पाचगणी; पुढारी वृत्तसेवा : पुणे-सातारा महामार्गावर शिरवळच्या अलीकडे धनगरवाडीच्या हद्दीत रात्री बाराच्या सुमारास कंटेनरला आग लागल्याने कंटेनर पूर्णतः जळून खाक झाला. या घटनेची नोंद शिरवळ पोलीस ठाण्यात झाली आहे.

या संदर्भात घटनास्थळावरून मिळालेल्या माहितीनुसार, शनिवारी रात्री बाराच्या सुमारास पुणे-सातारा महामार्गावर धनगरवाडी येथे कंटेनरच्या केबिनमध्ये झालेल्या शॉट सर्किटने कंटेनरला आग लागली. आगीने मोठ्या प्रमाणात रौद्ररूप धारण केले. यामध्ये कंटेनर या लागलेल्या आगीत जळून खाक झाला. सुदैवाने यामध्ये कोणतीही जीवितहानी झालेली नाही. या घटनेनंतर काही काळ वाहतुकीची कोंडी झाली होती. दरम्यान घटनेनंतर बराच वेळ घटनास्थळावर कोणतीही पोलीस यंत्रणा अथवा ट्रॉफिक पोलस पोहोचले नव्हते. त्यामुळे महामार्गावरील वाहन सुरक्षितेच्या संदर्भात प्रश्नचिन्ह निर्माण झाले आहे.

हेही वाचा : 

सातारा; पुढारी वृत्तसेवा :  मेणवली (ता. वाई) येथे हॉटेल व्यावसायिकास पिस्तुलाचा धाक दाखवून 10 लाख रुपयांच्या खंडणीची मागणी करुन दरोडा टाकणार्‍या टोळीस स्थानिक गुन्हे शाखा (एलसीबी) व भुईज पोलिसांनी जेरबंद केले. वाई, भुईंज आणि पुण्यातून 11 जणांना अटक केली आहे. 1 जून रोजी दरोड्याची घटना घडली होती.

अनिकेत ऊर्फ बंटी जाधव, आरिफ सिकंदर मुल्ला, सागर तुकाराम मोरे, अभिमन्यू शामराव निंबाळकर, सूरज मुन्ना शेख, संदीप सुरेश पवार,क्षितीज उर्फ सोन्या विरसेन जाधव, गिरीष दिलीप गवळी, प्रज्वल बाळकृष्ण पवार, प्रतीक प्रकाश सूर्यवंशी, रत्नाकर मधुकर क्षीरसागर व निलेश उमेश मोरे ( सर्व रा. भुईंज, ता. वाई), अभिजीत शिवाजी मोरे, निखिल शिवाजी मोरे (रा. गंगापूरी, ता. वाई), अमोल महामुलकर (रा. महामुलकरवाडी, ता. वाई) यांच्यावर गुन्हा दाखल झालेला आहे. यातील 11 जणांना अटक करण्यात आली असून तिघे जण कळंबा जेलमध्ये आहेत. तर एकाचा शोध सुरू आहे.

सातारा : पुढारी वृत्तसेवा राष्ट्रवादीचे आ. जितेंद्र आव्हाड यांनी भाजप महिला मोर्चाध्यक्ष चित्रा वाघ यांची मानहानी आणि बदनामी केली आहे. त्यामुळे त्यांच्यावर कारवाई करण्याची मागणी भाजप महिला आघाडीच्यावतीने पोलिस अधीक्षकांकडे निवेदनाद्वारे करण्यात आली आहे. आ. जितेंद्र आव्हाड यांच्याकडून चित्रा वाघ यांचे चारित्र्य हनन झाले आहे. चित्रा वाघ यांची बदनामी करून त्रास देण्याचा प्रकार आ. आव्हाड यांनी केला. त्यामुळे त्यांच्यावर गुन्हा दाखल करून कारवाई करण्याची मागणी करण्यात आली.

