साहस Times :- हिंगोली जिल्ह्यातील सेनगाव पोलीस स्टेशनच्या जमादया हद्दीत एक धक्कादायक घटना उघडकीस आली आहे. एका अनोळखी व्यक्तीची निर्घृण हत्या करण्यात आल्याने परिसरात खळबळ उडाली होती. मात्र, एलसीबीच्या पथकाने ४८ तासांच्या अथक प्रयत्नानंतर या प्रकरणाचा छडा लावून तीन आरोपींना अटक केली आहे.

तपासादरम्यान समोर आलेल्या माहितीने सर्वांनाच हादरवून सोडले. आईच्या प्रेमसंबंधात अडथळा ठरत असल्याने स्वतःच्या मुलाची हत्या करण्यासाठी आईनेच सुपारी दिल्याचे उघड झाले आहे. या अमानुष कटात सामील असलेल्या तिन्ही आरोपींना पोलिसांनी ताब्यात घेतले असून पुढील तपास सुरू आहे.
या घटनेमुळे परिसरात संताप व्यक्त केला जात असून आई-मुलाच्या नात्यालाच काळीमा फासणारी ही घटना असल्याचे नागरिकांकडून सांगितले जात आहे

करुणा, मैत्री आणि धम्मभावनेतून आयु. बाबासाहेब जगताप यांचा वाढदिवस उत्साहात साजरा

फलटण : भारतीय बौद्ध महासभा, फलटण तालुक्याचे माजी सरचिटणीस, श्रामणेर तथा बौद्ध धम्माचे अभ्यासक व प्रचारक आयु. बाबासाहेब दिलीप जगताप यांचा वाढदिवस धम्ममय वातावरणात मोठ्या उत्साहात साजरा करण्यात आला.

या प्रसंगी बोलताना भारतीय बौद्ध महासभा शाखा फलटण तालुक्याचे माजी अध्यक्ष आयु. महावीर भालेराव म्हणाले की, जगताप सर हे रयत शिक्षण संस्थेचे आदर्श शिक्षक असून लहानांपासून मोठ्यांपर्यंत भगवान गौतम बुद्धांची करुणा जोपासणारे व्यक्तिमत्त्व आहेत. विद्यार्थ्यांवर मनापासून प्रेम करणारे, प्रत्येकाच्या सुख-दुःखात सहभागी होणारे तसेच शिव, शाहू, फुले, आंबेडकर विचारांचे गाढे अभ्यासक व छत्रपती शिवाजी महाराजांचा सत्य इतिहास सांगणारे प्रभावी वक्ते म्हणून त्यांची ओळख आहे. त्यांनी जगताप सरांना वाढदिवसानिमित्त शुभेच्छा दिल्या.

भारतीय बौद्ध महासभा शाखा फलटण तालुक्याचे माजी संस्कार उपाध्यक्ष आयु. बजरंग गायकवाड म्हणाले की, जगताप सर हे डॉ. बाबासाहेब आंबेडकर यांच्या विचारांचे खरे पाईक आहेत. त्यांच्या कार्यात त्यांच्या सुविद्य पत्नी पारिजातका मॅडम यांची मोठी साथ लाभली असून संपूर्ण कुटुंबाची जबाबदारी सांभाळत त्यांनी सरांच्या जडणघडणीत मोलाचा वाटा उचलला आहे. त्यांनी आपल्या परिवाराच्या वतीने शुभेच्छा व्यक्त केल्या.

यावेळी कार्यालयीन सचिव चंद्रकांत मोहिते यांनी जगताप सरांचे आदर्श शिक्षक व मार्गदर्शक म्हणून कौतुक करताना, ते सर्वांच्या सुख-दुःखात धावून जाणारे, मदतीचा हात देणारे आणि हसमुख स्वभावाचे व्यक्तिमत्त्व असल्याचे सांगितले. त्यांनी बुद्ध, धम्म व संघ यांच्या बलाने सरांना उत्तम आरोग्य व दीर्घायुष्य लाभावे, अशा शुभेच्छा दिल्या.

