सातारा : जिल्हा परिषदेच्या निकालानंतर आता साताऱ्यात मोठ्या राजकीय घडामोडी घडताना दिसत आहेत. सातारा जिल्ह्यात भाजपला सत्तेपासून दूर ठेवण्यासाठी राष्ट्रवादी आणि शिवसेना शिंदे गट एकत्र येण्यासाठी हालचाली सुरू आहेत. शिवसेनेचे मंत्री शंभुराज देसााई आणि राष्ट्रवादीचे मंत्री मकरंद पाटील, खासदार नितीन पाटील, संजीव राजे नाईक निंबाळकर, माजी आमदार दीपक चव्हाण यांची एक महत्त्वाची बैठक पार पडली.

सातारा जिल्ह्यामध्ये 27 जागा जिंकत भाजप सर्वात मोठा पक्ष ठरला आहे. त्या खालोखाल राष्ट्रवादीने 20 तर शिंदेंच्या शिवसेनेने 15 जागा जिंकल्या आहेत. बहुमतासाठी 33 जागांची आवश्यकता असून राष्ट्ववादी आणि शिवसेना एकत्र आले तर बहुमताची संख्या पार होते. त्यामुळे भाजपला सत्तेबाहेर ठेवण्यासाठी आता राष्ट्रवादी आणि शिवसेनेमध्ये हालचाली सुरू आहेत.

साताऱ्यातल्या हॉटेल फर्नमध्ये राष्ट्रवादी आणि शिवसेनेच्या मंत्र्यांची, खासदार यांची औपचारिक बैठक पार पडली. या बैठकीत शिवसेनेचे मंत्री शंभूराजे देसाई, मंत्री मकरंद पाटील, खासदार नितीन पाटील, संजीव राजे नाईक निंबाळकर, माजी आमदार दीपक चव्हाण हे उपस्थित होते. 

ही बैठक जिल्हा परिषदेमध्ये सत्ता स्थापनेसाठी होती, त्यावर प्राथमिक चर्चा झाल्याचं राष्ट्रवादीचे मंत्री मकरंद पाटील यांनी स्पष्ट केलं. तर शंभुराज देसाई यांनीही त्याला दुजोरा दिल्याचं दिसून आलं. 

Satara ZP Election Election : सातारा जिल्हा परिषद पक्षीय बलाबल 

भाजप : 27

राष्ट्रवादी काँग्रेस : 20

शिवसेना : 15

शिवसेना (ठाकरे) :00

काँग्रेस : 01

इतर: 02

सातारा जिल्हा (पंचायत समिती) एकूण 130 गण अंतिम आकडेवारी

सातारा 16

भाजप – 10 
राष्ट्रवादी – 5
शिवसेना – 1

जावली 6

भाजप – 3
राष्ट्रवादी – 1
शिवसेना-2

वाई 08

भाजप – 3
राष्ट्रवादी -5

महाबळेश्वर 4

राष्ट्रवादी -2
शिवसेना-2

खंडाळा 6

भाजप – 1
राष्ट्रवादी -5

फलटण – 16

भाजप – 5
राष्ट्रवादी-3
शिवसेना-8

माण -10

भाजप – 5
राष्ट्रवादी -5

खटाव -14 

भाजप – 8
राष्ट्रवादी-6

कोरेगाव 12

भाजप – 1
राष्ट्रवादी- 9
शिवसेना- 2

कराड – 24

भाजप – 16
काँग्रेस -2
राष्ट्रवादी – 4
राष्ट्रवादी शरद पवार-1
शिवसेना-1

पाटण-14

भाजप – 1
शिवसेना-13

पंचायत समिती एकूण गण 130

भाजप- 53 
राष्ट्रवादी-45
शिवसेना-29
काँग्रेस-   02
श.प. गट 01

ही बातमी वाचा: 

आणखी वाचा

Satara ZP Election Result 2026 सातारा: राष्ट्रवादी काँग्रेसचे मंत्री मकरंद पाटील यांनी जिल्हा परिषद निवडणुकीत चांगलं यश मिळाल्याचं म्हटलं आहे. सातारा जिल्हा हा कायम राष्ट्रवादीचा बालेकिल्ला राहिलेला आहे मात्र अलीकडची परिस्थिती थोडी वेगळी होती. अजित दादांच्या झालेल्या निधनानंतर पक्षातील कार्यकर्ता थोडा सैरभैर झाला होता. परंतु या जिल्ह्यातील राष्ट्रवादी एकत्र झाली आणि त्याचाच हा परिणाम आहे, असं मकरंद पाटील म्हणाले. 

