Miraj 2000 fighter jet: भारताच्या लष्करी सामर्थ्याच्या दर्शनाने पाकिस्तानची अक्षरक्षा बोबडी वळलीय. पुलवामा दहशतवादी हल्ल्यानंतर भारताने सर्जिकल स्ट्राईक करत पाकिस्तानी दहशतवाद्यांचे तळ उद्ध्वस्त करत अनेक दहशतवाद्यांना खात्मा केलाय. एअर स्ट्राईक करणारं आपलं तेज मिराज विमान सज्ज झालंय. त्यामुळे पाकिस्तान आणि दहशतवाद्यांची काही खैर नाही.

सर्जिकल स्ट्राईकचा हिरो मिराज 2000 ची पुन्हा चर्चा सुरु झालीय. याच मिराजने केलेल्या बालाकोट सर्जिकल स्ट्राईकने तुम्ही पोसलेल्या दहशतवाद्यांच्या तळावर हल्ला करत त्यांचा खात्मा केला होता. आता सर्जिकल स्ट्राईकचा भारताचा हिरो पुन्हा एकदा सज्ज झालाय. मिराज भारतीय वायुसेनेसाठी एक शक्तिशाली आणि बहुमुखी लढाऊ विमान आहे.

त्यामुळे पाकिस्तान्यांनो तुमची काही खैर नाही.. पाक आणि दहशतवाद्यांचा निकाल लावण्यासाठी मिराज 2000 पुन्हा एकदा सज्ज झालंय. 1999 कागरिल युद्धातही याच मिराजने पाकिस्तान्यांवर लेझर-गाइडेड बॉम्ब्सचा अचूक मारा केला होता. तर 2019 च्या हवाई हल्ल्यातही दहशतवाद्यांची राख केली होती.

सर्जिकल स्ट्राईकचा हिरो पुन्हा सज्ज

‘मिराज 2000’ 1985 साली भारतीय वायुदलात सामील झाला.  कारगिल युद्ध आणि बालाकोट हवाई हल्ल्यात मोठी कामगिरी बजावली होती. भारतीय वायुसेनेत ‘वज्र’ नावानं ओळखलं जातं. गुप्तचर आणि सामरिक अण्वस्त्र वाहक म्हणून कार्यक्षम असून  मिराज 6,300 किलो शस्त्रे वाहू शकते, ज्यात नऊ हार्डपॉइंट्स असतात. 

थालेस RDY रडार आहे, जे 100 किमी अंतरावर टार्गेट्स ओळखू शकतं. मिराज 2000 लो-लेव्हल उड्डाणासाठी उत्कृष्ट, शत्रूच्या रडारला चकवण्यास सक्षम आहे. मिराज फायटर जेटने 1999 च्या कारगिल युद्धात लेझर-गाइडेड बॉम्ब्ससह अचूक हल्ले करते. 2019 च्या बालाकोट हवाई हल्ल्यात स्पाइस-2000 बॉम्ब्स टाकून दहशतवादी तळ उद्ध्वस्त केले. भारतीय वायुदलाच्या ताफ्यात 50 मिराज विमानं आहे. मिराज भारतीय वायुसेनेसाठी अत्यंत विश्वासार्ह मानले जाते.  

हेच भारताचं लढाऊ विमान मिराज आता सज्ज झालंय. त्यामुळे पाकिस्तान्यांचे धाबे दणाणलेत. भारताचं हे फायटर जेट दहशतवाद्यांना पाणी पाजायला सज्जा झालंय. त्यामुळे पाकिस्तानची गाळण उडालीय.