माजी कोषाध्यक्ष आयु. विठ्ठल निकाळजे यांनी सांगितले की, रयत शिक्षण संस्थेच्या कर्मवीर भाऊराव पाटील विद्यालय, बिजवडी येथे कार्यरत असलेले जगताप सर हे एक आदर्श व्यक्तिमत्त्व असून त्यांना वाढदिवसानिमित्त मनःपूर्वक शुभेच्छा देत असल्याचे त्यांनी नमूद केले.
तसेच प्रचार व पर्यटन विभागाचे माजी उपाध्यक्ष रामचंद्र मोरे म्हणाले, जगताप सर समता सैनिक, उत्तम बौद्धाचार्य, आदर्श शिक्षक व गायक म्हणून सुपरिचित आहेत. धम्माचा प्रचार प्रसार करण्यामध्ये हे त्यांचे योगदान अतुल्यनीय आहे. भारतीय बौद्ध महासभेच्या वतीने गेली अनेक वर्ष होते धम्माचा विचार जनसामान्यांमध्ये रुजवण्याचं काम करतात. त्यांना मी वाढदिवसानिमित्त मंगलमय शुभेच्छा देतो.

यावेळी आयु. बाबासाहेब दिलीप जगताप यांच्या सुविद्य पत्नी म्हणाल्या, आमच्या सरांनी स्वतःपेक्षा माझ्या शिक्षणाला, माझ्या विचारांना कायमच प्रोत्साहन दिले आहे. समाजामध्ये बौद्ध धम्माचा विचार रुजवण्यामध्ये, प्रचार व प्रसारामध्ये ते कायमच प्रयत्नशील असतात. माझ्या कुटुंबीयांचा तसेच माझ्या वडिलांचा त्यांच्यावर प्रचंड विश्वास होता. त्याने कायमच एक कुटुंब वत्सल व्यक्तिमत्व म्हणून माझ्या सासरी व माहेरी दोन्ही ठिकाणी जबाबदाऱ्या पार पाडल्या आहेत. त्यांना उत्तम आरोग्य व दीर्घायुष्य लाभावे, त्यांच्या हातून अशीच समाजाची सेवा घडावी एवढीच मी इच्छा व्यक्त करते. व त्यांना वाढदिवसाच्या मनःपूर्वक शुभेच्छा देते.

यावेळी भारतीय सैन्य दलातील फौजी आयु.विकास गायकवाड, भारतीय बौद्ध महासभा शाखा सातारा जिल्हा पूर्व संस्कार सचिव सोमीनाथ घोरपडे, आयु अविनाश अहिवळे, आयुनि संध्या अहिवळे, आयुनि अश्विनी मोरे यांनी ही मंगलमय शुभेच्छा दिल्या.

या कार्यक्रमाला विविध मान्यवर, सहकारी, मित्रपरिवार व धम्मप्रेमी मोठ्या संख्येने उपस्थित होते. कार्यक्रम धम्ममय वातावरणात पार पडला.

फलटण प्रतिनिधी :- भारतरत्न डॉ. बाबासाहेब आंबेडकर जयंती महोत्सव समितीच्या वतीने म्युनिसिपल कामगार वसाहत (महात्मा फुले नगर), फलटण येथे दिनांक ९ एप्रिल २०२६ रोजी भव्य “भीम फेस्टिव्हल” उत्साहात संपन्न झाला. या महोत्सवात “प्रबुद्ध हो मानवा” फेम शाहिर विजयजी सरतापे यांनी आपल्या दमदार आणि भावपूर्ण सादरीकरणातून भीम व बुद्ध गीतांची मैफल रंगवली.

