पाटण (सातारा): सातारा जिल्हा हा शौर्य आणि बलिदानाची परंपरा असलेला जिल्हा म्हणून ओळखला जातो. याच मातीतील आणखी एका सुपुत्राने देशाच्या रक्षणासाठी आपले सर्वोच्च (Satara News) बलिदान दिले आहे. पाटण तालुक्यातील पिंपळोशी गावचे सुपुत्र बाळकृष्ण विलासराव निकम (वय ४२) यांना सिक्कीममधील चीन सीमेवर ‘ऑपरेशन स्नो लेपर्ड’ अंतर्गत कर्तव्य बजावत असताना वीरमरण आले. तब्बल २३ वर्षे भारतीय सैन्यात सेवा बजावल्यानंतर, निवृत्तीच्या उंबरठ्यावर असतानाच त्यांनी मातृभूमीसाठी प्राण अर्पण केले.(Satara News)

कर्तव्य बजावताना काळाचा घाला

शहीद बाळकृष्ण निकम हे भारतीय सैन्यदलात गेल्या दोन दशकांहून अधिक काळ कार्यरत होते. सध्या त्यांची नियुक्ती सिक्कीम येथील अतिदुर्गम आणि उणे तापमानातील चीन सीमेवर होती. ‘ऑपरेशन स्नो लेपर्ड’ सारख्या कठीण मोहिमेवर असताना, निसर्गाच्या प्रतिकूल परिस्थितीशी झुंज देताना त्यांना वीरमरण आले. ही बातमी शुक्रवारी लष्करी मुख्यालयातून त्यांच्या गावी कळवण्यात आली आणि अवघ्या काही क्षणांत संपूर्ण पाटण तालुक्यावर दुःखाचा डोंगर कोसळला.(Satara News)

पिंपळोशी गावावर शोककळा

“आपला बाळकृष्ण शहीद झाला,” ही बातमी समजताच पिंपळोशी गावासह संपूर्ण पंचक्रोशीत हळहळ व्यक्त होत आहे. सोशल मीडियाच्या माध्यमातून ही माहिती वाऱ्यासारखी पसरली. निकम कुटुंबीयांच्या घरासमोर गावकऱ्यांनी मोठी गर्दी केली होती. शहीद बाळकृष्ण हे सुट्टीवर आल्यावर गावातील प्रत्येक लहानापासून थोरापर्यंत सर्वांशी आपुलकीने आणि मनमोकळेपणाने मिसळायचे. त्यांच्या जाण्याने केवळ एका कुटुंबाचा आधार गेला नाही, तर गावाने आपला एक लाडका सुपुत्र गमावला आहे, अशी भावना ग्रामस्थ व्यक्त करत आहेत.

निकम यांच्या निधनामुळे त्यांच्या घरातील दृश्य अत्यंत हृदयद्रावक होते. वृद्ध आईचा हंबरडा आणि वडिलांच्या डोळ्यांतील न थांबणारे अश्रू पाहून उपस्थितांचेही काळीज पिळवटून निघाले. शहीद बाळकृष्ण यांच्या मागे आई, वडील, पत्नी पूनम, भाऊ शिवराज आणि बहीण रूपाली असा परिवार आहे. विशेषतः त्यांची अर्णव आणि प्रणव ही दोन लहान मुले आपल्या वडिलांच्या परतण्याची वाट पाहत होती, हे दृश्य पाहून पिंपळोशी गावातील प्रत्येक डोळा पाणावला होता.

शासकीय इतमामात होणार अंत्यसंस्कार

शहीद बाळकृष्ण निकम यांचे पार्थिव लष्करी विमानाने पुण्यात आणि तेथून रुग्णवाहिकेने त्यांच्या मूळ गावी पिंपळोशी येथे आणले जाणार आहे. जिल्हा प्रशासन आणि पोलीस दलाच्या वतीने अंत्यसंस्काराची तयारी पूर्ण करण्यात आली आहे. शहीद निकम यांना शासकीय इतमामात आणि लष्करी लवाजम्यासह अखेरचा निरोप देण्यात येईल. सातारा जिल्ह्यातील लोकप्रतिनिधी, शासकीय अधिकारी आणि हजारोंच्या संख्येने नागरिक या वीरपुत्राला श्रद्धांजली अर्पण करण्यासाठी उपस्थित राहण्याची शक्यता आहे.