Grand Mumtaz Hotel : आशियातील सर्वात श्रीमंत व्यक्ती कोण असं विचारल्या तर लहान मुलादेखील सांगतो मुकेश अंबानी. धीरूभाई अंबानी यांच्या निधनानंतर मुकेश अंबानी यांनी उद्योगाला नवीन उंचीवर नेलं. वेगवेगळ्या क्षेत्रात त्यांनी आपलं उद्योग विस्तारला आहे. जेव्हा आपण काश्मीरबद्दल बोलतो तेव्हा तुमच्या डोळ्यासमोर दहशवादी हल्ला आठवतो. काही दिवसांपूर्वी पहलगाममध्ये झालेल्या दहशतवादी हल्ल्यात 27 जणांचा नाहक बळी गेला. जम्मू – काश्मीरमध्ये अशी घटना घडण्याची ही पहिलीच वेळ नाही. काश्मीर हे कायम दहशतवादीखाली वावरत असतं. पाकिस्तानच्या नापाक कारवायामुळे इथे एक प्रकारची अशांतता पसरली आहे. अशा या काश्मीरमध्ये एका उद्योगपतीने आपलं नाव मोठं केलंय. या व्यक्तीला काश्मीरमधील अंबानी म्हणून ओळखलं जातं. 

कोण आहेत काश्मीरमधील अंबानी?

आम्ही बोलत आहोत, काश्मीरच्या मुश्ताक अहमद छाया यांनी धैर्याने “ग्रँड मुमताज” ही हॉटेल साखळी स्थापन केली असून त्यांनी हे साम्राज्य काश्मीरपासून दिल्लीपर्यंत उभारलंय. मुश्ताक अहमद छाया यांनी 1984 मध्ये गुलमर्गमधील एका छोट्या हॉटेलपासून सुरुवात केली आणि पर्यटन क्षेत्रात प्रवेश केला. सध्या त्यांच्याकडे जम्मू-काश्मीर आणि दिल्लीमध्ये एकूण 14 हॉटेल्स आणि 450 हून अधिक खोल्या आहेत. आज त्यांचा मुश्ताक हॉटेल ग्रुप काश्मीर, जम्मू आणि दिल्लीमध्ये पसरलेला आहे. ज्याची रेडिसन, एलटीएच आणि ब्लूम सारख्या प्रतिष्ठित ब्रँडसोबत भागीदारी आहे. (Ambani of Kashmir mushtaq ahmad chaya He built a multi billion dollar industry under the shadow of terrorism)

काश्मीरच्या खोऱ्यांपासून ते देशाच्या राजधानीपर्यंत, मुश्ताक हॉटेल ग्रुप भारतीय हॉटेल उद्योगात एक प्रतिष्ठित नाव म्हणून उदयास आले आहे. नवी दिल्लीत ग्रँड मुमताज (काश्मीर), जेहलम रिसॉर्ट्स (जम्मू) आणि राणी कॅसल आणि पी-51 सारख्या हॉटेल्ससह, हा समूह देशाच्या विविध भागात उत्कृष्ट सेवांसाठी ओळखला जातो. मुश्ताक ग्रुपची हॉटेल्स नैसर्गिक सौंदर्यासोबतच अत्याधुनिक डिझाइनचे प्रदर्शन करतात. ही हॉटेल्स काश्मीरच्या टेकड्या, वाहत्या नद्या, बर्फाच्छादित लँडस्केप्स आणि गोल्फ कोर्सच्या विहंगम दृश्यांमध्ये वसलेली आहेत.

या हॉटेलमधील पदार्थ खूप प्रसिद्ध!

मुश्ताक ग्रुपच्या रेस्टॉरंट्समध्ये चायनीज, कॉन्टिनेंटल, इंडियन, मुघलाई, काश्मिरी वझवान आणि थाई असे विविध पदार्थ मिळतात. शाकाहारी जेवणाचीही विशेष व्यवस्था आहे. याशिवाय, मुश्ताक हॉटेल ग्रुप पर्यटकांसाठी परवडणारे आणि वैयक्तिकृत टूर पॅकेजेस देखील प्रदान करते. मुश्ताक अहमद छाया यांनी हे सिद्ध केले आहे की, जर इच्छाशक्ती प्रबळ असेल तर दहशतवादाच्या सावलीतही व्यवसायाला नवीन उंचीवर नेता येते.