घुसखोरी करणाऱ्यांना जनतेची चपराक : मकरंद पाटील

सातारा जिल्ह्यातील सर्व मतदारांचे मी मनापासून आभार व्यक्त करतो, असं मकरंद पाटील यांनी म्हटलं. आमचे मित्र पक्ष भाजप यांनी या आधीच स्वबळावर लढण्याची घोषणा केली होती. युती एकत्रीकरणाचा विषय त्यांच्याकडूनच संपलेला होता. यानंतर आम्ही राष्ट्रवादी आणि शिवसेना नेत्यांमध्ये एकत्र चर्चा केली होती. यामुळेच राष्ट्रवादीला एक अपक्ष धरून 21 जागा मिळाल्या आणि शिवसेनेला 15 जागा मिळाल्या यामुळे दोन्ही पक्षांना चांगल्या जागा मिळाल्या, असं मकरंद पाटील यांनी सांगितलं.

जिल्हा परिषदेत सत्ता स्थापन करण्यासाठी राष्ट्रवादी काँग्रेस आणि शिवसेना अशी एकत्र अजून कोणतीही चर्चा झालेली नाही. वरिष्ठ आणि प्रमुख कार्यकर्त्यांचं काय म्हणणे आहे हे जाणून घेऊन कोणासोबत सत्ता स्थापन करायची याचा निर्णय घेऊ, असं मकरंद पाटील म्हणाले.  

मी असेल माझा मतदारसंघ असेल, पाटण मतदारसंघ असेल या ठिकाणी बाहेरच्या मंत्र्यांनी येऊन फार मोठ्या घोषणा केल्या, ज्याला घुसखोरी म्हणतो अशा पद्धतीचा प्रयत्न केला. मोठ्या मोठ्या गप्पा मारल्या, सगळं झालं. परंतु आमच्या दोन्ही विधानसभा मतदारसंघात आमच्या पक्षातील सगळे उमेदवार लोकांनी निवडून दिले हिच त्यांना चपराक आहे, असं मकरंद पाटील यांनी म्हटलं.  

शंभूराज देसाई काय म्हणाले? 

पाटणमध्ये देसाई कुटुंबावर प्रेम करणारी जनता आहे.ही जनता आमचे कुटुंब आहे, त्यामुळे आमच्या पाटण मतदारसंघातील जनता अशा लोकांना अजिबात थारा देत नाही.त्यामुळे असे कितीही नेते आले तरी आम्ही त्याची चिंता करत नाही असं उत्तर मंत्री शंभूराज देसाई यांनी दिलं आहे. या आधी जिल्हा परिषदेत फक्त 3 शिवसेनेचे सदस्य होते.मात्र आता तो आकडा 15 झाला आहे.पाचपट संख्या वाढली आहे.त्यामुळे जिल्ह्यात शिवसेना अजून मजबूत करण्याची वाटचाल सुरू आहे, असं शंभूराज देसाई म्हणाले. 

भाजपच्या गणेश नाईक यांनी पालकमंत्री देसाई यांना मालकमंत्री अशी टीका केली होती. त्याला देसाई यांनी उत्तर दिलं आहे.ही जनताच माझी मालक आहे.माझ्या जनतेने माझ्यावर विश्वास व्यक्त केला आहे.राष्ट्रवादी सोबत जिल्हा परिषदेच्या सत्तेत जायचं की नाही या बाबत अद्याप कोणतीही चर्चा झालेली नसल्याचे देसाई यांनी सांगितलं आहे.

