Landslide News : इर्शाळवाडीत झालेल्या (Khalapur Irshalwadi Landslide) भूस्खलनामुळे राज्य हादरलं. पश्चिम घाटातील पर्वतरांगांमध्ये दर काही वर्षांनी भूस्खलनाच्या घटना घडत असतात. त्यामुळे पावासाळा आला की याच परिसरातील नागरिकांना भूस्खलनामुळे धोका निर्माण होतो. इर्शाळवाडीत घटनेनंतर पसारवाडी गावातील नागरिकांना चांगलाच धक्का बसला आहे. पुण्यातील माळीणला खेटून असणारी पसारवाडीने कालची रात्र अक्षरशः जागून काढली आहे. 

इर्शाळवाडीच्या दुर्घनेनंतर हे अख्ख गाव भीतीच्या सावटाखाली आलं. माळीणच्या दुर्घनेनंतरच्या अहवालात पसारवाडी धोकादायक असल्याचं शासनाने जाहीर केलं होतं. आपल्यावर अशी वेळ येऊ नये, म्हणून इथल्या ग्रामस्थांनी पुनर्वसन करण्याची तयारी दर्शवली. ग्रामस्थांनी स्वतःची अडीच एकर जागा पुनर्वसनासाठी देऊ ही केली. मात्र गेली नऊ वर्ष इथलं पुनर्वसन रखंडलंय, परिणामी दोनशे लोकांना जीव मुठीत घेऊन जगावं लागतंय. माळीण आणि इर्शाळवाडी सारखी वेळ आमच्यावर येण्याची वाट सरकार पाहतंय का? असा प्रश्न त्यांनी उपस्थित केला आहे. 

नागरिक धास्तावले…

2014 मध्ये माळीण गावात भूस्खलन झालं होतं. त्यानंतर ते गाव पुनर्वसन  करण्यात आलं. 2014 मध्ये माळीणकरांवर मोठं संकट आलं होतं. अनेक संसार उद्ध्वस्त झाले होते आणि शंभरहून जास्त लोकांचा जीव गेला होता. त्यावेळी या गावातील एकमेव शाळा या दुर्घटनेत बचावली होती. त्यानंतर तळीयेमध्येदेखील अशीच घटना घडली होती. दोन्ही गावांचं पुनर्वसन करण्यात आलं मात्र ज्या गावांना भूस्खलनाची भीती आहे त्या गावातील नागरिकांना अशा घटनांनंतर धास्ती बसते. त्यामुळे नागरिक वारंवार सरकारला पुनर्वसनाची मागणी करत आहेत. 

पुणे जिल्ह्यात 23 गावे दरडप्रवण

मंगळवारपासून घाटमाथ्यावरही पाऊस पडत आहे. पुणे जिल्ह्यात 23 गावे दरडप्रवण आणि 84 पूरप्रवण गावे आहेत. दरडप्रवण गावात दरडी कोसळण्याची शक्यता तसेच पूरप्रवण भागात पूरस्थिती निर्माण होण्याची शक्यता लक्षात घेता सर्व संबंधित अधिकारी आणि कर्मचाऱ्यांनी मुख्यालय सोडू नये. आपल्या भागात घटना घडल्यास तात्काळ नियंत्रण कक्षास कळवावे, असे आवाहन जिल्हाधिकारी डॉ. राजेश देशमुख यांनी केलं आहे . 

मान्सूनच्या काळात विशेषत: सुट्टीच्या दिवशी पर्यटनस्थळी होणारी पर्यटकांची गर्दी लक्षात घेता वाहतूकीचे योग्य नियोजन करावे. भोर, वेल्हा, मुळशी आणि मावळ या भागातील यंत्रणांनी  सतर्क राहावे. धरणातील पाण्याची पातळी वाढल्यास धरणातून पाण्याचा विसर्ग करण्यात येतो. त्यामुळे नदी परिसरात पूरप्रवण गावातील नागरिकांना दक्ष राहण्याच्या सूचना द्याव्यात असंही सांगण्यात आलं आहे. 

हेही वाचा-

Khalapur Irshalwadi Landslide : पश्चिम घाटातील पर्वतरांगांमध्ये भूस्खलनाच्या घटनांमध्ये दहा वर्षांत शंभर पटीने वाढ; कारणं काय? उपाय काय?

