Maharashtra Political Crisis: महाराष्ट्राच्या राजकारणात (Maharashtra Politics) पुन्हा एकदा भूकंप झाला आहे. अजित पवार (Ajit Pawar) यांनी बंड करत भाजपची (BJP) कास धरली. राष्ट्रवादी काँग्रेस पार्टीच्या (NCP) वरच्या फळीत सामील होणारे अजित पवार काल (रविवारी) उपमुख्यमंत्री पदाची शपथ घेऊन शिंदे-फडणवीस सरकारमध्ये (Shinde-Fadnavis Government) सामील झाले. त्यामुळे आता राज्यात दोन उपमुख्यमंत्री असणार आहेत. तसेच, राज्याचा गाडा आता शिंदे-फडणवीस-पवार सरकार हाकणार आहे. अजित पवारांसोबतच राष्ट्रवादीच्या इतर 8 आमदारांनीही मंत्री म्हणून शपथ घेतली. 

शपथविधीनंतर अजित पवारांनी दावा करत म्हटलं की, आम्हाला पक्षाचाही पाठींबा आहे. तसेच, पक्षाचं नाव, पक्षचिन्हही आमच्याकडेच आहे, तसेच आम्ही याच नावावर आणि चिन्हावर निवडणूक लढवणार असल्याचंही अजित पवारांनी सांगितलं. 

भाजपचे प्रदेशाध्यक्ष चंद्रशेखर बावनकुळे यांनी दावा केला की, राष्ट्रवादीतील 53 पैकी 40 आमदारांचा राज्य सरकारला पाठींबा आहे. दरम्यान, अजित पवारांच्या बंडानंतर राज्यातील पक्षीय बलाबलही बदललं आहे. आधी एकनाथ शिंदेंचं शिवसेनेतील बंड आणि त्यानंतर अजित पवारांचं राष्ट्रवादीतील बंड यामुळे भाजप-शिवसेना (शिंदे गट)- अजित पवार (राष्ट्रवादी गट) यांना पाठींबा असणाऱ्या आमदारांची संख्या आणि शिवसेना (ठाकरे गट), राष्ट्रवादी (शरद पवार गट) यांना पाठींबा असलेल्या आमदारांची संख्या किती ते पाहुयात… 

महाराष्ट्राच्या विधानसभेतील जागांचं गणित 

महाराष्ट्राच्या विधानसभेत एकूण 288 सदस्य आहेत. यामध्ये कोणत्याही पक्षाला सरकार स्थापन करण्यासाठी 145 आमदारांची गरज आहे. जागांच्या संख्येबद्दल बोलायचं झालं तर भाजपचे 106 आमदार आहेत. तर गेल्या वर्षी एकनाथ शिंदे यांनी शिवसेनेतून बंडखोरी करून 40 आमदारांसह ठाकरेंपासून फारकत घेतली होती. त्यांनी भाजपसोबत युती करून सरकार स्थापन केलं आणि मुख्यमंत्री म्हणून शपथ घेतली, तर देवेंद्र फडणवीस यांनी उपमुख्यमंत्री म्हणून शपथ घेतली. आता शिंदे गटाच्या एकूण 44 आमदारांचा सरकारला पाठिंबा आहे. तसेच, राज्यात राष्ट्रवादीचे 53 आमदार आहेत. आता अजित पवारांसह 40 आमदारांनी सरकारला पाठिंबा दिल्याचा दावा केला जात आहे. यासोबतच इतर 21 आमदारांचाही सरकारला पाठिंबा आहे. त्यात 12 अपक्ष आमदारही आहेत.

विरोधी पक्षांची परिस्थिती काय? 

विरोधी पक्षाबाबत बोलायचं झालं तर, महाराष्ट्रात काँग्रेसचे 44 आमदार आहेत. तर शिवसेनेचे (उद्धव बाळासाहेब ठाकरे) 12 आमदार आहेत. राष्ट्रवादी (शरद पवार गट) 13, समाजवादी पार्टी 2 आमदार, भारतीय मार्क्सवादी कम्युनिस्ट पार्टीचा एक, स्वाभिमानी पक्षाचा एक आणि पीजेंट्स एंड वर्कर्स पार्टी ऑफ इंडियाचा एक आमदार आहे. यासोबतच एक अपक्ष आमदार विरोधी पक्षात आहे. तर AIMIM चे 2 आमदार तटस्थ आहेत.

राज्य सरकारला कोणाचं समर्थन? 

भाजप : 106
शिवसेना (शिंदे गट) : 44
NCP (अजित पवार गट) : 40 
इतर : 21

शिंदे-फडणवीस-पवार सरकारच्या विरोधात 

कांग्रेस : 44 
शिवसेना (उद्धव गट) : 12 Shiv Sena (Uddhav Balasaheb Thackeray)
एनसीपी (शरद पवार गट) : 13 
अन्य : 8

शपथ घेण्यापूर्वी अजित पवार काय म्हणाले? 