आणखी वाचा

सातारा: जिल्ह्यातील सुळवस्ती येथे अत्यंत ह्रदयद्रावक घटना घडली असून सर्वत्र हळहळ व्यक्त होत आहे. हिंगणगाव-आदर्की रस्त्यावरील सुळवस्ती (Satara) येथे आज दुपारी ह्रदयद्रावक घटनेत तिघांना दुर्दैवी मृत्यू झाल्याची घटना घडली. धोम-बलकवडी प्रकल्पाच्या पोटकालव्यामध्ये पोहण्यासाठी (Sunk) उतरलेले तीन परप्रांतीय तरुण सिमेंट पाईपमध्ये अडकल्याने त्यांचा जागीच गुदमरून मृत्यू झाला. मृतांमध्ये 20 ते 35 वयोगटातील ओडिसा राज्यातील तरुणांचा समावेश आहे. 

कालव्यात पोहण्यासाठी उतरल्यानंतर झालेल्या दुर्घटनेत ज्योतीराम नाईक, श्रीराम जगाई हेबरम आणि सतीन बीवजी नाईक या तिघांचा पाण्यात बुडून, गुदमरुन मृत्यू झाला. दुर्दैवी घटनेतील मृत तिघेही मूळचे ओडीसा राज्यातील असून कामानिमित्त सातारा जिल्ह्यात वास्तव्यास होते. या घटनेची माहिती मिळताच लोणंद पोलीस घटनास्थळी दाखल झाले असून तिन्ही युवकांचे मृतदेह सिमेंटच्या पाईपमधून बाहेर काढण्यात आले आहे. तसेच, या घटनेची नोंद लोणंद पोलीस ठाण्यात करण्यात आली आहे.

रॅश ड्रायव्हिंगने घेतली बळी

भंडाऱ्यात रॅश ड्रायव्हिंगने स्टील उत्पादक सनफ्लॅग कंपनीत प्रवेशद्वारावर सुरक्षारक्षक असलेल्या तरुणाचा बळी घेतला. ही घटना भंडाऱ्याच्या वरठी येथील सनफ्लॅग कंपनीच्या प्रवेशद्वारावर दोन दिवसांपूर्वी घडली होती. कर्तव्यावर असलेला हा सुरक्षारक्षक प्रवेशद्वार बंद करीत असताना त्याचवेळी भरधाव आणि रॅश ड्रायव्हिंग करून कंपनीत प्रवेश करणाऱ्या एका कार चालकानं त्याला जबर धडक दिली, यात तो गंभीर जखमी झाला. प्रथम भंडाऱ्यात आणि नंतर त्याच्यावर नागपूर इथं उपचार सुरू असताना त्याचा मृत्यू झाला. सितीन रहांगडाले (25) असं मृतकाचं नावं असून तो मुळचा गोंदिया जिल्ह्याच्या तिरोड्यातील डव्वेटोला येथील रहिवासी आहे. कुटुंबीयांनी आज त्याचा मृतदेह थेट सनफ्लॅग कंपनीच्या प्रवेशद्वारावर ठेवला. सुरक्षा रक्षक पुरविणाऱ्या एजन्सीनं मृतकाच्या कुटुंबाला आर्थिक मोबदला आणि मृत्युनंतरचे सर्व आर्थिक लाभ द्यावे, अशी मागणी करण्यात आली. सायंकाळी उशिरापर्यंत हा मृतदेह कंपनीच्या प्रवेशद्वारावर ठेवण्यात आला होता. त्यानंतर सनफ्लॅग कंपनी प्रशासनं आणि सुरक्षारक्षक पुरविणाऱ्या एजन्सीनं मृतकाच्या कुटुंबीयाला आर्थिक मोबदला आणि लेखी आश्वासन दिल्यानंतर प्रकरण निवळलं. दरम्यान, कुठलाही अनुचित प्रकार घडू नये, याकरिता वरठी आणि भंडारा पोलिसांचा बंदोबस्त तैनात करण्यात आला होता.

