‘गदर २’ या चित्रपटाच्या कथानकात तब्बल २२ वर्षांनंतर तारा सिंह पाकिस्तानचा जावई म्हणून परतणार आहे. मात्र, यावेळी पूर्वीपेक्षा अधिक चीड डोक्यात घेऊन तारा सिंह याने पाकिस्तानच्या भूमीवर पाऊल ठेवले आहे. तारा सिंहच्या एन्ट्रीमुळे आता पाकिस्तानात खळबळ उडाली आहे. तो आपल्या मुलाला सोडवण्यासाठी पाकिस्तानामध्ये शिरकाव करताना दिसणार आहे. सनी देओल ‘गदर २’ घेऊन पुन्हा एकदा बॉक्स ऑफिसवर धुमाकूळ घालणार असल्याचा अंदाज बांधला जात आहे.

कुन्या राजाची गं तू रानी मालिकेतील या भूमिकेविषयी सांगताना हर्षद म्हणाला, ‘कबीर हे पात्र मी आजवर साकारलेल्या भूमिकांपेक्षा वेगळं आहे. कबीर हा तळागाळात जाऊन काम करणारा पत्रकार आहे. मालिकेचं कथानकही खूप छान आहे. कामावर प्रचंड प्रेम करणारा असा हा कबीर साकारताना नवनव्या गोष्टी शिकायला मिळत आहेत. फुलाला सुगंध मातीचा मालिका संपल्यानंतर पुन्हा कधी भेटीला येणार याची सतत विचारणा होत होती. योग्य वेळी ही सुवर्णसंधी चालून आली आणि मी तातडीने या भूमिकेसाठी होकार दिला. माझ्या याआधीच्या भूमिकांवर प्रेक्षकांनी भरभरुन प्रेम केलं आहे. हेच प्रेम कुन्या राजाची गं तू मालिकेतील कबीरवर करतील याची खात्री आहे.

पल्लवी मळेकर (फक्त मराठी) निर्मित ‘विठ्ठल माझा सोबती’ या चित्रपटात दिव्या पुगांवकरसह अरुण नलावडे, संदीप पाठक, राजेंद्र शिरसाटकर, आशय कुलकर्णी, अश्विनी कुलकर्णी, अभय राणे यांसारख्या दर्जेदार कलाकारांच्या महत्त्वपूर्ण भूमिका आपल्याला पाहायला मिळतील. या चित्रपटाची उत्कंठावर्धक कथा संदीप मनोहर नवरे यांनी लिहिली असून पटकथा-संवाद विक्रम एडके यांचे आहेत. गौरव चाटी आणि गणेश सुर्वे यांचं सुमधुर संगीत या चित्रपटाला लाभलं आहे. मनू अस्थी संकलक तर चित्रपटाच्या छायांकनची जबाबदारी गौरव पोंक्षे यांनी सांभाळली आहे. शिवाय नाईंटी नाईन प्रोडक्शनचे विजय शिंदे आणि बॉम्बे बरोडा वेब टॉकीज हे या चित्रपटाचे लाईन प्रोड्युसर आहेत.

११ जून पासून आदिपुरुष चित्रपटाच्या अडवान्स बुकींगला सुरुवात झाली आहे. पहिल्याच दिवशी प्रेक्षकांचा बुकींगला चांगला प्रतिसाद मिळाला. समोर आलेल्या माहिती नुसार, चित्रपटाने जवळपास १० लाख तिकिटांची अडवान्स बुकींग झाली होती. आता १२ लाखांपेक्षा जास्त तिकिटे विकली गेली असल्याचे समोर आले आहे.

अभिनेता प्रभास आणि अभिनेत्री क्रिती सेनॉन महत्त्वाच्या भूमिकेत असणारा आदिपुरुष हा चित्रपट नुकताच प्रदर्शित झाला आहे. या चित्रपटावर जोरदार टीक होताना दिसत आहे. दरम्यान, चित्रपटातील एका सीनमध्ये मुख्यमंत्री एकनाथ शिंदे असल्याचे दिसत असल्याचा दावा नेटकऱ्याने केला आहे. हे ट्वीट पाहून पोलिसांनी लगेच अॅक्शन घेतली आहे.

नवाज सध्या चित्रपटाचे जोरदार प्रमोशन करताना दिसत आहे. या प्रमोशनच्या वेळी त्याने एका वृत्तवाहिनीला मुलाखत दिली. या मुलाखतीमध्ये त्याला २८ वर्षींनी लहान अभिनेत्रीला किस करण्याबाबत प्रश्न विचारण्यात आला होता. त्यावर त्याने, ‘आता तरुण अभिनेते हे नल्ले झाले आहेत आणि ते रोमँन्स करु शकत नाही तर आम्हीच पुढे आले आहोत. त्यामुळेच मोठे कलाकारच रोमँन्स करताना दिसत आहेत. आजकालचे अभिनेते कुठे रोमॅन्स दाखवतात. त्यांचा रोमॅन्स व्हॉट्सअपवर येऊन थांबला आहे. रोमॅन्स तर शाहरुख आणि सलमानने करावा’ असे उत्तर देत सर्वांचे लक्ष वेधले.