आणखी वाचा

सातारा : सातारा जिल्हा परिषदेच्या 65 जागांचे निकाल जाहीर झाले आहेत. सातारा जिल्हा परिषदेवर स्वबळावर सत्ता आणायची या इराद्यानं निवडणूक लढलेल्या भाजपच्या इराद्यांना मतदारांनी ब्रेक लावल्याचं निकालातून पाहायला मिळालं आहे. सातारा जिल्हा परिषदेत भाजपला 27 जागा मिळाल्या असून त्यांच्या विरोधात लढलेली राष्ट्रवादी काँग्रेस आणि शिवसेना एकत्र आल्यास त्यांना सत्ता स्थापनेची संधी आहे. राष्ट्रवादी काँग्रेसनं 20 आणि शिवसेनेनं 15 अशा एकूण 35 जागा जिंकल्या असून सातारा जिल्हा परिषदेत बहुमताचा आकडा 33 इतका आहे. याशिवाय राष्ट्रवादी काँग्रेसनं पाठिंबा दिलेले स्वाभिमानी शेतकरी संघटनेचे राजेंद्र शेळके वर्णे जिल्हा परिषद गटातून विजयी झाले आहेत. त्यामुळं राष्ट्रवादीला त्यांचा पाठिंबा मिळेल, असं चित्र आहे. सातारा जिल्हा परिषदेचं अध्यक्षपद ओबीसी महिला या प्रवर्गासाठी राखीव आहे.  साताऱ्याच्या 65 पैकी 9 जिल्हा परिषद गट ओबीसी महिलांसाठी राखीव होते. या नऊ गटातील एका जिल्हा परिषद सदस्याला अध्यक्षपदी संधी मिळेल. 

सातारा जिल्हा परिषदेचं अध्यपद कोणाला?

सातारा जिल्हा परिषदेच्या गट रचनेनंतर गटनिहाय आरक्षण जाहीर करण्यात आलं होतं. त्यानुसार सातारा जिल्हा परिषदेचे 9 गट ओबीसी महिलांसाठी राखीव ठेवण्यात आले होते.  यात कराड, पाटण, खटाव मधील प्रत्येकी दोन जिल्हा परिषद गटांचा समावेश होता. तर, कोरेगाव, सातारा आणि जावळी तालुक्यातील एका जिल्हा परिषद गटाचा समावेश होता. कराडमध्ये काले आणि विंग, पाटणमध्ये मारुल हवेली आणि मल्हारपेठ, खटाव तालुक्यात औंध आणि बुध तर साताऱ्यात कोडोली, जावळीत कुडाळ आणि कोरेगावमध्ये वाठार स्टेशन जिल्हा परिषद गटात ओबीसी आरक्षण लागू होतं. 

सातारा जिल्हा परिषद निवडणुकीत ओबीसी प्रवर्गासाठी राखीव असलेल्या 9 गटांपैकी चार जिल्हा परिषद गटात भाजपनं विजय मिळवला. यामध्ये कुडाळ, कोडोली, काले आणि विंग जिल्हा परिषद गटांचा समावेश आहे. तर, दोन जिल्हा परिषद गटांमध्ये शिवसेनेनं विजय मिळवला. ते गट म्हणजे मारुल हवेली आणि मल्हार पेठ होय. राष्ट्रवादी काँग्रेसनं वाठार स्टेशन, बुध आणि औंध जिल्हा परिषद गटात विजय मिळवला आहे. 

सातारा जिल्हा परिषद ओबीसी महिला प्रवर्ग गट, विजयी उमेदवार यादी

जावळी तालुका: कुडाळ जिल्हा परिषद गट 

जयश्री गिरी, भाजप, 11917 मते (विजयी)
पूनम नायकुडे, राष्ट्रवादी काँग्रेस, 5201 
जयश्री शेवते, अपक्ष, 2367

सातारा तालुका: कोडोली जिल्हा परिषद गट 

नीता खरात, भाजप, 7430 मते (विजयी)
कांचन साळुंखे राष्ट्रवादी काँग्रेस 4973
संगीता माने  अपक्ष 4146

कोरेगाव तालुका : वाठार स्टेशन जिल्हा परिषद गट 
जयश्री भोसले, राष्ट्रवादी काँग्रेस, 12543 मते (विजयी)
सुनिता मोहिते, शिवसेना, 9078