Hafiz Saeed: पहलगाम हल्ल्यानंतर भारताने दहशतवाद्यांचा बिमोड करण्याचा इरादा पक्का केलाय. त्यामुळे दहशतवाद्यांचे आणि पाकिस्तानचे धाबे दणाणलेत. भारतावर दहशतवादी कारवाया करणारा लष्कर ए तोयबाचा संस्थापक हाफिज सईदही लाहोरमध्ये लपल्याची माहिती सुरक्षा यंत्रणांना मिळालीय. दहशतवाद्यांना पोसणाऱ्या पाकिस्तानने मोस्ट वॉन्टेड दहशतवादी हाफिज सईदला सुरक्षाही पुरवलीय. मात्र भारतीय लष्करालाही हाफिज सईदचा पाकिस्तानातील ठावठिकाणा सापडलाय.

दहशतवाद्यांचा पोशिंदा असलेल्या पाकिस्तानचं कंबरडं मोडण्याचा निश्चय भारत सरकारने केल्यानंतर पाकिस्तानची त्रेधा तिरपीट उडालीय. 26/11 सह अनेक दहशतवादी हल्ल्यांचा मास्टरमाईंड असलेला हाफिज सईदही पाकिस्तानातच लपल्याचं आता समोर आलंय. दहशतवादाशी आपला संबंध नसल्याचं सांगणाऱ्या पाकनेच मोस्ट वॉन्टेड क्रूरकर्मा दहशतवादी हाफिस सईदला पाकिस्तानातच लपवलाय. 

हाफिज सईदचा पाकिस्तानातील ठावठिकाणा आता सापडलाय. हाफिज सईदच्या घराचे सॅटेलाईट फोटो समोर आलेत. लाहोरच्या जोहर टाऊनमध्ये हाफिज सईदचं आलिशान घर आहे. लाहोरमध्ये हाफिज सईदचं भलं मोठं घरं, त्याच्यासाठी स्वतंत्र मशिद आणि खासगी पार्क असल्याचं समोर आलंय.

तर हाफिज सईद पाकिस्तानात नाही असा कांगावा करणाऱ्या पाकिस्तानने पहलगाम हल्ल्यानंतर हाफिजच्या सुरक्षेत मोठी वाढ केलीय.हाफिज सईदला आता पाकिस्तानने चार स्तरीय सुरक्षा देण्यात आलीय. त्याच्या घराच्या चारही बाजुंनी पाक लष्कराचे जवान सुरक्षेसाठी तैनात करण्यात आलेत. तर सीसीटीव्हीच्या निगरानी खाली त्याचं घरं आहे. जगभरातील अनेक दहशतवादी कारवायांमध्ये हाफिज सईद हा सुत्रधार आहे.

कोण आहे हाफिज सईद?

हाफिज सईद हा जमात-उद-दवा आणि लष्कर-ए-तोयबा या अतिरेकी संघटनेचा संस्थापक आहे. तो मुंबईमधील 26/11 च्या हल्ल्याचा मास्टरमाईंड आहे. संयुक्त राष्ट्र संघाकडून त्याला जागतिक दहशतवादी म्हणून घोषित करण्यात आलंय. काश्मीर खोऱ्यातील दहशतवादामध्ये हाफिज सईदचा हात आहे.

पहलगाम दहशतवादी हल्ल्यानंतर भारताने पाकिस्तानविरोधात कठोर भूमिका घेतलीय. दहशतवादी हल्ल्यांनंतर तो मी नव्हेच असा कांगावा करणाऱ्या पाकिस्तानने मात्र दहशतवाद्याला शरण दिलीय.आणि दहशतवादी हाफिज सईदला लपवत त्याला सुरक्षा पुरवलीय. मात्र भारत या क्रूरकर्म्याला सोडणार नाही हेही तेवढंच खरंय.