Satara Jilha Parishad: सातारा जिल्हा परिषद अध्यक्ष उपाध्यक्ष निवडीच्या राड्यानंतर आज (4 मार्च) पुन्हा सभापती निवडीवरून जिल्हा परिषदेत वादंग उठले. भाजपने केलेली फोडाफोडी आणि जिल्हा प्रशासन यांच्या भूमिकेचा निषेध करत राष्ट्रवादी आणि शिवसेनेच्या सदस्यांनी सभापती निवडीवर बहिष्कार टाकला. बहिष्कार, घोषणाबाजी आणि थेट आंदोलनामुळे राजकारण तापलं असून आता हा संघर्ष उघडपणे ‘तू-तू, मी-मी’पर्यंत पोहोचला. साताऱ्यात पुन्हा एकदा भाजप विरुद्ध राष्ट्रवादी, शिवसेना संघर्ष पेटला आहे. या वादानंतर जिल्ह्यातील मंत्री शंभूराज देसाई, मंत्री मकरंद पाटील एका बाजूला तर विरोधात मंत्री शिवेंद्रसिंहराजे भोसले, मंत्री जयकुमार गोरे यांच्यात कलगीतुरा रंगला आहे. 

भाजपकडून प्रत्येक सभापतीपदासाठी एकच अर्ज आल्याने निवड बिनविरोध झाल्याचे जिल्हाधिकारी संतोष पाटील यांनी घोषित केले. महिला व बाल कल्याण समितीच्या सभापतीपदी राष्ट्रवादीच्या ऋतुजा विराज शिंदे यांची निवड झाली. समाज कल्याण समितीच्या सभापतीपदाची धुरा ऋषीकेश धायगुडे-पाटील यांच्याकडे सोपवण्यात आली. विषय समिती सभापती म्हणून लता अविनाश कर्णे आणि तेजस्विनी विक्रमशील कदम यांची बिनविरोध निवड करण्यात आली. 

आगे आगे देखो होता है क्या 

राष्ट्रवादी आणि शिवसेनेच्या सदस्यांनी काळ्या फिती लावून सभापती निवडीच्या प्रक्रियेवर आक्षेप घेतला. भाजप आणि जिल्हा प्रशासनाच्या विरोधात घोषणाबाजी करत सभागृहात प्रवेश केला आणि काही वेळात सभागृहातून बाहेर पडून जिल्हा परिषदेच्या पायऱ्यांवर आंदोलन केलं. या घटनेनंतर मंत्री शंभूराज देसाई आणि मंत्री मकरंद पाटील यांनी एकत्र पत्रकार परिषद घेऊन भाजपचे मंत्री जयकुमार गोरे आणि मंत्री शिवेंद्रसिंहराजे भोसले यांच्यावर टीका केली. शंभूराज देसाई यांनी सभापती निवड झाली म्हणजे जिल्हा परिषदच्या राजकारणाचा कालावधी संपला असं होत नाही. कालावधी पाच वर्षाचा आहे. आम्ही जे बोलतो ते करून दाखवतो असं सांगत आगे आगे देखो होता है क्या असा इशारा देसाई यांनी दिला.

आम्ही काल राजकारणात आलो नाही 

मकरंद पाटील यांनी सांगितले की, राजकारणामध्ये जय पराजय हे होत असतात. आज आमचे सदस्य जरी फोडले असले तरी ही वेळ त्यांच्यावर येणार आहे. आम्ही काल राजकारणात आलेलो नाही हे तुम्ही समजून घ्या. माझ्या कुटुंबात 50 ते 60 वर्ष जिल्ह्याच्या राजकारणाचा वारसा आहे. 100 टक्के याचे प्रतिउत्तर दिल्याशिवाय आम्ही गप्प बसणार नाही असा इशारा पाटील यांनी दिला.

जाणीवपूर्वक सत्तेपासून दूर ठेवण्याचा प्रयत्न 

शंभूराज देसाई आणि मकरंद पाटील यांच्या टीकेला मंत्री शिवेंद्रसिंहराजे भोसले आणि मंत्री जयकुमार गोरे यांनी उत्तर दिले. शिवेंद्रसिंहराजे यांनी सातारा जिल्हा परिषदेत आमचं बहुमत असताना देखील आम्हाला जाणीवपूर्वक सत्तेपासून दूर ठेवण्याचा प्रयत्न सुरू होता, असे सांगितले. आम्ही पहिल्यापासून सांगत होतो की अध्यक्ष उपाध्यक्ष हा आमच्याकडे बहुमत असल्यामुळे आमचाच होणार. बहुमत नसल्यामुळे त्यांनी बहिष्कार टाकला हे सिद्ध झालं आहे असे शिवेंद्रराजे म्हणाले. शंभूराज देसाई आरोप आमच्यावर करतात आणि धमकी देखील तेच देतात हे सातत्याने घडल आले आहे. आताही ते म्हणत आहेत अजून पाच वर्ष आहेत तर आम्हीही ते बघायलाच बसलो असल्याचे जयकुमार गोरे यांनी म्हटलं आहे. 