खटाव तालुका : बुध जिल्हा परिषद गट 

लता कर्णे , राष्ट्रवादी काँग्रेस, 13661 मते (विजयी)
प्रिती त्रिपुटे भाजप 11934 

खटाव तालुका : औंध जिल्हा परिषद गट 
मनीषा फडतरे, राष्ट्रवादी काँग्रेस, 11394 मते (विजयी)
भारती अंकुश गोरे, भाजप, 11342

पाटण तालुका : मल्हार पेठ जिल्हा परिषद गट
विजया कुंभार, शिवसेना, 16275 मते विजयी
सुजाता कुंभार भाजप 8947

पाटण तालुका : मारुल हवेली जिल्हा परिषद गट 
योगिता गिरी, शिवसेना,16203 मते विजयी
वैशाली गुरव, भाजप,  7164

कराड तालुका: विंग जिल्हा परिषद गट 
शैलजा शिंदे, भाजप

कराड तालुका: काले जिल्हा परिषद गट 
मनीषा पाटील, भाजप

आणखी वाचा

सातारा : सातारा जिल्हा परिषदेच्या पंचवार्षिक निवडणुकीत कोणत्याच एका पक्षाला स्पष्ट बहुमत मिळाले नाही. त्यामुळे जिल्हा परिषदेत सत्तेसाठी त्रिशंकू परिस्थिती निर्माण झाली आहे.  भाजप सर्वात मोठा पक्ष ठरला असला, तरी राष्ट्रवादी काँग्रेस, शिवसेना, काँग्रेस, स्वाभिमानी शेतकरी संघटना व अपक्ष यांच्या भाजपविरोधी आघाडीने एकत्रित ताकद दाखवत सत्तास्थापनेच्या शर्यतीत आघाडी घेतली आहे. त्यामुळे जिल्हा परिषदेत सत्ता कोणाच्या हाती जाणार, याबाबत राजकीय हालचालींना वेग आला आहे.  भाजपच्या अतिआत्मविश्वासाने आता त्रिशंकू स्थिती निर्माण झाल्याने अध्यक्ष उपाध्यक्ष पदाची ही संधी गमावली आहे.

सातारा जिल्ह्यात अत्यंत चुरशीच्या वातावरणात ही निवडणूक पार पडली. कोरेगाव आणि फलटण तालुके वगळता बहुतांश तालुक्यांमध्ये दोन्ही राष्ट्रवादी गट, शिवसेना व मित्र पक्षांनी भाजपविरोधी आघाडी करत थेट लढत दिली होती.  मतमोजणीनंतर या आघाडीला अपेक्षेप्रमाणे यश मिळाल्याचे स्पष्ट झाले आहे.

आकडेवारीतून स्पष्ट झाले राजकीय गणित…

जिल्हा परिषद, पंचायत समितीच्या निकालानुसार भाजप 27 जागांसह सर्वात मोठा पक्ष ठरला आहे. मात्र, बहुमतासाठी आवश्यक असलेला आकडा गाठण्यात भाजप अपयशी ठरला. राष्ट्रवादी काँग्रेसला 20, शिवसेनेला 15, राष्ट्रीय काँग्रेसला 1, स्वाभिमानी शेतकरी संघटनेला 1 तर अपक्ष व इतरांना 1 जागा मिळाली आहे. एकूण 65 सदस्यांच्या सातारा जिल्हा परिषदेत बहुमतासाठी 33 जागांची गरज राहिली आहे.

सातारा जिल्हा परिषद निवडणुकीनंतर भाजपविरोधी आघाडीची एकत्रित सदस्य संख्या 37 वर पोहोचत असल्याने जिल्हा परिषदेत सत्ता स्थापन करण्याची संधी या आघाडीकडे झुकलेली दिसत आहे. त्यामुळे अध्यक्ष आणि उपाध्यक्ष पदासाठी आगामी काळात तीव्र राजकीय घडामोडी घडण्याचे संकेत मिळू लागले आहेत.

