Mumbai Rain : सकळापासूनच मुंबईसह उपनगरात जोरदार पाऊस (Rain) सुरु आहे. या पावसामुळं अनेक ठिकाणी सखोल भागात पाणी साचलं आहे. याचा वाहतुकीवर परिणाम होत आहे. दरम्यान, हवामान विभागानं (IMD) दिलेल्या माहितीनुसार मुंबईत (Mumbai) आज पावसाचा ऑरेंज अलर्ट (Orange alert) जारी करण्यात आला आहे. त्यामुळं नागरिकांनी खबरदारी घेण्याचं आवाहन प्रशासनाच्या वतीनं करण्यात आलं आहे. 
  
हवामान विभागानं दिलेल्या अंदाजानुसार मुंबईत सध्या जोरदार पाऊस सुरु आहे. आज मुंबईत पावसाचा ऑरेंज अलर्ट जारी करण्यात आला आहे. काल मुंबईत यलो अलर्ट देण्यात आला होता. दरम्यान, गेल्या 24 तासात मुंबईच्या शहरी भागात 53.93 मिमी पावसाची नोंद झाली आहे. तर पूर्व उपनगरात 27.97 मिमी आणि पश्चिम उपनगरात 45.69 मिमी पावसाची नोंद झाली असल्याचे माहिती हवामान विभागानं दिली आहे. 

समुद्रात 4.50 मीटरपेक्षा जास्त उंचीच्या लाटा येण्याचा इशारा

आज मुंबईत मुसळधार पावसाची शक्यता हवामान खात्याने व्यक्त केली आहे. पावसाचा ऑरेंज अलर्ट दिल्यामुळं आज समुद्र खवळण्याची शक्यता आहे. समुद्रात आज 4.50 मीटरपेक्षा जास्त उंचीच्या लाटा येण्याचा इशारा देखील हवामान विभागानं दिला आहे. दुपारी दीड वाजण्याच्या सुमारास समुद्रात 4.78 मीटर उंचीच्या लाटा येण्याची शक्यता देखील हवामान विभागानं वर्तवली आहे. 

कोकण आणि पश्चिम महाराष्ट्रात ऑरेंज अलर्ट 

राज्याच्या काही भागात पावसानं (Rain) हजेरी लावली आहे. मात्र, अद्यापही राज्यातील अनेक भागात पावसाची प्रतीक्षा कायम आहे. कोकण विभाग आणि मध्य महाराष्ट्रातील काही जिल्हे वगळता अन्य ठिकाणी पावसाची प्रतीक्षा आहे. राज्यातील शेतकरी चांगल्या पावसाची वाट बघत आहेत. पावसामुळं शेतीचं काम खोळंबली आहेत. दरम्यान राज्यातील कोकणातील जिल्ह्यांसह मुंबई, ठाणे, परभणी, यवतमाळ या जिल्ह्यात पावसानं जोरदार हजेरी लावली आहे. हवामान विभागानं दिलेल्या अंदाजानुसार आजही राज्यात पावसाची शक्यता वर्तवण्यात आली आहे. 

महत्त्वाच्या बातम्या:

Weather Update : 8 जुलैपर्यंत देशातील अनेक राज्यांमध्ये पडणार मुसळधार पाऊस, वाचा हवामान विभागाचा अंदाज  

मानवाचा विकासाचा प्रवास हा बुद्धिमत्तेच्या वापराचा दस्तऐवज आहे, जंगलातून शेती, उद्योग व आता एआयपर्यंत पोहोचणे आणि या प्रक्रियेत नवीन वैयक्तिक, सामाजिक, सरकारी, व्यावसायिक संस्था व पद्धती विकसित करणे हे मानवी जीवन-आशेचे उदाहरण आहे. याच विचाराने आयुष्य उत्तरोत्तर सुधारत गेले. धर्म आणि त्याच्या श्रद्धा मानवी जीवनात शांतता आणतात, पण ते कधीकधी बौद्धिक विकासाच्या प्रवासात मागे पडतात, उदा. काही आदिवासी प्रथा. इ.स.पूर्व १७७६ मधील हमुराबीची फौजदारी संहिता (ती अनेक शतके टिकली) देवाच्या नावावर असली, तरी उच्चभ्रू वर्गातील व्यक्ती एखाद्या प्रतिस्पर्ध्याच्या मुलीला मारल्यावर त्याच्या मुलीची हत्या किंवा अशी व्यक्ती एखाद्या गुलामाच्या मुलीला मारते तेव्हा त्याला काही नाणी देण्याचा कायदा देतो, त्यामुळे आज आपल्याला अशा न्यायव्यवस्थेचा तिरस्कार वाटतो. धर्माचा जीवनाच्या इतर पैलूंवर परिणाम होत असेल तर समाज जडत्वाचा बळी ठरतो, कारण धर्माच्या व्यवस्था स्तब्ध आणि नवीन जीवनशैलीबाबत बदल-शून्य असते. धर्माच्या नावाखाली लाखो लोक मारले गेले, अशा वादळात आपले संविधान बनवले गेले.