पक्षाचे नाव आणि चिन्हही माझ्याकडेच राहणार असल्याचं अजित पवार यांनी स्पष्टपणे सांगितलं. मी उर्वरित आमदारांशीही संपर्क साधला असून आज संध्याकाळपर्यंत अनेक आमदार येथे पोहोचतील. यापुढे कोणतीही निवडणूक मग ती जिल्हा परिषद असो वा अन्य पंचायत निवडणूक, पक्षाच्या (NCP) चिन्हावरच लढू, असं त्यांनी स्पष्टपणं सांगितलं. नागालँडमध्येही राष्ट्रवादीचे 7 आमदार निवडून आले आणि त्यांनी विकासासाठी भाजप सरकारमध्ये सामील होण्याचा निर्णय घेतल्याचं तुम्हाला आठवत असेल, असंही अजित पवार म्हणाले. 

अजित पवारांसोबत मंत्रीपदाची शपथ कोणी घेतली?

राष्ट्रवादीचे 40 आमदार आपल्यासोबत असल्याचं अजित पवारांनी म्हटलं आहे. मात्र, आज अजित पवारांव्यतिरिक्त राष्ट्रवादीच्या 9 आमदारांनी मंत्रिपदाची शपथ घेतली, त्यात धर्मराव आत्राम, सुनील वलसाडे, आदिती तटकरे, हसन मुश्रीफ, छगन भुजबळ, धनंजय मुंडे, अनिल पाटील, दिलीप वळसे पाटील यांचा समावेश आहे. यावेळी महाराष्ट्राचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह सर्व मंत्री राजभवनात उपस्थित होते. याशिवाय राष्ट्रवादीचे नेते प्रफुल्ल पटेल देखील राजभवनात उपस्थित होते. 

महत्त्वाच्या इतर बातम्या : 

Maharashtra NCP Crisis: महाराष्ट्राला नवा मुख्यमंत्री मिळणार, जयंत पाटलांचा दावा कितीपत खरा? अजित पवारांच्या बंडामुळे 2024 पूर्वी भाजपसाठी ‘गूड न्यूज’

Jayant Patil On Ajit Pawar Disqualification : राष्ट्रवादीच्या अजित पवार (Ajit Pawar) यांच्यासह नऊ जणांची शपथविधी ही बेकायदेशीर असून त्यांना अपात्र ठरवण्याची प्रक्रिया सुरू असल्याची महत्वपूर्ण माहिती राष्ट्रवादीचे प्रदेशाध्यक्ष जयंत पाटील यांनी दिली. अजित पवार आणि त्यांच्यासोबत गेलेल्या आमदारांची कृती बेकायदेशीर आहे. राष्ट्रीय अध्यक्ष शरद पवार यांना अंधारात ठेऊन केलेली कृती आहे. एका सदस्याने याची तक्रार केली असून ती शिस्तपालन समितीकडे पाठवण्यात आली आहे. 

जयंत पाटील म्हणाले की, आज आम्ही सर्व माहिती घेऊन प्रक्रिया सुरू केली आहे. नऊ जण म्हणजे पक्ष नव्हे. त्यामुळे या नऊ जणांना आता अपात्र ठरवण्याची प्रक्रिया सुरू केली आहे. पक्षविरोधात कारवाई केल्याने या नऊ जणांवर कारवाई करण्यात येणार आहे. पक्षाच्या अध्यक्षाला न सांगता केलेली ही कृती होती. यासंबंधित आता विधानसभा अध्यक्ष राहूल नार्वेकर यांना मेल केला असून त्यांनी आम्हाला लवकरात लवकर बोलवावं. या 9 जणांच्या विरोधातच ही कारवाई असेल. पक्षात असून त्यांनी पक्ष विरोधी कारवाई केली आहे. 

Jayant Patil On Sharad Pawar : 5 जुलैला पाहा, महाराष्ट्र कसा पवार साहेबांच्या मागे राहतो

जयंत पाटील म्हणाले की, “जनमत हे पवार साहेबांच्या सोबत आहे. येत्या 5 जुलै रोजी पाहा, पवारा साहेबांच्या पाठिमागे महाराष्ट्र कसा उभा राहतो ते. यातील अनेक आमदार हे परत येणार आहेत. त्यांना आपल्या मतदारांना तोंड कसं दाखवायचं असा प्रश्न पडला आहे. त्यांना या गोष्टीही माहिती नव्हत्या. जे परत येतील त्यांच्यावर कारवाई करणार नाही, पण जे परत येणार नाहीत त्यांच्यावर कारवाई करण्यात येईल.”

Jayant Patil On Ajit Pawar Disqualification : जितेंद्र आव्हाडांचा व्हिप सर्वांना लागू 

जयंत पाटील यांनी सर्वोच्च न्यायालयाच्या निकालाचा दाखला देऊन सांगितलं की, पक्षाने ठरवलेला व्हिप हा अंतिम असतो, आणि जितेंद्र आव्हाड हेच राष्ट्रवादीचे व्हिप असतील. मी त्यांना जो आदेश देईन आणि ते जे सांगतील ते सर्व आमदारांना लागू होईल. 