साताऱ्यात सत्तास्थापनेची रणधुमाळी सुरू

सातारा जिल्हा परिषदेत त्रिशंकू स्थिती निर्माण झाल्याने सत्तास्थापनेच्या हालचालींना वेग आला आहे. भाजप सर्वात मोठा पक्ष असला तरी बहुमताच्या जवळ असलेल्या भाजपविरोधी आघाडीला संधी अधिक असल्याचे राजकीय जाणकारांचे मत आहे. अध्यक्ष आणि उपाध्यक्ष पदासाठी कोणत्या पक्षाचा उमेदवार पुढे येणार, कोण कोणाला पाठिंबा देणार, याकडे संपूर्ण जिल्ह्याचे लक्ष लागून राहिले आहे.

सातारा जिल्ह्यातील पंचायत समित्यांपैकी फलटण, माण येथे समसमान बलाबल झाले असून सभापतींचा निर्णय चिठ्ठीवर राहणार आहे.

सातारा: 16 जागांमध्ये भाजप 10, राष्ट्रवादी 5, शिवसेना 1

महाबळेश्वर : 4 जागांमध्ये 2 सेना, राष्ट्रवादी 2,

वाई : 8 जागामध्ये राष्ट्रवादी 5 , भाजप 3

खंडाळा : 6 जागांमध्ये राष्ट्रवादी 4, भाजप 2

कोरेगाव : 12 जागांमध्ये 9 राष्ट्रवादी, शिवसेना 2, भाजप 1

सातारा : 16 जागंमध्ये 10 भाजप, राष्ट्रवादी 5, सेना 1

पाटण : 14 पैकी 13 शिवसेना, भाजप 1

खटाव : 14 जागांमध्ये 8 भाजप, राष्ट्रवादी 6

माण : 10 जागांमध्ये 5 भाजप, राट्रवादी 5

जावली : 6 जागांमध्ये भाजप 3, शिवसेना 2, राष्ट्रवादी 1

सातारा जिल्ह्यातील जिल्हा परिषद गटामध्ये :

भाजप 27, राष्ट्रवादी 20, शिवसेना 15, काँग्रेस 1, स्वाभिमानी 1, अपक्ष 1

सातारा : 8 जागांमध्ये भाजप 5, राष्ट्रवादी 2, स्वाभिमानी शेतकरी संघटना 1

कराड दक्षिण व उत्तर : 12 जागांमध्ये भाजप 8, राष्ट्रवादी (अजित पवार गट) 2, राष्ट्रीय काँग्रेस 1, अपक्ष 1

महाबळेश्वर : 2 जागांमध्ये राष्ट्रवादी 1, शिवसेना 1

खंडाळा : 3 गटामध्ये राष्ट्रवादी 2, भाजप 1

कोरेगाव : 6 जागांमध्ये भाजप 1, राष्ट्रवादी 3, शिवसेना 2

पाटण : 7 जागांपैकी शिवसेना 6, भाजप 1

फलटण : 8 जागांपैकी शिवसेना 5, भाजप 2, राष्ट्रवादी 1

माण : 5 जागांपैकी राष्ट्रवादी 3, भाजप 2

खटाव : 7 जागांपैकी भाजप 4, राष्ट्रवादी 3

वाई : 4 जागांपैकी राष्ट्रवादी 3, भाजप 1,

जावली : 3 जागांपैकी भाजप 2, शिवसेना 1

राष्ट्रवादी आणि शिवसेना एकत्र येऊन जिल्हा परिषद मध्ये सत्ता स्थापन करणार अशा चर्चांना उधाण आलं आहे. जिल्ह्यामध्ये भाजपला शह देण्यासाठी राष्ट्रवादी शिवसेना एकत्र येणार का ते पाहावं लागेल. निवडणुकीपूर्वी  मंत्री शंभूराजे देसाई यांच्या घरी झालेली चहा पे चर्चा यशस्वी झाली असल्याचं पाहायला मिळतंय. रामराजे नाईक निंबाळकर राष्ट्रवादीचे मंत्री मकरंद पाटील खासदार नितीन काका पाटील यांसारखे मातब्बर नेतेमंडळी मंत्री शंभूराज देसाई यांच्या घरी भेटीला गेले होते.