Aurangabad Suicide News : औरंगाबाद (Aurangabad) जिल्ह्यातील पैठण तालुक्यातील ईसारवाडी गावात एक धक्कादायक घटना समोर आली असून, ठाकरे गटाच्या एका स्थानिक पदाधिकाऱ्याच्या वाढदिवसासाठी लावलेल्या बॅनरवरुन दोन गटात वाद झाला. तर वादाच्यावेळी अपमान झाल्याचे म्हणत एका 25 वर्षीय तरुणाने आत्महत्या (Suicide) केल्याची घटना समोर आली आहे. बुधवारी (19 जुलै) रात्री हा प्रकार घडला असून, याप्रकरणी एमआयडीसी पोलीस ठाण्यात मयत मुलाच्या वडिलांनी दिलेल्या तक्रारीवरुन बारा जणांविरुद्ध गुन्हा दाखल करण्यात आला आहे. तर महेश गोरक्षनाथ बोबडे ( वय 25 वर्षे, रा. ईसारवाडी, ता. पैठण) असे आत्महत्या करणाऱ्या तरुणाचे नाव आहे. 

पोलिसांत देण्यात आलेल्या तक्रारीनुसार, पैठण तालुक्यातील उद्धव बाळासाहेब ठाकरे गटाच्या एका नेत्याच्या वाढदिवसानिमित्त ईसारवाडी येथील महेश गोरक्षनाथ बोबडे हा तरुण आपल्या मित्रासोबत बुधवारी रात्री दहा वाजता गावात वाढदिवसाचे बॅनर लावत होता. या बॅनरवर राष्ट्रीय महापुरुषांचा फोटो छापलेला होता. या बॅनरवर महेश बोबडे याने पाय ठेवला म्हणून गावातील दहा ते बारा तरुणांनी महेश व त्याच्या घरच्या मंडळीला देखील मारहाण केली. घरातील संसारोपयोगी वस्तूंची नासधूस करण्यात आली. झालेल्या घटनेबाबत महेश बोबडे याला माफी मागण्यास भाग पाडून, या माफीनाम्याचा व्हिडीओ तयार करुन सोशल मीडियावर व्हायरल करण्याची धमकी दिली होती. दरम्यान बुधवारी गावातील एका व्यक्तीने मध्यस्थी करुन या प्रकरणावर पडदा पाडला. 

मात्र रात्री पुन्हा गावातील तरुण मारहाण करतील म्हणून महेश बोबडे शेतात झोपण्यासाठी गेला होता. सकाळ झाली तरी तो घरी न आल्याने त्याच्या भावाने शेताकडे जाऊन पाहिले असता महेशने गळफास घेतल्याचे निदर्शनास आले. सदरील घटनेची माहिती तात्काळ घरच्यांना देऊन पोलीस ठाण्यात कळवण्यात आले. या घटनेमुळे गावात एकच खळबळ उडाली आहे. सकाळपासूनच गावामध्ये तणावपूर्ण परिस्थिती निर्माण झाली होती. 

यांच्यावर गुन्हा दाखल… 

या बॅनरच्या वादातून आपल्याला व आपल्या कुटुंबातील सदस्यांना मारहाण केल्याचा अपमान झाल्यामुळे महेश बोबड याने शेतात गळफास लावून आत्महत्या केल्याची तक्रार एमआयडीसी पोलीस ठाण्यात त्याचे वडील गोरक्षनाथ गंगाधर बोबडे यांनी दाखल केली. या प्रकरणी सनी संदीप मिसाळ, सचिन जालिंदर शेळके, अनिकेत योसेफ ताकवले, यश विजय ससाणे, प्रदीप अण्णासाहेब मगरे, किरण अशोक महाले, तुषार संतोष ससाणे, गौरव रमेश ताकवले, ऋषीकेश मच्छिंद्र शेळके, स्वप्निल रमेश मिसाळ, सागर मिसाळ, अविनाश मिसाळ (सर्व रा. ईसारवाडी ता. पैठण) यांच्याविरुद्ध गुन्हा दाखल करण्यात आला आहे. 

गावात पोलिसांचा बंदोबस्त 

दरम्यान या घटनेची माहिती मिळताच पोलिसांनी घटनास्थळी धाव घेतली. यावेळी एमआयडीसी पोलीस ठाण्याचे सपोनि नीलेश केळे, बिडकीन पोलीस ठाण्याचे गणेश सुराशे, पाचोड पोलीस ठाण्याचे संतोष माने, स्थानिक गुन्हा शाखेचे प्रदीप ठुबे यांच्यासह विविध पोलीस पथकाचा बंदोबस्त गावामध्ये मोठ्या प्रमाणात तैनात करण्यात आला होता. तर याप्रकरणी नऊ जणांना ताब्यात घेतले असून पुढील तपास सपोनि नीलेश केळे हे करत आहे.