इतर महत्वाच्या बातम्या

आणखी वाचा

Satara Jilha Parishad: सातारा जिल्हा परिषद अध्यक्ष निवडीवरून (20 मार्च रोजी) झालेला वाद ताजा असतानाच आज (4 एप्रिल) सभापती निवडीतही तेच दिसून आले. अध्यक्षपदासाठी भाजपने केलेल्या दंडेलशाहीचा विरोध करत राष्ट्रवादी आणि शिवसेनेचे सदस्य दंडावर काळी फित बांधून आले. भाजपने फोडाफोडीचा धंदा कायम ठेवला असून आणखी एक सदस्य फोडला आहे.  त्यामुळे सभापती निवडीवर राष्ट्रवादी अन् शिवसेना बहिष्कार टाकणार असल्याची माहिती आहे. त्यामुळे भाजपचे चार सभापती होणार असल्याची माहिती आहे.  दरम्यान, सातारमधील राडा लक्षात घेत आज पोलिसांकडून बंदोबस्त तैनात करण्यात आला असला, तरी सदस्यांनी ‘गेटपास घेऊन आलो तरी मतदानाला जाऊ देईनात’ असा आरोप केला. त्यामुळे गेटवर पोलिसांशी वादावादी झाल्याचे दिसून आले. दुसरीकडे, अध्यक्ष निवडीत मंत्र्यांना झालेली धक्काबुक्की आणि पोलीस प्रशासनावरील आरोपांमुळे तो राज्यभर गाजला.  

अध्यक्ष निवडीत काय घडलं?

सातारा जिल्हा परिषद अध्यक्ष आणि उपाध्यक्षपदासाठी 20 मार्च रोजी निवडणूक प्रक्रिया राबविण्यात आली. या निवडीवेळी जोरदार राडा झाला होता. भाजपने राष्ट्रवादीचे तीन आणि शिंदेसेनेचे दोन सदस्य फोडून अध्यक्ष आणि उपाध्यक्षपदाची निवडणूक जिंकली होती. त्याचवेळी पोलिसांनी एका तक्रारीच्या अनुषंगाने राष्ट्रवादीच्या दोन सदस्यांना जिल्हा परिषदेतून बाहेर काढून नेले होते. त्यामुळे त्यांनाही मतदानाचा हक्क बजावता आला नव्हता. जिल्हा परिषदेत कोणत्याही एका पक्षाकडे स्पष्ट बहुमत नव्हते. 65 पैकी भाजपकडे 27 जागा होत्या, तर बहुमतासाठी 33 ची गरज होती. राष्ट्रवादी (20) आणि शिवसेना-शिंदे गट (15) यांनी एकत्र येत भाजपला रोखण्याचा प्रयत्न केला. मात्र, मतदानाच्या वेळी राष्ट्रवादीचे 3 आणि शिवसेनेचे 2 सदस्य भाजपने फोडले. एका अपक्ष सदस्याच्या पाठिंब्यासह भाजपने 33 मते मिळवून सत्ता काबीज केली.

मंत्र्यांना धक्काबुक्की आणि पोलिसांवर आरोप

निवडणूक प्रक्रियेदरम्यान प्रचंड राडा झाला. शिवसेनेचे नेते आणि पालकमंत्री शंभुराज देसाई यांनी असा आरोप केला की, त्यांच्या आघाडीच्या दोन सदस्यांना पोलिसांनी जाणीवपूर्वक मतदानापासून रोखले. या गोंधळात मंत्र्यांना धक्काबुक्की झाल्याचेही समोर आले, ज्यामुळे ‘शिंदे गट’ विरुद्ध ‘भाजप’ असा संघर्ष महायुतीतच पाहायला मिळाला. या वादाचे पडसाद विधिमंडळातही उमटले. ज्यावेळी हा राडा झाला, त्यावेळचे CCTV फूटेज गायब असल्याचे समोर आले. “वायर तुटल्याने कॅमेरे बंद होते” असे प्रशासनाचे स्पष्टीकरण शंभुराज देसाई यांनी फेटाळून लावत संशय व्यक्त केला. या प्रकरणी सातारा पोलीस अधीक्षकांच्या निलंबनाची मागणीही लावून धरण्यात आली होती. सभापती निलग गोऱ्हे यांनी पोलिस अधीक्षकांचे निलंबाने निर्देश दिले, पण नंतर मागे घेण्यात आले. आता सभापती निवडीसाठी अधीक्षकांना सक्तीच्या रजेवर पाठवण्यात आलं आहे. 