संविधान निर्मात्यांना सावधपणे पावले टाकावी लागली. त्याचे शब्द पाहा- ‘राज्य आपल्या नागरिकांना संपूर्ण भारताच्या प्रदेशात एकसमान नागरी संहिता प्रदान करण्याचा प्रयत्न करेल.’ म्हणजे विवाह, दत्तक, घटस्फोट, वारसा इ.मध्ये एकसमानता. भूतकाळातील विचारसरणी कितीही धार्मिक असली तरी ती व्यक्तिगत किंवा स्त्री-स्वातंत्र्याच्या वर्तमान निकषांना स्पर्शही करू शकली नाही. मग समाज नव्या बौद्धिक विचारातून निर्माण झालेल्या विज्ञान-तंत्रज्ञानाचा फायदा समाज घेत असेल, तर त्याच विचारसरणीतून निर्माण झालेल्या नैतिकतेचे नवे मापदंड स्वीकारण्याची जबाबदारीही त्याचीच आहे. आदिवासींच्या बाबतीत समान नागरी कायद्यावर निरोगी चर्चा गरजेची आहे.

5th July Headline : अजित पवार यांनी बंड केल्यानंतर त्यांच्याकडील खासदारांची संख्या मात्र स्पष्ट झाली नाही. पण बुधवारी होणाऱ्या बैठकीत अजित पवार त्यांच्याकडील खासदारांची संख्या स्पष्ट करणार आहेत. बंडानंतर पहिल्यांदाच शरद पवार आणि अजित पवार यांच्याकडून राष्ट्रवादी पक्षाच्या नेत्यांची बैठक घेण्यात येणार आहे. तसेच राष्ट्रपती द्रौपदी मुर्मू या दोन दिवसांच्या महराष्ट्र दौऱ्यावर असणार आहेत. राज्यात पुढील काही दिवस मुसळधार पावसाचा इशारा हवामान खात्याकडून देण्यात आला आहे. तर शिवसेनेप्रमाणे शरद पवारही राष्ट्रवादी पक्षाकडून प्रतिज्ञापत्र लिहून घेणार आहेत. 

राष्ट्रपती द्रौपदी मूर्मु यांचा महाराष्ट्र दौरा 

 राष्ट्रपती द्रौपदी मुर्मु दोन दिवस महाराष्ट्र दौऱ्यावर असणार आहेत. तसेच त्या गोंडवाना विद्यापीठाच्या 10 व्या दीक्षांत समारंभाला संबोधित करणार आहेत. नागपूर मधील कोराडी येथील भारतीय विद्या भवनाच्या सांस्कृतिक केंद्राचे उद्घाटनही त्यांच्या हस्ते होणार आहे. राष्ट्रपतींच्या या दौऱ्यात मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित राहणार आहेत.

शरद पवारांच्या अध्यक्षतेखाली बैठक

राष्ट्रवादी काँग्रेसचे अध्यक्ष शरद पवार यशवंतराव चव्हाण सेंटर येथे राष्ट्रवादीची बैठक घेणार आहेत. या बैठकीला राष्ट्रवादीचे प्रदेशाध्यक्ष जयंत पाटील यांनी सर्व प्रदेश पदाधिकारी, फ्रंटल सेल अध्यक्ष, जिल्हाध्यक्ष, कार्यकारिणी सदस्य, तालुकाध्यक्ष, तालुकास्तरावरील सर्व फ्रंटल सेलच्या सदस्यांनी मोठ्या संख्येन उपस्थित राहण्याचे आवाहन केले आहे. या बैठकीचा व्हीप जितेंद्र आव्हाड यांनी जारी केला आहे. 

अजित पवारही घेणार बैठक

पक्षातून बंड केल्यानंतर अजित पवारांनी आज सर्व आमदार, खासदारांना बैठकीला बोलवलं आहे.या बैठकीनंतर अजित पवार यांना किती आमदारांचा पाठिंबा आहे हे स्पष्ट होणार असल्याचं म्हटलं जात आहे. तसेच या बैठकीचा व्हिप प्रतोद अनिल पाटील यांनी जारी केला आहे. 

मुख्यमंत्री शिंदे यांनी बोलावली शिवसेना आमदारांची बैठक

अजित पवार सरकार मध्ये सामिल झाल्यानंतर शिवसेनेच्या आमदारांमध्ये नाराजीचा सूर असल्याच्या चर्चा सध्या आहे. त्याच पार्श्वभूमीवर मुख्यमंत्री शिंदे यांनी सर्व आमदार आणि खासदारांची बैठक बोलावली आहे. 

उद्धव ठाकरे करणार मार्गदर्शन 

आमदार आणि खासदारांच्या बैठकीनंतर उद्धव ठाकरे माजी आमदारांची बैठक घेणार आहेत. ही बैठक मातोश्रीवर बोलावण्यात आली आहे.

राज्यात मान्सूनचा इशारा

राज्यात पुढील काही चार दिवस मुसळधार पावसाचा इशारा हवामान खात्याकडून देण्यात आला आहे.  मुंबई, ठाणे, रायगड, रत्नागिरी, सिंधुदुर्ग, पुणे, सातारा, कोल्हापूर या जिल्ह्यांना ऑरेंज अलर्ट हवामान विभागाकडून देण्यात आला आहे. तर पालघर, जालना, लातूर, परभणी, नांदेड, हिंगोली, नागपूर या जिल्ह्यांना हवामान विभागाकडून यलो अर्लट देण्यात आला आहे.