पाटण : पुढारी वृत्तसेवा आज (रविवार) पहाटे ३.५३ वाजता कोयना धरण परिसरात तीन रिश्टर स्केलचा भूकंप झाला. या भूकंपाचा केंद्रबिंदू कोयना धरणाच्या उत्तरेस 50 किलोमीटर अंतरावर असल्याची माहिती कोयना धरण व्यवस्थापन केंद्राकडून देण्यात आली.

हा भूकंप कोयनेसह पाटण व चिपळूण तालुक्यात काही ठिकाणी जाणवला. या भूकंपात कोणत्याही प्रकारची हानी झाली नसल्याची माहिती प्रशासनाकडून देण्यात आली. भूकंपाची खोली तीस किलोमीटर अंतरावर होती. मध्यरात्री अचानकपणे जाणवलेल्या भूकंपामुळे गाढ झोपत असलेले स्थानिक लोक घाबरून घराबाहेर पडले होते.

हेही वाचा :  

सातारा; पुढारी वृत्तसेवा :  विरोधी पक्षनेते आ. अजित पवार हे फार मीडिया फ्रेंडली नाहीत. त्यांना प्रसिद्धीची फार चिंता नसते. त्यांचा आपले काम पूर्ण करण्यावर भर असतो. त्यांचा स्वभाव कडक आहे. मात्र, त्यांच्याबद्दल काही जणांकडून गैरसमज पसरवले जात असल्याचे मत खा. शरद पवार यांनी व्यक्त केले. राजीनामा नाट्यानंतर खा. शरद पवार हे सातारा जिल्हा दौर्‍यावर आहेत. शनिवारी त्यांनी माध्यमांशी संवाद साधला. यावेळी ते बोलत होते.

खा. पवार म्हणाले, काही लोकांच्या कामांच्या पध्दती या वेगळ्या असतात. काही जणांना हे काम दाखवायचे असते तर काही जण आपले केवळ काम करत असतात. मी कोठेही गेलो तर तुम्ही भेटता. मला वेळ असला तर मी तुमच्याशी संवाद साधतो. तुमच्या प्रश्नांची उत्तरे देतो. मात्र, अजित पवार यांच्याबाबत तसे नाही. अजितदादा फारसे मीडिया फ्रेंडली नाहीत. मी तुम्हाला स्पष्ट सांगतो की, काही लोक असे असतात ते नुसते काम करतात आणि काही लोक असे असतात प्रसार माध्यमांमध्ये नाव कसे येईल याची काळजी घेतात. अजित पवारांना प्रसिध्दीची चिंता नसते. त्यांना चिंता असते आपण हातात घेतेलेल काम पूर्णत्वास न्यायचे. त्यांचा स्वभाव कडक आहे त्यामुळे त्यांच्याबद्दल गैरसमज होतात. माझी विनंती आहे तुम्हाला असे काहीही नाही. ते त्यांचं काम करतायत आणि ते काम राज्यासाठी अत्यंत उपयुक्त आहे, असेही खा. शरद पवार म्हणाले.

कराड, पुढारी वृत्तसेवा : पुढील वर्षी होणार्‍या विधानसभा निवडणुकीत महाविकास आघाडीत ज्या पक्षाचे जास्त आमदार विजयी होतील; अर्थात ज्या पक्षाच्या जागा जास्त, त्याच पक्षाचा मुख्यमंत्री होईल, अशी भूमिका काँग्रेस नेते आणि माजी मुख्यमंत्री, आमदार पृथ्वीराज चव्हाण यांनी मांडली आहे.

आ. पृथ्वीराज चव्हाण हे कर्नाटक विधानसभा निवडणुकीतील काँग्रेसचे स्टार प्रचारक आहेत. कराड बाजार समिती निवडणूक निकालानंतर ते कर्नाटकला प्रचारासाठी रवाना झाले आहेत. तत्पूर्वी, त्यांनी कराडमध्ये काँग्रेसची भूमिका स्पष्ट केली. ते म्हणाले, पुढचा मुख्यमंत्री कोण होईल? हे आताच सांगता येणार नाही. आघाडीत ज्या पक्षाचे जास्त आमदार असतील,

त्याच पक्षाचा मुख्यमंत्री होईल असे सांगत, जर वंचित बहुजन आघाडीचे जास्त आमदार विजयी झाले, तर त्या पक्षाचाही मुख्यमंत्री होऊ शकतो, असेही चव्हाण यांनी यावेळी स्पष्ट केले.