इतर महत्वाच्या बातम्या

आणखी वाचा

Phaltan Doctor Case: फलटण येथील उपजिल्हा रुग्णालयातील महिला डॉक्टरच्या खळबळजनक आत्महत्या प्रकरणात गेल्या पाच महिन्यांपासून कारागृहात असलेल्या बडतर्फ पीएसआय (PSI) गोपाळ बदने याला अखेर जामीन मंजूर झाला आहे. मुंबई उच्च न्यायालयाच्या कोल्हापूर सर्किट बेंचने 50 हजार रुपयांच्या वैयक्तिक जातमुचलक्यावर आणि काही अटींवर हा जामीन दिला आहे.

Phaltan Doctor Case: पाच महिन्यांनंतर कारागृहाबाहेर

23 ऑक्टोबर 2025 रोजी फलटणमधील एका हॉटेलमध्ये महिला डॉक्टरने गळफास घेऊन आपली जीवनयात्रा संपवली होती. या प्रकरणात आत्महत्येस प्रवृत्त केल्याच्या आरोपाखाली पोलीस उपनिरीक्षक गोपाळ बदने आणि प्रशांत बनकर या दोघांना अटक करण्यात आली होती. बदने गेल्या पाच महिन्यांपासून न्यायालयीन कोठडीत होता. त्याने जामिनासाठी कोल्हापूर सर्किट बेंचमध्ये अर्ज केला होता. दोन्ही बाजूंचा युक्तिवाद ऐकल्यानंतर न्यायालयाने त्याला दिलासा दिला आहे.

Phaltan Doctor Case: नेमकं प्रकरण काय होतं?

मूळची बीड येथील असलेली ही महिला डॉक्टर फलटणच्या उपजिल्हा रुग्णालयात कार्यरत होती. ती प्रशांत बनकर याच्या घरी भाड्याने राहत होती. काही कारणास्तव घरमालक बनकर आणि डॉक्टर यांच्यात वाद झाला होता. त्यानंतर तिच्या घराला कुलूप लावण्यात आले होते. यानंतर तिने ‘मधूदीप’ हॉटेलमध्ये दोन दिवसांसाठी खोली आरक्षित केली. तिने मदतीसाठी प्रशांत बनकर आणि पीएसआय गोपाळ बदने याच्याशी संपर्क साधला होता, मात्र तिला अपेक्षित मदत मिळाली नाही.  दोन दिवस खोलीचा दरवाजा न उघडल्याने पोलिसांनी तो तोडला असता, डॉक्टरने आत्महत्या केल्याचे उघड झाले. विशेष म्हणजे, तिने मृत्यूपूर्वी स्वतःच्या हातावर एक चिठ्ठी (नोटीस) लिहिली होती. त्यात गोपाळ बदने आणि प्रशांत बनकर याच्या शारीरिक व मानसिक छळामुळे आपण हे पाऊल उचलत असल्याचे नमूद केले होते.

Phaltan Doctor Case: न्यायालयाचा निर्णय

या प्रकरणात फलटण पोलिसांनी दोघांनाही अटक केली होती. कोल्हापूर सर्किट बेंचमध्ये झालेल्या सुनावणीत सरकारी पक्ष आणि बचाव पक्षाच्या वकिलांनी जोरदार युक्तिवाद केला. अखेर न्यायालयाने काही अटी घालत बदनेचा जामीन अर्ज मंजूर केला. या निर्णयामुळे तपास यंत्रणांच्या पुढील भूमिकेकडे आता सर्वांचे लक्ष लागले आहे. 

इतर महत्त्वाच्या बातम्या 

Nashik Crime News: ऑफिसमधून टॅब चोरला, तब्बल 200 नको ‘ते’ व्हिडीओ, अन् पुढे…; खरातनंतर नाशिकमध्ये आणखी एक मोठं कांड, नेमकं प्रकरण काय?

Ashok Kharat Case Nashik Crime News: अशोक खरातच्या मुलावर SIT कडून प्रश्नांची सरबत्ती, पण मुलाचं सर्व प्रश्नांना आढेवेढे घेत एकच उत्तर; म्हणाला…

आणखी वाचा