स्वस्तिका मुखर्जीने ट्विट करून लिहिले की, ‘रॉबी ठाकूरची भूमिका कोणीही करू शकत नाही. त्या व्यक्तीला तरी एकटे सोडा.’ अनेक बंगाली नेटकऱ्यांनी अभिनेत्रीच्या या पोस्टवर आपली सहमती दर्शवली, तर अनेकांनी नाराजी देखील व्यक्त केली आहे. एका युजरने प्रतिक्रिया देत लिहिले की, ‘संपूर्ण बंगाल त्यांना चांगल्याप्रकारे ओळखते, बाकी भारताला ते इतकेसे माहित नाही. त्यांची कथा सगळ्यांनाच सांगायला हवी आणि सिनेमा हे एक चांगलं माध्यम आहे. पण यात त्यांच्या आयुष्यातील कोणता टप्पा दाखवला जातोय यावर सगळं अवलंबून आहे. शांतीनिकेतनच्या शेवटच्या दिवसांची गोष्ट असेल तर खूप छान आहे.’

पंकज त्रिपाठीचे कुटुंब अडचणीत असल्याचेही या टीझरमध्ये दाखवण्यात आले आहे. ४० सेकंदांनंतर, अक्षय कुमार भगवान शिव म्हणून यात प्रवेश करतो आणि पंकज त्रिपाठीला आशीर्वाद देतो. अक्षय म्हणतो, ‘विश्वास ठेवा, तू शिवाचा भक्त आहेस.’ डोक्याला हात लावून बसलेल्या पंकज त्रिपाठीपासून ते डोक्यावर पाणी घेऊन ट्रेनजवळ बसलेल्या अक्षय कुमारपर्यंत सगळेच लक्ष वेधून घेतात. या चित्रपटाच्या टीझरने खरोखरच चाहत्यांची मने जिंकली आहेत.

शेखरशी लग्न करण्यास देखील सुचित्राच्या आई-वडिलांचा विरोध होता. शेखर आणि सुचित्रा यांच्या नात्यात तब्बल ३० वर्षांचे अंतर होते. आपल्या मुलीने आई-वडिलांच्या वयाच्या व्यक्तीशी लग्न करून नये, यासाठी तिच्या आईने अक्षरशः तिचे पाय धरले होते. मात्र, प्रेमात आकंठ बुडालेल्या सुचित्राने आई-वडिलांच्या विरोधात जाऊन लग्नगाठ बांधली होती. मात्र, या नात्यात आपला अनादर झाला आणि त्यामुळेच हे नाते फारकाळ टिकले नाही, असा आरोप सुचित्राने आता केला आहे.

साराच्या कामाविषयी बोलायचे झाले तर काही दिवसांपूर्वीच तिचा ‘जरा हटके जरा बचके’ हा चित्रपट प्रदर्शित झाला. या चित्रपटाने बॉक्स ऑफिसवर चांगली कमाई केली. या चित्रपटात सारासोबतच विकी कौशल, राकेश बेदी, शारीब हाश्मी, नीरज सूद या कलाकारांनी देखील प्रमुख भूमिका साकारली. याआधी साराचे अतरंगी रे, केदारनाथ, लव्ह आज कल, कुली नंबर 1, गॅसलाइट हे चित्रपट प्रेक्षकांच्या भेटीला आले.

बियॉन्से आणि टीना नोल्स यांच्या घरी ही घटना घडली, तेव्हा त्या दोघीही घरात नव्हती, असे म्हटले जात आहे. दरम्यान, चोरट्यांनी त्यांच्या घरात घुसून चोरी करून पळ काढला. बियॉन्सेची आई टीना नोल्स यांच्या घरातून चोरांनी आठ दशलक्षाहून अधिक रोख रक्कम चोरी केली आहे. रिपोर्ट नुसार ही चोरी ५ जुलै २०२३ रोजी झाली होती. टीनाच्या टीममधील एक कर्मचारी घरी सामान घेण्यासाठी गेला असता, तिजोरी चोरीला गेल्याचे लक्षात आले.