली जात आहे. जर आरोप सिद्ध झाले तर उपायुक्तांविरोधात कडक कारवाई केली जाईल. दक्षता विभाग त्यांचं बँक खातं, देवाण घेवाण आणि अघोषित संपत्तीसंबंधी तपास करत आहेत. 

काय कारवाई केली जाऊ शकते?

दक्षता विभागाच्या या कारवाईला भ्रष्टाचाविरोधातील एक मोठी मोहीम म्हणून पाहिलं जात आहे. ओडिशात अशा प्रकारच्या बेनामी संपत्तींविरोधात याआधीही कारवाई करण्यात आली आहे. यावेळी जिल्हयात मोठ्या प्रमाणात छापेमारी करण्यात आली आहे. ओडिशा सरकारने भ्रष्टाचाराविरोधात वेगवान मोहीम सुरु केली असून, ही कारवाई त्याचं उदाहरण म्हणून सांगितलं जात आहे. दरम्यान या कारवाईतून आणखी काय खुलासे होतात हे पाहावं लागणार आहे. 

Medicines Price: आजारी पडल्यावर आपल्याला डॉक्टरकडून गोळ्या औषधांची मोठी यादी दिली जाते. औषध निर्मात्या कंपन्यांकडून यासाठी अव्वाच्या सव्वा दर आकारले जातात. त्यामुळे अनेकदा सर्वसामान्यांना ही औषधे परवडणारी नसतात. पण आता सर्वसामान्यांना काळजी करण्याची गरज नाही. कारण सरकारने यासंदर्भात नियम बनवला आहे. याद्वारे 53 औषधांचे दर आटोक्यात येणार आहेत. याबद्दल सविस्तर जाणून घेऊया.

वेदना, ताप, संसर्ग, मल्टीविटामिन, कॅल्शियम डी३, मधुमेह, हृदय आणि इतर जीवनशैली आजारांवर वापरल्या जाणाऱ्या औषधांबाबत सरकारने मोठा निर्णय घेतला आहे. या निर्णयामुळे सर्वसामान्यांना दिलासा मिळाला आहे. सरकारने अशा 53 नवीन औषधांच्या किमती निश्चित केल्या आहेत. 

या निर्णयामुळे कंपन्या ठरल्यापेक्षा जास्त किमतीत ही नवीन औषधे विकू शकणार नाहीत. यासंदर्भात राष्ट्रीय औषधनिर्माण किंमत प्राधिकरण म्हणजेच एनपीपीएने एक नोटिफिकेशन जारी केली आहे. ज्यामध्ये 53 नवीन औषधांच्या किमती निश्चित करण्यात आल्याचे म्हटले आहे.

एनपीपीएच्या नोटिफिकेशननुसार कंपन्या निश्चित किमतीपेक्षा जास्त शुल्क आकारू शकणार नाहीत. कंपन्या सरकारने निश्चित केलेल्या 53 औषधांच्या किमतींवर फक्त जीएसटी आकारू शकतील. जर कंपन्यांनी जीएसटी भरला असेल तरच त्या ग्राहकांकडून औषधांच्या निश्चित किमतीवर तो वसूल करू शकतील, असे यात स्पष्ट करण्यात आले आहे.  

बहुतेक लोकांना वेदना, ताप, संसर्ग, मल्टीविटामिन, कॅल्शियम डी3, मधुमेह, हृदय इत्यादी जीवनशैलीशी संबंधित विविध आजारांसाठी औषधांची आवश्यकता असते. सरकारच्या या निर्णयामुळे सर्व लोकांना दिलासा मिळणार असल्याचे म्हटले जात आहे. 

एनपीपीए काय करते?

एनपीपीए ही एक सरकारी नियामक संस्था आहे. जी भारतातील औषधांच्या किमती नियंत्रित करते. ही संस्था रसायने आणि खते मंत्रालयाच्या अंतर्गत येते. औषधांच्या किमतींवर लक्ष ठेवणे आणि अनुसूचित नसलेल्या औषधांच्या किमतींवर लक्ष ठेवणे आणि सुधारात्मक कारवाई करणे हे प्राधिकरणाचे काम आहे. ही नियामक संस्था वेळोवेळी गरजेनुसार औषधांच्या किमती निश्चित करते आणि औषधांची उपलब्धता आणि उपलब्धता ठरवण्याचे काम करते.

Jammu Kashmir Sonamarg Avalanche : उत्तराखंडमध्ये झालेल्या हिमस्खलनाची घटना ताजी असतानाच जम्मू काश्मीरमध्येही अशीच काहीशी परिस्थिती उदभवल्याचं पाहायला मिळालं. बुधवारी जम्मू काश्मीरणधील सोनमर्ग इथं एक भयंकर हिमस्खलन झालं आणि या क्षणाची दृश्य अनेकांच्याच अंगावर काटा आणून गेली. 

सोशल मीडियावर सध्या हा हिमस्खलानाचा व्हिडीओ प्रचंड व्हायरल होत आहे. या व्हिडीओमध्ये कार किंवा तत्सम वाहनासमोरून बर्फाचे लोट अतिप्रचंड वेगानं येताना दिसत आहे. काही सेकंदांच बर्फाचं हे वादळ आपल्या वाहनावर धडकणार हे ठाऊक असताना या परिस्थितीत बचाव करण्यासाठी ‘काचा बंद कराsss’ असा जिवाच्या आकांतानं या माणसांनी आरडाओरडा केला आणि तितक्यातच या हिमस्खलानं या वाहनाला विळख्यात घेतलं. सर्वत्र बर्फच बर्फ… अशीच काहीशी स्थिती या क्षणी पाहायला मिळाली. 

कधी होतं हिमस्खलन? 

प्रचंड हिमवृष्टीनंतर बर्फाच्या एका थरावर दुसरा थर साचतो तेव्हा हिमस्खलनाची घटना घडते. ही संपूर्ण प्रक्रिया नैसर्गिकरित्या होत असून, जसजसं उतारावर गुरुत्वाकर्षण वाढलं तरतसं इतरही काहीर कारणांमुळं बर्फाचे थर विरळ होऊ लागतात आणि ते गुरुत्वाकर्षनाच्या नियमानुसार अतिप्रचंड वेगानं कोसळू लागतात. हिमस्खलन नेमकं कधी आणि कुठे होईल याचे पूर्वसंकेत देता येत नसले तरीही कोणत्या ठिकाणी बर्फाचा थर विरळ झाला आहे यावरून तिथं हिमस्खलनाचा धोका आहे की नाही याचा अंदाज लावता येतो. 

Watch viral video of avalanche struck #Sarbal area of #Sonamarg in Jammu and Kashmir, with no casualties reported.#DNAVideos | #JammuAndKashmir | #avalanche | #latestvideos | #latestnews | #viralvideo pic.twitter.com/ZabNcQjbi6

— DNA (@dna) March 5, 2025

देशात पश्चिमी हिमालयीन क्षेत्र हिमस्खलनाच्या दृष्टीनं अतिशय संवेदनशील असून, यामध्ये जम्मू काश्मीर, हिमाचल प्रदेश आणि उत्तराखंड ही सर्वाधिक प्रभावित क्षेत्र असल्याचं म्हटलं जातं. हिमालयातील हिमस्खलनाच्या भागांना तीन श्रेणींमध्ये विभागलं जातं. ज्यामध्ये रेड झोन अति धोकादायक, ब्लू झोन त्याहून कमी धोकादायक आणि यलो झोन असं क्षेत्र असतं जिथं क्वचितप्रसंगी हिमस्खलनासारख्या घटना घडतात.