हेही वाचा

जय पवार हे तुमचाच भाऊ आहे, टेलिफोन करायला पण वेळ नाही का? सुधीर मुनगंटीवारांचा रोहित पवारांवर पलटवार

आणखी वाचा

SSC Exam Satara : दहावीच्या परीक्षेशी संबंधित एक धक्कादायक प्रकार सातारा जिल्ह्यात समोर आला आहे. फलटण (Phaltan) तालुक्यातील विडणी गावातील उत्तरेश्वर हायस्कूलमध्ये शिक्षकानं थेट सहावीच्या दोन विद्यार्थिनींकडून दहावीच्या पेपरची तपासणी करून घेतल्याची प्राथमिक माहिती आहे. वैभव शेंडे असं या शिक्षकाचं नाव असून दहावीचा मराठी विषयाचा पेपर सहावीच्या विद्यार्थिनींच्या मदतीनं तपासला जात असल्याचा आरोप होत आहे. या संदर्भातील CCTV फुटेजही समोर आलं आहे. या घटनेमुळं शिक्षण क्षेत्रात मोठी खळबळ उडाली आहे.

Satara School Controversy : CCTV फुटेजमुळं प्रकरण उघड

शिक्षक वैभव शेंडे हे दहावीच्या मराठी विषयाचे पेपर तपासत असताना सहावीच्या दोन विद्यार्थिनींकडून मदत घेत असल्याची प्राथमिक माहिती आहे. या संपूर्ण घटनेचा CCTV फुटेज समोर आल्यानंतर हा प्रकार उघड झाला. या घटनेनंतर संबंधित शिक्षकावर शिक्षण विभागाकडून काय कारवाई केली जाणार याकडे सर्वांचं लक्ष लागलं आहे.

School Response : मुख्याध्यापिकांनी बोलण्यास नकार

या प्रकरणाबाबत शाळेच्या मुख्याध्यापिका शुभांगी शिर्के यांच्याशी संपर्क साधण्याचा प्रयत्न करण्यात आला. मात्र त्यांनी फोनवर बोलण्यास नकार देत प्रत्यक्ष भेटून माहिती देऊ, असं सांगितलं. 

Pune Paper Leak : पुण्यात दहावीचा गणिताचा पेपर टेलिग्रामवर लीक

दरम्यान, राज्यात दहावी बारावीच्या परीक्षा कॉपीमुक्त आणि तणावमुक्त वातावरणात पार पडाव्यात यासाठी राज्य मंडळाकडून प्रयत्न केले जात आहेत. मात्र तरीही विविध गैरप्रकार समोर येत आहेत. नागपूरमधील पेपर फुटीच्या प्रकरणानंतर आता पुणे जिल्ह्यात दहावीचा गणिताचा पेपर टेलिग्रामवर लीक झाल्याची घटना समोर आली आहे. यामुळं शिक्षण विभागात खळबळ उडाली आहे.

Math Paper Leak Pune : तीन दिवस आधीच प्रश्नपत्रिका ग्रुपवर

मिळालेल्या माहितीनुसार, महाराष्ट्र राज्य माध्यमिक व उच्च माध्यमिक शिक्षण मंडळाच्या दहावीच्या गणित विषयाची प्रश्नपत्रिका परीक्षा होण्यापूर्वीच एका टेलिग्राम ग्रुपवर शेअर करण्यात आली होती. विशेष म्हणजे गणित भाग-2 चा पेपर परीक्षा होण्याच्या तीन दिवस आधीच ग्रुपवर टाकण्यात आला होता. बोर्डानं अधिकृत प्रश्नपत्रिकेशी पडताळणी केल्यानंतर दोन्ही पेपर तंतोतंत जुळत असल्याचं स्पष्ट झालं आहे. या प्रकरणी पुणे बोर्डानं पोलिसांत तक्रार दाखल केली असून पोलीस पुढील तपास करत आहेत.

ही बातमी वाचा :

आणखी वाचा