कार्यक्रमादरम्यान उपस्थित प्रेक्षक त्यांच्या सुरेल आवाजाने अक्षरशः मंत्रमुग्ध झाले. भीमगीतांच्या माध्यमातून डॉ. बाबासाहेब आंबेडकर यांच्या विचारांची प्रभावी उजळणी करण्यात आली. समता, बंधुता आणि न्याय या मूल्यांचा समाजात प्रसार करण्याच्या उद्देशाने आयोजित करण्यात आलेला हा सांस्कृतिक महोत्सव विशेष ठरला.
युवकांमध्ये सामाजिक जागृती निर्माण व्हावी आणि आंबेडकरी विचारांची प्रेरणा मिळावी, हा या कार्यक्रमाचा मुख्य हेतू होता. स्थानिक नागरिकांसह परिसरातील आंबेडकरी अनुयायी मोठ्या संख्येने उपस्थित राहून कार्यक्रमाचा आनंद घेतला.
आयोजकांनी हा महोत्सव भव्य स्वरूपात यशस्वी करण्यासाठी विशेष प्रयत्न केले असून, सर्व स्तरातील नागरिकांनी या सोहळ्याला उपस्थित राहून उत्स्फूर्त असा प्रतिसाद दिला

प्रकाशाकडून प्रकाशाकडे वाटचाल करणाऱ्या अमोल भोसले यांना शुभेच्छांचा वर्षाव

फलटण (प्रतिनिधी) :भारतीय बौद्ध महासभा शाखा फलटण तालुक्याचे माजी संस्कार सचिव आयुष्यमान अमोल भोसले यांच्या वाढदिवसानिमित्त आयोजित छोटेखानी कार्यक्रमात त्यांना विविध मान्यवरांच्या उपस्थितीत शुभेच्छा देण्यात आल्या.

यावेळी भारतीय बौद्ध महासभा सातारा जिल्हा पूर्वचे संस्कार सचिव आयु. सोमीनाथ घोरपडे यांनी आपल्या मनोगतात अमोल भोसले यांच्या व्यक्तिमत्त्वाचा गौरव करताना सांगितले की, ते अत्यंत साधे, सरळ, प्रामाणिक आणि सात्विक स्वभावाचे असून त्यांच्या कुटुंबाचा धम्मप्रसारासाठी सातत्यपूर्ण त्याग आणि समर्पण उल्लेखनीय आहे. तथागत भगवान गौतम बुद्धांनी सांगितलेल्या “प्रकाशाकडून प्रकाशाकडे जाणाऱ्या” व्यक्तिमत्त्वाचे ते उत्तम उदाहरण असल्याचे त्यांनी नमूद केले. तसेच त्यांच्या कार्यातून समाजातील अंधश्रद्धा व अनिष्ट परंपरांविरोधात जनजागृती होत असल्याचेही त्यांनी अधोरेखित केले.

या कार्यक्रमात माजी अध्यक्ष आयुष्यमान महावीर भालेराव यांनीही अमोल भोसले यांना वाढदिवसानिमित्त मंगलकामना व्यक्त केल्या. त्यांनी वंदना सूत्रपठण घेत सर्व उपस्थितांमध्ये मंगल मैत्रीची भावना जागृत केली. कार्यक्रमादरम्यान बीबीएम फॅमिलीच्या वतीने आयु. अमोल भोसले यांना भारतीय संविधानाची प्रास्ताविका व पुष्पगुच्छ देऊन सन्मानित करण्यात आले.

या प्रसंगी सरचिटणीस बाबासाहेब जगताप, कोषाध्यक्ष विठ्ठल निकाळजे, प्रचार व पर्यटन विभागाचे उपाध्यक्ष रामचंद्र मोरे, माजी संघटक आनंद जगताप, धम्म उपासक विजय जगताप तसेच बौद्ध उपासक-उपासिका आणि कुटुंबीय मोठ्या संख्येने उपस्थित होते.

कार्यक्रम शेवटी सर्वांनी बुद्ध, धम्म आणि संघ यांच्या बलावर अमोल भोसले यांचे आयुष्य सुख, समृद्धी आणि सेवाभावाने परिपूर्ण होवो, अशी सदिच्छा व्यक्त केली.