बॉलिवूड हंगामाच्या रिपोर्टनुसार, एका सूत्राने म्हटले की, ‘अनिल कपूर आणि नाना पाटेकर यांच्याशिवाय ‘वेलकम’ हा चित्रपट होऊच शकत नाही. त्यांना आधी चित्रपटाची ऑफर देण्यात आली होती. पण त्यांच्यातील ही चर्चा काहीशी फिस्कटली. या ‘वेलकम ३’ चित्रपटासाठी अनिल कपूर यांनी तब्बल १८ कोटी रुपयांची मागणी केली होती. त्यानंतर निर्माता फिरोज नाडियाडवाला यांना चांगलाच धक्का बसला.’ अनिल कपूर यांची ही मागणी निर्मात्यांनी फेटाळल्यानंतर अनिल कपूर यांनी स्वतः यातून काढता पाय घेतला.

सायलीच्या आयुष्यात आता एक नवं वळण येणार आहे. सायली अनाथ नसून, तीच तन्वी आहे आणि तिची आई देखील या जगात आहे, हे लवकरच कळणार आहे. आता अनेक वर्षांनी सायलीची तिच्या आईशी म्हणजेच प्रतिमाशी भेट होणार आहे. मालिकेच्या नुकत्याच समोर आलेल्या प्रोमोमध्ये सायली आणि प्रतिमा एकमेकींच्या समोर येताना दाखवल्या आहेत. सायली एका मंदिरात असताना, तन्वी मुद्दाम तिला ढकलून तिच्या हातातलं पूजेचं ताट खाली पाडणार आहे. तर, या धक्क्यामुळे सायली अचानक गोंधळून जाणार आहे.

कार्तिकशी आपलं लग्न व्हावं, म्हणून आयेशाने अनेक प्रयत्न केले. कधी तिने दीपाचा जीव घेण्याचा प्रयत्न केला, तर कधी कार्तिक आणि दीपामध्ये मोठा गैरसमज निर्माण केला. मात्र, दीपा नेहमीच सगळ्या संकटांना अतिशय धैर्याने सामोरी गेली होती. दीपाने नेहमीच आपला संसार वाचवा म्हणून अनेक प्रयत्न केले. मात्र, यावेळेस आयेशाने तिच्या मुलींच्या आयुष्याचा खेळ करून, त्यांचा जीव घेण्याचा प्रयत्न केला होता. त्यामुळे आता दीपामधली आई चांगलीच पेटून उठली आहे. ती आता आयेशाला तिच्या सगळ्या कृत्यांची शिक्षा घडवणार आहे. यासाठी ते आता घटस्फोटाचं नाटक रचणार आहेत.

दरवर्षी ‘बिग बॉस’मध्ये नवीन थीम आणि काही नवीन नियम बघायला मिळतात. हा शो चाहत्यांचे बह्र्पूर मनोरंजन करतो. यावेळी ‘बिग बॉस’ची थीम ‘कपल विरुद्ध सिंगल’ अशी असू शकते. आता १७व्या सीझनमध्ये या शोमध्ये काय नवीन बदल होतात, हे पाहणे महत्त्वाचे ठरणार आहे.

अभिनेते रजनीकांत यांनी माध्यमांशी संवाद साधताना मुख्यमंत्री योगींच्या पायाला स्पर्श करण्यामागचे कारण सांगितले आहे. नुकतेच रजनीकांत यांनी चेन्नई विमानतळावर मीडियाशी संवाद साधला. यावेळी त्यांना योगी आदित्यनाथ यांच्या पाया पडण्याबद्दल प्रश्न विचारण्यात आला. यावर उत्तर देताना रजनीकांत म्हणाले की, ‘ते माझ्यापेक्षा वयाने लहान असले, तरी ही माझी सवय आहे. जेव्हाही माझ्यासमोर साधू किंवा योगी असतात, तेव्हा मी त्यांच्या चरणांना स्पर्श करतो. यात वयाचा अथवा पदाचा काहीही संबंध नाही.’