‘वेडात मराठे वीर दौडले सात’ची संपूर्ण टीम सध्या या चित्रपटासाठी प्रचंड मेहनत घेत आहे. या चित्रपटात मुख्य भूमिका साकारणारे कलाकार सध्या जीममध्ये घाम गाळत आहेत. अभिनेता जय दुधाणे, विशाल निकम, उत्कर्ष शिंदे, हार्दिक जोशी, प्रवीण तरडे सगळेच कलाकर एकत्र वर्कआऊट करताना दिसतात. या वर्कआऊटचे व्हिडीओ ते सोशल मीडियावर शेअर करत असतात. या व्हिडीओत मात्र सत्या मांजरेकर कुठेच दिसत नाहीये. तर, या टीमसोबत अभिनेता आरोह वेलणकर वर्कआऊट करताना दिसत आहे.

भालचंद्र कुलकर्णी गेले पाच दशकं मनोरंजन विश्वात सक्रिय होते. पाच दशकांच्या या बहारदार कारकिर्दीत त्यांनी अनेक सुपरहिट मराठी चित्रपटांमध्ये महत्त्वपूर्ण भूमिका केल्या. ‘पिंजरा’, ‘मुंबईचा जावई’, ‘थरथराट’, ‘खतरनाक’, ‘सोंगाड्या’, ‘नवरा नको गं बाई’, ‘हळद रुसली कुंकू हसलं’, ‘जावयाची जात’ अशा अनेक चित्रपटातून भालचंद्र कुलकर्णी यांनी संस्मरणीय भूमिका साकारल्या. त्यांनी मोठ्या पडद्यावर साकारलेल्या सहाय्यक भूमिकांसाठी ते नेहमीच लक्षात राहिले. प्रकृती अस्वस्थ असल्यामुळे गेल्या अनेक वर्षांपासून ते अभिनय क्षेत्रापासून काहीसे दूर होते.

मीडिया रिपोर्ट्सनुसार एका कार्यक्रमात लाईव्ह परफॉर्मन्स दरम्यान कार्तिक आर्यनच्या पायाला गंभीर दुखापत झाल्याचे सांगितले जात आहे. मात्र, या लाईव्ह परफॉर्मन्स पूर्ण होईपर्यंत कार्तिक आर्यनने आपली दुखापत बराच काळ लपवून ठेवली होती. या लाईव्ह परफॉर्मन्समध्ये कार्तिक आर्यन त्याच्या ‘भूल भुलैया २’ची सिग्नेचर स्टेप करत होता. यादरम्यान त्याच्या पायाच्या घोटा मुरगळला आणि पाय हवेत अडकला. त्याच्या घोट्याला इतकी दुखापत झाली आहे की, तो परत स्टेजवर आपला पाय टेकवू शकला नाही. आधी लोकांना वाटले की, कार्तिक आर्यन मस्करी करतोय. पण, जेव्हा त्यांनी कार्तिकची अवस्था पाहिली तेव्हा सगळे घाबरले होते.

खानदेशातून असणाऱ्या विशालच्या कलेची जिद्द या गाण्यातून पडद्यावर रेखाटतेय. विशाल राठोडसोबत या गाण्यात ‘महाराष्ट्राची हास्यजत्रा’ फेम शिवाली परब झळकत असून, व्ही.आर. म्युझिक या यूट्यूब चॅनलवर हे गाणे प्रदर्शित झाले आहे. ‘म्याड केलंस तू’ म्हणत प्रेमाची परिभाषा मांडणारे असे आणि तरुणाईला भुरळ पाडणारे हे अल्बम साँग रसिकांच्या दिलाचा ठोका चुकवायला सज्ज झाले आहे. १२ मार्चला या गाण्याचा टीझर आला होता, तेव्हापासून या गाण्याची चर्चा सुरू आहे. आता मात्र या चर्चेला पूर्णविराम मिळाला असून, हे गाणंही प्रेक्षकांच्या भेटीस आलं आहे. या गाण्याला प्रेक्षकांनी अक्षरशः डोक्यावर उचलून धरलं आहे.

अमिताभ बच्चन यांचा ‘अजूबा’ हा चित्रपट शशी कपूर यांनी दिग्दर्शित आणि निर्मित केला होता. त्या काळात हा चित्रपट ८ कोटींमध्ये बनला होता. मात्र, हा चित्रपट प्रदर्शित झाला, तेव्हा तो सुपरफ्लॉप ठरला. या चित्रपटामुळे शशी कपूर यांना ३.५० कोटींचे नुकसान झाले होते. या नुकसानीमुळे शशी यांची आर्थिक स्थिती बिकट झाली होती. त्याकाळी हा तोटा भरून काढण्यासाठी शशी यांना आपली काही मालमत्ता देखील विकावी लागली. तर, ‘उत्सव’ या चित्रपटाच्या वेळी देखील त्यांना तब्बल दीड कोटींचे नुकसान सहन करावे लागले होते.

मलायकाला एअरपोर्टवर बॉडीगार्डशिवाय चालत येत असल्याचे पाहून अनेकजण तिच्याजवळ सेल्फी घेण्यासाठी येतात. मात्र, मलायकाने चाहत्यांना दिलेली वागणून पाहून नेटकरी संतापले आहेत. त्यांनी मलायकाला चांगलेच सुनावले आहे.