इतर महत्वाच्या बातम्या: 

‘बाबा, मला माफ करा, मी तुमचे पैसे गमावले’; सुसाईड नोट लिहून कर्जबाजारी अभियंत्याची गळफास घेऊन आत्महत्या

तीन महिने झाले. मणिपूर जळतेय. धावतेय. धावून-धावून मरतेय. तेथील शेतीची मालकांच्या वाटेवर नजर लागली आहे. पाळीव जनावरे खुंट्यावर अस्वस्थ आहेत. लहान मुलांचे गल्लीबोळ रक्तरंजित आहेत. शाळेला टाळे लागलेय. सर्वत्र जणू एक आग धुमसत आहे. पेटत-पसरत आहे. विझण्याचे नाव नाही आणि विझविण्याचे प्रयत्नही अयशस्वी ठरू लागलेत. त्यातच सगळ्या पुरुष समाजाला लाज वाटावी असा व्हिडिआे समोर आला. त्यात महिलांना विवस्त्र करून त्यांची धिंड काढली जात आहे. खुलेआम अब्रू लुटली जाते.

मणिपूरच्या चुराचंदपूरमध्ये गुरुवारी महिलांची नग्न परेड केल्याचा व्हिडिओ समोर आल्यानंतर हजारो लोकांनी काळे कपडे घातलेले लोक निदर्शने करण्यासाठी बाहेर पडले.

हे सगळे पाहून-ऐकून संताप येतो आणि लाजही वाटते. ही घटना घडली ती वेळ थोडी माती खोदून त्यात दफन करून टाकावी, असे मनात येते. मग पुन्हा वाटते जगभरातील प्रत्येक घटना, दुर्घटना, युद्ध आणि संघर्षाची झळ एकट्या महिलेने का सोसावी?

वडील, मुलगा, पती या सर्वांच्या मृत्यूनंतरही स्त्रीची हाडे आणि बांगड्या फोडल्या जातात आणि फायदा-तोट्याच्या प्रत्येक प्रसंगीही तिलाच दूषणे दिली जातात. त्यात तिचे श्रेय नसले तरीही. असे का? मग पुन्हा मनात येते. जगभरातील सगळा संघर्ष, सर्व दूषणे स्त्रीला कूस असल्यामुळेच असतील का? मेली कूस नसती तर स्त्री जगातील प्रत्येक संकटातून मुक्त असली असती. आपण पुरूषांनी नेहमीच महिलेला कधी ढाल, तर कधी तलवार बनवले.

हा व्हिडिओ समोर आल्यानंतर महिलांनी गुरुवारी इंफाळमधील घटनेच्या विरोधात घोषणाबाजी केली.

वास्तविक लढावेही तिलाच लागले. तुकडेही तिचेच झाले आणि केव्हापासून तरी ती मरतही आहे. रबराच्या झाडांवर आपण तिच्यासाठी सुळावर जाण्याची व्यवस्था केली….आणि ती अनंत काळापासून कधी हसत तर कधी रडत सुळावर चढते आहे. परंतु आपण मात्र खोटेपणा सोडायला तयार नाहीत.

व्हिडिआे हा स्वत:ला लाजिरवाणे वाटावा असा आहे. तो याच दांभिकतेचे उदाहरण ठरतो. संघर्ष मैतेई व कुकींचा आहे. जमिनीचा वाद आहे. मैतेई आदिवासी गट घेऊन कुकींचा डोंगर खरेदी करू इच्छितो आणि कुकी आदिवासी जमीन सोडण्यास तयार नाहीत. जमिनीच्या वादात स्त्री का भरडली जावी? स्वत: पंतप्रधानांनी ही घटना संतापजनक आणि वेदनेने पिळवटून टाकणारी असल्याचे म्हटले आहे.

निश्चितपणे ही वेदना प्रत्येक भारतीय अनुभवत असावा. मणिपूरची ही आग कधी विझणार? देशातील प्रत्येक सकारात्मक शक्ती मिळून लवकरच मार्ग काढेल आणि तेथे शांतता नांदू लागेल, असा विश्वासही आहे. जबाबदार असलेल्या लोकांना आता जागे होऊन तोडगा काढावाच लागेल.