केदार शिंदे यांनी या पोस्टमध्ये लिहिले की, ‘२०१९ पासून ‘बाईपण भारी देवा’ या सिनेमाचा ध्यास घेतला होता. निर्माता मिळत नव्हता, त्यावेळीच्या कित्येक रात्री डोळ्यात पाणी यायचं. मनात असंख्य विचार. या सगळ्याला हँडल करण्याचं सामर्थ्य मिळालं, ते स्वामींमुळे आणि या दोघींमुळे. आपण क्रिएटिव्ह असतो, तेव्हा संसार चालतो तो घरच्या गृहिणीमुळेच. बेला तर दोन जबाबदाऱ्या सांभाळते. घर आणि सिनेमा याची निर्मिती!! घरकी मुर्गी डाल बराबर समजून उपयोगाचं नाही. तो मान सन्मान दिलाच पाहिजे. तिने नेहमी मला धीर देण्याचं काम केलंय. बायकांचं मन जाणून घेताना, कित्येक वेळा बायकोचं मन मी विसरून गेलो आहे.’

अश्विनीला त्रास देण्यासाठी शिल्पीने विद्युतसोबतचा आपला हसता खेळता संसार देखील मोडला. यानंतर आई आणि मुलात म्हणजे शिल्पी आणि संजू यांच्या नात्यात देखील अंतर पडले. शिल्पीची वागणूक पाहून संजूचा ताबा कोर्टाने त्याच्या वडिलांकडे म्हणजेच विद्युतकडे दिला. मात्र, शिल्पीला केवळ आठवड्यातून एकदा संजूला भेटण्याची परवानगी देण्यात आली होती. याच दरम्यान एकदा संजूला भेटायला आलेली शिल्पी त्याच्या आजारपणामुळे घरातच थांबली होती. मात्र, याचवेळी विद्युत आणि शिल्पी एकमेकांच्या जवळ आले. यामुळेच शिल्पी आता पुन्हा आई होणार आहे.

‘बिग बॉस ओटीटी २’च्या घरात नुकताच एक स्पॉन्सर टास्क खेळण्यात आला. या टास्कमध्ये पूजा भट्ट रडत असलेल्या फलक नाजला समजावत होती. ती फलकला म्हणाली की, ‘जियाची मैत्री दर आठवड्याला बदलते. आधी ती मैत्री करते, नंतर नॉमिनेट करते आणि शेवटी ती भांडते आणि निरागस चेहरा बनवते.’ इतकेच नाही तर, पूजाने अविनाश सचदेव, फलक नाज आणि जेडी हदीद यांच्यासमोर जियाने सर्वांचा वापर केल्याचे म्हटले. पूजाने जियाला फसवी, अस्थिर आणि सतत डील करणारी मुलगी म्हटले आहे. यावरूनच वादाला तोंड फुटले आहे.

समंथा रुथ प्रभू ही साऊथमधील अशा अभिनेत्रींपैकी एक आहे, जिचे चाहते जगभरात आहेत. जेव्हापासून अभिनेत्रीने चित्रपटांमधून ब्रेक घेण्याचा निर्णय घेतला आहे, तेव्हापासून तिच्या चाहत्यांमध्ये दुःखाची लाट पसरली आहे. आपल्या तब्येतीवर लक्ष केंद्रित करण्यासाठी समंथा दीर्घ विश्रांती घेत आहे. या निर्णयाने अभिनेत्रीची टीम देखील खूपच भावूक झाली आहे. समंथाने नुकतेच ‘सिटाडेल’चे शूटिंग पूर्ण केले आहे. यावेळी तिने मेकर्सचे आभार मानत ही संधी दिल्याबद्दल कृतज्ञता व्यक्त केली आहे. तर, या पोस्टच्या शेवटला तिने, ‘आता पुढच्या वेळी परतून येईपर्यंत…’ असे म्हटले आहे.

Rahul Roy Says Thanks To Salman Khan: ‘आशिकी’ या चित्रपटातून अवघ्या प्रेक्षकांना भुरळ घालणारा अभिनेता राहुल रॉय याने त्याच्या आयुष्यात अनेक संघर्षाचा सामना केला. अभिनेता राहुल रॉय याने नुकतीच एक मुलाखत दिली. या मुलाखतीत त्याने सलमान खानचे आभार मानले आहेत. यामध्ये त्याने खुलासा केला की, २०२०मध्ये जेव्हा त्याला ब्रेन स्ट्रोक आला, तेव्हा सलमान खानने त्याच्या हॉस्पिटलचे बिल भरले होते. राहुल रॉयच नव्हे, तर त्याच्या बहिणीने देखील सलमान खानला ‘हिरा’ म्हटले आहे. ब्रेन स्ट्रोकमुळे अभिनेत्याला दीड महिना रुग्णालयात राहावे लागले होते. त्यातून सावरायलाही त्याला खूप वेळ लागला.