तेजस, तन्मय, फाल्गुनी आणि केतकी यांच्या पुढाकाराने अव्दैत-नेत्रा प्रिवेडिंग फोटोशूट करायला तयार होतात. नेत्राला प्रिवेडिंग फोटोशूट म्हणजे काय, हेही माहित नाहीये, पण अव्दैत तिला प्रेमाने सगळं समजावतो. त्या दोघांना एकमेकांच्या प्रेमात असलेलं पाहताना सर्वांनाच आनंद होतोय, त्यावरून दोघांना चिडवलंही जातंय. नेत्रा आणि अव्दैत मात्र लग्नाच्या प्रवासातील हे सारे क्षण मनसोक्त अनुभवत आहेत. मालिकत लवकरच नेत्रा अव्दैतसाठी महत्त्वपूर्ण निर्णय घेणार आहे, नेत्राच्या या निर्णयामुळे नियतीला झुकावं लागणार आहे. हे येत्या महाएपिसोडमध्ये आपल्याला पहायला मिळणार आहे.

‘द आर्चिज’ हा त्याच नावाच्या लोकप्रिय अमेरिकन कॉमिक बुकमधील पात्रांवर आधारित अ‍ॅक्शन आणि म्युझिकल चित्रपट आहे. झोया अख्तरने तिच्या इंस्टाग्राम अकाऊंटवर चित्रपटाचा टीझर देखील शेअर केला आणि कॅप्शनमध्ये लिहिले की, ‘तुम्ही जुन्या वेळेत परत जाण्यासाठी तयार आहात का? ‘द आर्चिज’मध्ये आपले स्वागत आहे.’ ‘द आर्चिज’चा टीझर पॉप कल्चरची आठवण करून देणारा आहे. मात्र, अद्याप या चित्रपटाची रिलीज डेट समोर आलेली नाही.

काजल अग्रवालचा जन्म १९ जून १९८५ रोजी एका पंजाबी कुटुंबात झाला. काजलचे शिक्षण मुंबईतील सेंट अॅन्स हायस्कूलमध्ये झाले. त्यानंतर तिने’ केसी कॉलेज मुंबईतून मास मीडिया स्ट्रीममध्ये पदवीचे शिक्षण पूर्ण केले. काजलने पत्रकारितेचे शिक्षण घेतले आहे. काजलने एका मुलाखतीत सांगितले होते की, तिला लहानपणापासूनच पत्रकार बनायचे होते. पण, काळाच्या ओघाने तिला अभिनेत्री बनवले. चित्रपटात येण्यापूर्वी काजलने एमबीएचे शिक्षण घेण्याची योजना आखली होती. पण, त्यातही ती अयशस्वी ठरली.

आशिष विद्यार्थी यांनी अनेक चित्रपटांमध्ये काम केले. पण, बहुतांश चित्रपटांमध्ये त्यांनी खलनायकाची भूमिका साकारली. एवढेच नाही, तर आशिष यांचे नाव बॉलिवूडमधील ‘सर्वोत्कृष्ट’ खलनायकांच्या यादीत सामील केले जाते. आशिष विद्यार्थी यांनी ‘बिच्छू’, ‘हसीना मान जाएगी’, ‘कहो ना प्यार है’, ‘जोड़ी नंबर १’ आणि ‘जिद्दी’यांसारख्या चित्रपटांमध्ये खलनायकाची भूमिका साकारली होती. त्यांनी साकारलेल्या खलनायकाला देखील प्रेक्षकांचे भरभरून प्रेम मिळाले.