पुढे तो म्हणाला, ‘आम्ही खूप चांगले मित्र आहोत. आम्ही आधूनमधून भेटत असतो. असेच फोटो व्हायरल करत रहा.’ घर बंदुक बिरयाणी या चित्रपटाच्या निमित्ताने नागराज मंजुळे आपल्याला ॲक्शन मोडमध्ये आणि एका वेगळ्याच शैलीत दिसत आहेत तर सयाजी शिंदेही अतिशय रावडी आणि तडफदार अंदाजात दिसत आहे. आकाशची रोमँटिक इमेजही तरुणांना भावणारी आहे.

मराठी सिनेसृष्टीतील लोकप्रिय अभिनेत्रींच्या यादीत प्राजक्ता माळी हे नाव कायमच आघाडीवर असते. तिने अभिनयाच्या जोरावर प्रेक्षकांच्या मनात एक वेगळे स्थान निर्माण केलं आहे. सुरुवातीच्या काळात काही मालिकांत काम करून प्राजक्ता घराघरांत पोहोचली. फक्त मालिकाच नव्हे तर मराठी चित्रपटांमध्ये काम करण्याचंही स्वप्न तिनी पाहिलं आणि ते स्वप्न सत्यात उतरवलं. मालिका, चित्रपट, वेबसिरीज या तिन्ही माध्यमांमध्ये प्राजक्ता उत्तम काम करतेच, पण त्याबरोबरीनेच ‘महाराष्ट्राची हास्यजत्रा’ या कार्यक्रमाच्या सूत्रसंचालनाची जबाबदारीही तिनी उत्तमरीत्या पेलली आहे. सुरुवातीपासूनच ती ‘महाराष्ट्राची हास्यजत्रा’ या कार्यक्रमाचा महत्त्वाचा भाग आहे. प्राजक्ताने अधिक मेहनत करत कलाविश्वात स्वतःचं एक वेगळं स्थान निर्माण केलं आहे. आता प्राजक्ता पुन्हा एकदा मालिकेत दिसणार आहे. हा चाहत्यांसाठी सुखद धक्काच आहे.

अशोक सराफ यांची चित्रपटसृष्टीतली ओळख म्हणजे ‘अशोक मामा.’ खळखळून हसवणारे आणि तेवढेच अंतर्मुख करणारे अशोक मामा. पन्नासच्या वर हिंदी सिनेमे, दोनशेच्या आसपास मराठी सिनेमे, पंधरा टीव्ही मालिका, पंचवीस नाटकं आणि पुरस्काराचं अर्धशतक. एवढा प्रचंड प्रवास आहे मामांचा. जो आजही तेवढ्याच ताकदीने चालू आहे. अभिनय शिकायला कुठल्या शाळेत जायची गरज नाही. अशोक सराफ नावाचं विद्यापीठ आहे केवळ बघत राहिलो तरी खूप काही शिकण्यासारखं आहे.

काही दिवसांपूर्वी अजय देवगणने त्याच्या ‘भोला’ चित्रपटाचे पोस्टर शेअर केले होते. या पोस्टरमध्ये त्याने कपाळाला भस्म, हातात त्रिशूल आणि थोडा जखमी दिसत होता. त्याच्या या लूकची जोरदार चर्चा रंगली होती. त्यानंतर अजयच्या या चित्रपटाचा टीझर, ट्रेलर प्रदर्शित झाला आणि चर्चेचा विषय ठरला. भोला या चित्रपटाचे दिग्दर्शन आणि निर्मिती अजय देवगणने केली आहे. या चित्रपटात अजय देवगण आणि तब्बू महत्त्वाच्या भूमिकेत दिसणार आहे. हा चित्रपट ३० मार्च २०२३ रोजी प्रदर्शित होणार आहे. हा चित्रपट हिंदी सहित तमिळ भाषेत प्रदर्शित होणार आहे.

आपल्या वेगवगेळ्या कल्पना आणि त्यातून उभारलेले उद्योग यांना तज्ज्ञांचे मार्गदर्शन मिळावे म्हणून ‘शार्क टँक’सारख्या कार्यक्रमांची सुरुवात झाली आहे. या मंचावर अनेक उद्योजकांनी वेगवेगळ्या क्षेत्रातील तज्ज्ञ मंडळींना आपल्या कंपनीमध्ये सामील करून, आपल्या उद्योगांना एका वेगळ्या उंचीवर नेऊन ठेवलं आहे. या कार्यक्रमात अनुपम मित्तल हा परिक्षक म्हणून बसलेला असतो. आता त्याच्या दुखापत झाली असून रुग्णालयात दाखल करण्यात आले आहे.

कामाविषयी बोलायचे झाले तर कंगनाचा ‘इमर्जन्सी’ हा चित्रपट प्रेक्षकांच्या भेटीला येणार आहे. हा एक पीरियड ड्रामा आहे. यामध्ये २५ जून १९७५ रोजी देशात सुरू झालेली आणीबाणीची परिस्थिती दाखवण्यात येणार आहे. या चित्रपटाचे दिग्दर्शन कंगना रणौत स्वत: करणार आहे. ती या चित्रपटात माजी पंतप्रधान इंदिरा गांधींच्या भूमिकेत दिसणार आहे. श्रेयस तळपदे भारताचे माजी पंतप्रधान अटल बिहारी वाजपेयी यांच्या भूमिकेत दिसणार आहे. तर अनुपम खेर हे जय प्रकाश नारायण यांची भूमिका साकारणार आहेत. आता संजय गांधी यांच्या भूमिकेत अभिनेता विशाक नायर दिसणार आहेत.