आयकर विभागाच्या नियम क्रमांक 26C नुसार आर्थिक वर्ष २०२३-२४ करिता निवृत्तीवेतन धारकांनी केलेल्या आयकर बचतीच्या गुंतवणुकीची कागदपत्रे तसेच गृहकर्ज घेतले असल्यास वित्तीय संस्थेच्या ‘पॅन’ क्रमांकासह सर्व माहिती ‘प्रपत्र-१२ बीबी’ (12BB) मध्ये नमूद करुन ते निवृत्तीवेतन (आयबी) विभाग, ‘ई’ विभाग कार्यालय, भायखळा (पश्चिम). मुंबई ४००००८ या पत्त्यावर दिनांक ३० सप्टेंबर २०२३ पर्यंत सादर करावे, अशी माहिती मुंबई महापालिकेतर्फे देण्यात आली आहे.

आमदार सुनिल शेळके यांनी एका वृत्तवाहिनीला दिलेल्या मुलाखतीत म्हटले आहे की, भाजप सोबत सत्तेत जाण्याअगोदर राष्ट्रवादीची एक बैठक झाली. या बैठकीतच भाजपसोबत सत्तेत जाण्याचं ठरलं, या बैठकीत खासदार सुप्रिया सुळे उपस्थित होत्या. त्यामुळे आम्हाला खासदार शरद पवार यांना सत्तेत जाण्यासंदर्भात विचारावं असं वाटलं नाही, असा मोठा गौप्यस्फोट आमदार शेळके यांनी केला आहे.

शिंदे गटातील आमदार संजय शिरसाट यांना विचारण्यात आले की, शिंदे-फडणवीसांना बहुमताची गरज नसताना अजित पवारांना सरकारमध्ये का घेतले? यावर संजय शिरसाट म्हणाले की, अजित पवारांची राष्ट्रवादीत घुसमट होत होती. पक्षात ते नाराज असल्याच्या सारख्या चर्चा सुरू होत्या. त्यामुळे अजित पवार इकडं येणार हे सर्वांनाच माहिती होतं. सरकारकडे १७२ आमदारांचे बहुमत असताना राष्ट्रवादीला सोबत का घेतले असा सवाल उपस्थित होत आहे. मात्र राजकारणात काही समीकरणे तयार करताना निवडणुका डोळ्यासमोर ठेवल्या जातात. लोकसभा, विधानसभा असेल. पक्षाची ताकद असतेच परंतु वैयक्तिक ताकदही पणाला लावली जाते. त्यामुळे निवडणुका जिंकणं सोपेजातं. आम्ही ४५ जिंकू, ४८ जिंकू म्हणतो, पण हे कसे याचे आराखडे बांधले जातात. तोच आराखडा शिंदे-फडणवीस यांनी बांधला आहे, असे शिरसाट म्हणाले.