ज्या वेळी या नऊ जणांनी शपथ घेतली त्याच वेळी ते अपात्र ठरले असून यासंबंधित पत्र आम्ही निवडणूक आयोगाला दिले असल्याचं जयंत पाटील म्हणाले. 

महाराष्ट्रात जे काही सुरू आहे ते तोडफोडीचं राजकारण सुरू आहे, महाराष्ट्रात या आधी असं कधीही झालं नव्हतं. या आधी शिवसेना फोडली, आता राष्ट्रवादीवर हा प्रयोग करण्याचा प्रयत्न केला जात असल्याचा आरोप प्रदेशाध्यक्ष जयंत पाटील म्हणाले. 

ही बातमी वाचा: 

Maharashtra NCP Political Crisis : एकनाथ शिंदेंच्या बंडाला वर्ष झाल्यानंतर राज्यात आणखी एक राजकीय भूकंप झालाय. अजित पवारांनी काही आमदारांना हाताशी घेत सरकारमध्ये सहभागी होण्याचा निर्णय घेतला. अजित पवार आणि आठ आमदारांनी राजभवनावर आज मंत्रिपदाची शपथ घेतली. त्यानंतर अजित पवार यांनी राष्ट्रवादी पक्षावर दावा केला. शरद पवार आणि जयंत पाटील यांनी या पाठिंब्याला राष्ट्रवादीचा पाठिंबा नसल्याचे सांगितले. त्यामुळे राष्ट्रवादीमध्ये उभी फूट पडल्याचे निश्चित झाले. राष्ट्रवादीचा पक्ष शरद पवार आणि  अजित पवार या काका-पुतण्यामध्ये विभागला गेल्याचं स्पष्ट झाले. बहुतांश आमदारांचा अजित पवार यांना पाठिंबा असल्याचे समोर आलेय. शरद पवार यांनीही याविरोधात दंड ठोठावत मैदानात उतरण्याचा निर्णय घेतला आहे. शरद पवार आणि अजित पवार यांच्याकडे कोण कोणते आमदार आणि खासदार आहेत, याबाबत सुत्रांकडून माहिती मिळाली आहे. पाहूयात कोणत्या आमदारांनी कुणाला पाठिंबा दिला आहे… 

अजित पवारांसोबत असलेले आमदार 
1. छगन भुजबळ  
2. दिलीप वळसे पाटील  
3. हसन मुश्रीफ  
4. धनंजय मुंडे  
5. आदिती तटकरे  
6. संजय बनसोडे  
7. अनिल पाटील  
8.धर्मरावबाबा आत्राम 
9.किरण लहमाटे
10. निलेश लंके
11. दौलत दरोडा
12. मकरंद पाटील
13. अतुल बेनके
14. सुनिल टिंगरे
15. इंद्रनील नाईक
16. अशोक पवार
17. अण्णा बनसोडे
18. सरोज अहिरे
29. बबनदादा शिंदे
20. यशवंत माने
21. नरहरी झिरवळ
22. दत्ता भरणे
23. शेखर निकम
24. दीपक चव्हाण
25. राजेंद्र कारेमोरे
26. नितीन पवार
27. मनोहर चंद्रिकापुरे
28. संग्राम जगताप
29. राजेश पाटील
30. सुनील शेळके
31. दिलीप मोहिते

विधानपरिषदेचे आमदार कोणते ?

1. रामराजे निंबाळकर
2. अमोल मिटकरी
3. शशिकांत शिंदे
4. अनिकेत तटकरे
5. विक्रम काळे
6. सतिश चव्हाण

अजित पवारांसोबत खासदार कोणते ?

1. सुनिल तटकरे
2. अमोल कोल्हे 
3. प्रफुल्ल पटेल (राज्यसभा)

शरद पवारांसोबत कोणते आमदार ?

1. जयंत पाटील
2. जितेंद्र आव्हाड
3. रोहित पवार
4.राजेश टोपे
5.प्राजक्त तनपुरे
6.अनिल देशमुख
7. सुनिल भुसारा
8. सुमनताई पाटील
09. संदीप क्षीरसागर
10. बाळासाहेब पाटील
11. चेतन तुपे
12. मानसिंगराव नाईक

पवारांसोबत खासदार कोणते ?

1.सुप्रिया सुळे
2. श्रीनिवास पाटील
3. वंदना चव्हाण (राज्यसभा)
4. फौजिया खान (राज्यसभा)

विधानपरिषद आमदार कोणते ?
1.अरुण अण्णा लाड
2. एकनाथ खडसे
3. बाबाजानी दुर्राणी

यांची भूमिका अद्याप अस्पष्ट –

नवाब मलिक
प्रकाश सोळंखे
बाळासाहेब आजबे
आशुतोष काळे
दिलीप बनकर
माणिकराव कोकाटे
चंद्रकांत नवघरे
राजेंद्र शिंगणे (कुटुंबियांसह सहलीला गेले आहेत)