यावेळी भाजप जिल्हाध्यक्ष आ. जयकुमार गोरे, महिला मोर्चा प्रदेश चिटणीस सुनिशा शहा, शहराध्यक्षा रीना भणगे, तालुकाध्यक्ष मोनाली पवार, जिल्हा उपाध्यक्ष सविता पवार, वैष्णवी कदम, माजी नगरसेविका हेमांगी जोशी, निशा जाधव, संगीता जाधव, कुंजा खंदारे, अश्विनी हुबळीकर यांच्यासह महिला पदाधिकारी उपस्थित होत्या.

सातारा; पुढारी वृत्तसेवा : बारावी बोर्ड परीक्षेचा निकाल लागल्यामुळे पुढील उच्च शिक्षणाची प्रवेश सुरु झाले आहेत. परंतु, विद्यार्थ्यांकडून पारंपरिक शिक्षणाला फाटा देत नोकरी देणार्‍या शिक्षणावर भर दिला जात आहे. त्यामुळे व्यावसायिक अभ्याक्रमाकडे विद्यार्थ्यांचा ओढा वाढला आहे. त्याद़ृष्टीने विद्यार्थी व पालक ‘पुढारी एज्यु दिशा’ या शैक्षणिक प्रदर्शनाला भेट देवून माहिती घेत आहेत. दरम्यान, प्रवेशासाठी सीईटी निकालाची प्रतीक्षा असून लवकरच प्रवेश प्रक्रिया सुरू होणार आहे.

येत्या शैक्षणिक वर्षापासून सर्व अकृषी विद्यापीठात नवीन राष्ट्रीय धोरणाची अंमलबजावणी केली जाणार आहे. त्यानुसार 4 वर्षांचा पदवी अभ्यासक्रम या वर्षापासून सर्व विद्यापीठात सुरु होणार आहे. त्यामुळे हे नवीन शैक्षणिक धोरण कसे असेल याबाबत कुठे उत्सुकता तर कुठे संभ्रमही आहे. 12 वी उत्तीर्ण विद्यार्थ्यांची पदवी प्रवेशाची लगबग सुरु झाली आहे. पारंपरिक शिक्षणाचे प्रवेश सुरु झाले आहेत.

पारंपरिक शिक्षणात पदवी घेवूनही नोकरीची शाश्वती कमी असल्याने इंजिनिअरिंग, वैद्यकीय, औषध निर्मितीशास्त्र, कृषी या व्यावसायिक अभ्यासक्रमाला प्राधान्य दिले जात आहे. व्यावसायिक अभ्यासक्रमांमध्ये उद्योजकता विकास आणि नोकरीसाठी आवश्यक असणार्‍या कौशल्य निर्मितीवर विशेष भर दिला जातो. त्यामुळे व्यावसायिक अभ्यासक्रमांना प्राधान्य दिले जात आहे. परंतु, हे प्रवेश सीईटी परीक्षेवर आधारित होत असल्याने विद्यार्थ्यांना आता सीईटी परीक्षेच्या निकालाची प्रतीक्षा लागली आहे.

महाविद्यालये व अभ्यासक्रमासाठी भिरकीट

व्यावसायिक अभ्यासक्रम शिकवणारी महाविद्यालयांची संख्या वाढल्याने विद्यार्थ्यांना अनेक पर्याय उपलब्ध झाले आहेत. करिअरसाठी अभ्यासक्रम निवडताना पालक व विद्यार्थ्यांकडून कॉलेज कॅम्पस, सोयी सुविधा, शैक्षणिक गुणवत्ता व नोकरीच्या संधी याची खातरजमा करण्यासाठी भिरकीट सुरु आहे.

तुलनेने कमी प्रवेश शुल्कामध्ये बीबीए, बीसीए या व्यावसायिक पदवी अभ्यासक्रम प्रवेशाला विद्यार्थ्यांची पसंती मिळत आहे. सर्वोकृष्ट शिक्षण, परिपूर्ण मार्गदर्शन व नोकरीची हमी असल्याने प्रवेशासाठी गर्दी होत आहे.
डॉ.बी. एस. सावंत, संचालक, केबीपी इन्स्टिट्यूट ऑफ मॅनेजमेंट स्टडीज अ‍ॅण्ड रिसर्च.