राज्यातील बाजार समित्यांचे निकाल पाहिल्यानंतर जनतेच्या मनात काय आहे? हे सहजपणे लक्षात येते. त्यामुळे आगामी विधानसभा निवडणुकीत महाविकास आघाडीलाच बहुमत मिळेल, असा विश्वासही आ. चव्हाण यांनी यावेळी व्यक्त केला.

साखरवाडी; पुढारी वृत्तसेवा : राष्ट्रवादी काँग्रेसचे अध्यक्ष शरद पवार (Sharad Pawar) यांनी शुक्रवारी पक्षाच्या अध्यक्षपदाचा राजीनामा माघारी घेत असल्याचे जाहीर केले होते. व पुन्हा जोमाने सार्वजनिक जीवनात सक्रिय होणार असल्याचे पत्रकार परिषद सांगितले होते. त्यानुसार आज (दि. ६) पवार यांनी सातारा जिल्ह्यातील फलटण तालुक्यामधील वाठार निंबाळकर येथे डाळिंब उत्पादक शेतकऱ्याची बांधावर जाऊन भेट घेतली. यावेळी डाळिंबावर आलेल्या तेल्या, मररोग व अवकाळी पावसाने झालेल्या नुकसानीबाबत त्यांनी सविस्तर चर्चा केली.

पवार (Sharad Pawar) यांनी वाठार निंबाळकर येथील प्रगतशील शेतकरी व डाळिंब उत्पादक चंद्रकांत अहिरेकर यांच्या डाळिंब बागेस भेट दिली. यावेळी त्यांच्यासमवेत जिल्हा परिषदेचे माजी अध्यक्ष संजीव राजे नाईक निंबाळकर, तालुक्याचे ज्येष्ठ नेते सुभाषराव शिंदे, पुणे जिल्हा परिषदेचे माजी अध्यक्ष विश्वास देवकाते, फलटणचे उपविभागीय पोलीस अधिकारी तानाजी बर्डे, शेतकरी, वाठार निंबाळकर ग्रामपंचायतचे सरपंच, सदस्य व शेतकरी आदीसह कार्यकर्ते उपस्थित होते.

राष्ट्रवादी काँग्रेस पक्षाचे अध्यक्ष शरद पवार यांनी आपल्या ‘लोक माझे सांगाती’ या पुस्तकाच्या अनावरण प्रसंगी राष्ट्रवादी काँग्रेस पक्षाच्या अध्यक्ष पदाचा राजीनामा देत असल्याचे जाहीर केल्यानंतर मागील तीन ते चार दिवसांपासून महाराष्ट्र सह संपूर्ण देशभरात राजकीय वातावरण ढवळून निघाले होते. मात्र, राष्ट्रवादी काँग्रेसचे प्रमुख नेते व राज्यभरातील कार्यकर्त्यांच्या मागणीचा आदर करून त्यांनी आपण राजीनामा माघारी घेत असल्याचे जाहीर केले. व पुन्हा जोमाने सार्वजनिक जीवनात सक्रिय होणार असल्याचे पत्रकार परिषद सांगितले होते. त्यानुसार पवार यांनी आपल्या नियोजित दौऱ्याला सुरूवात केली आहे.

दरम्यान, राष्ट्रवादी काँग्रेस पक्षाचे अध्यक्ष शरद पवार यांनी आपल्या ‘लोक माझे सांगाती’ या पुस्तकाच्या अनावरण प्रसंगी राष्ट्रवादी काँग्रेस पक्षाच्या अध्यक्ष पदाचा राजीनामा देत असल्याचे जाहीर केल्यानंतर मागील तीन ते चार दिवसांपासून महाराष्ट्रासह संपूर्ण देशभरात राजकीय वातावरण ढवळून निघाले होते. मात्र, राष्ट्रवादी काँग्रेसचे प्रमुख नेते व राज्यभरातील कार्यकर्त्यांच्या मागणीचा आदर करून त्यांनी आपण राजीनामा माघारी घेत असल्याचे जाहीर केले.

हेही वाचा