Ajit Pawar in Phalthan speech: सरकारी विकासकामे करताना कॉन्ट्रॅक्टर चांगला असेल तर काम चांगले होते. जर कॉन्ट्रॅक्टर खराब असेल तर सरकारला पण त्रास होतो, अनेक कामं रेंगाळत राहतात. त्यामुळे ज्याला राजकारण करायचंय त्याने कॉन्ट्रॅक्टर बनू नका अन् ज्यांना कॉन्ट्रॅक्टर व्हायचंय त्याने राजकारणात येऊ नका, हा माझा कटाक्ष असतो, असे वक्तव्य राज्याचे उपमुख्यमंत्री अजित पवार (Ajit Pawar) यांनी केले. ते शनिवारी फलटण (Phalthan) येथील एका कार्यक्रमात बोलत होते. यावेळी अजित पवार यांनी त्यांच्या खास शैलीत भाषण करुन हशा पिकवला. यावेळी स्थानिक गावकऱ्यांच्या काही मागण्या ऐकून अजित पवार यांनी डोक्यावर हात मारुन घेतला. 

यावेळी काही ग्रामस्थांनी गावातील वादांचा मुद्दा उपस्थित केला. ग्रामपंचायतीकडून विरोधकांची अडवणूक केली जाते, अशी तक्रार त्यांनी अजितदादांकडे केली. यावेळी अजित पवार यांनी म्हटले की, ग्रामपंचायतीमधील लोक तुम्ही निवडून दिले आहेत. विकासकामांसाठी पैसे देणे माझे काम आहे. गावातील वाद हे थोरामोठ्यांनी एकत्र बसून आणि चर्चा करुन इथल्या लोकांनीच सोडवले पाहिजेत. ग्रामपंचायत निवडणुकीत मी तुम्हाला अमुकतमुक माणसाला निवडून आणायला बटन दाबायला सांगितले होते का? आता पायताण घ्या आणि माझ्या डोक्यात टाका, असे अजित पवार यांनी म्हटले. त्यांच्या या वक्तव्यावर उपस्थितांमध्ये हशा पिकला. 

तुमच्या इथं कंपन्या आहेत त्यांचा टॅक्स जरा वाढवा. तुम्हाला फक्त 20 लाख टॅक्स मिळतोय. तुमचा धंदापाणी नीट करा. गावात एकोपा ठेवा, जातीय सलोखा ठेवा, जातीय वादातून कोणाचं भलं झालं नाही. बारामती ॲग्रो तर फक्त साडेतीन लाख रुपये टॅक्स देते. वाढवा जरा, तेव्हाचा काळ वेगळा होता आताचा वेगळा आहे. डिस्टलरी मालकांना सांगा दादांनी आवाहन केलं आहे असे सांगा, असे अजित पवार यांनी सांगितले. तसेच आगामी काळात शेतीमध्ये एआयचा वापर करण्याची गरज अजित पवार यांनी व्यक्त केली. आमच्या शेतामधून आतापर्यंत 60-70 टन उस निघायचा. एआयचा वापर करुन तेच उत्पादन आता 100 टनापर्यंत जाईल. आर्टिफिशियल इंटेलिजन्ससाठी शेतकऱ्यांना वसंतदादा शुगर इन्स्टिट्यूटकडून 18 हजार रुपये दिले जात आहेत. मात्र, आगामी काळात हे पैसे कृषी विभाग कडून देण्याचा विचार सुरू आहे, असे अजित पवार यांनी सांगितले.

Ajit Pawar news: ग्रामस्थांच्या तक्रारी ऐकून अजितदादांनी डोक्यावर हात मारुन घेतला

अजित पवार यांच्या या भाषणावेळी अनेक मजेशीर प्रसंग पाहायला मिळाले. अजित पवार यांनी फलटणमधील विकासकामांच्या योगदानाचा उल्लेख करताना काही जणांची नावे घेतली. त्यावेळी समोरच्या प्रेक्षकांमधून एकजण उठला आणि त्याने तुम्ही साडेतीन वर्षे सरपंच राहिलेल्या व्यक्तीचे नाव घेतले नाही, अशी तक्रार केली. त्यावर अजित पवार म्हणाले की, मी इथं लोकांची नावं घ्यायला आलोय की काम करायला आलोय. मी कधी बायकोचं नाव घेतलं नाही. इथे मी उखाणे घ्यायला आलो आहे का? तुम्ही डोक्यावर पडलात का तुम्ही, असा सवाल अजित पवारांनी समोरच्या व्यक्तीला विचारला.

यानंतर अजित पवार यांनी बारामतीपर्यंत जाणारे रस्ते कसे चांगले केले आहेत, याचा उल्लेख केला. त्यावेळी एका माणसाने अजित पवारांना सूचना केली की, ‘दादा रस्त्यावरील डिव्हायडर थोडे मोठे करा. कुत्री उडी मारुन गाडीसमोर येतात. त्यावेळी अजित पवार मिश्कीलपणे म्हणाले की, ‘मी कुत्र्यांना सांगतो उडी मारु नका’. त्यांच्या या वक्तव्यावर हशा पिकला.अजित पवार निघत असताना एका व्यक्तीने म्हटले की, दादा आमच्या फलटणला पदरात घ्या. त्यावर अजित पवार म्हणाले, ‘आता माझा पदर फाटलाय.’ यानंतर अजित पवार यांनी फलटणमधील विकासकामांकडे लक्ष देण्याचे आश्वासनही दिले. 

Mumbai News: मुंबईत महिलांसाठी 194 कोटीच्या मॉलचे काम सुरु: अजित पवार

मुंबईत 194 कोटीच्या मॉलचे काम सध्या सुरू आहे. महिलांनी ज्या वस्तू बनवलेल्या आहेत त्याची विक्री त्या ठिकाणी होणार आहे. तसेच प्रत्येक जिल्ह्यात 15 कोटींचा मॉल बनवणार आहोत. तसेच तालुक्याच्या ठिकाणी देखील बनवणार आहे. मला आता इथं निधी मागितला तुमची तुम्हीच काम करून घ्या. या योजनेतून सगळीच काम होतील. त्या योजनेचा फायदा घ्या. आता मोटरसायकल असेल तरी त्याला घर दिले जाणार आहे. आतापर्यंत 44 लाख घर आपण मंजूर केले आहेत. मागच्या आणि आताची धरून राज्य बँकेंना पूरग्रस्तांना दहा कोटी रुपये दिले. त्याचेच आमच्यावरती आरोप होत आहेत. आरोप करणारे करत असतात. पण त्या बँकेने दहा कोटी रुपये दिले, असे अजित पवार यांनी म्हटले.

आणखी वाचा

औंधच्या राणीसाहेबांनी म्यानातून तलवार उपसली, हवेत नाचवली, अजित पवार बघतच बसले

आणखी वाचा

Udayanraje Bhosale Jaykumar Gore: सातारा जिल्ह्याच्या राजकारणात एकेकाळी सुसंवाद आणि जिव्हाळा असलेली जोडी म्हणून ओळखले जाणारे खासदार छत्रपती उदयनराजे भोसले (Udayanraje Bhosale) आणि ग्रामविकासमंत्री जयकुमार गोरे (Jaykumar Gore) पुन्हा एकदा एकत्र आले असून, त्यांच्या मैत्रीची झलक जिल्हा शासकीय विश्रामगृहावर पाहायला मिळाली.

जयकुमार गोरे यांच्या वाढदिवसानिमित्त झालेल्या कार्यक्रमात, उदयनराजेंनी मिश्कील शैलीत “पार्टी कुठे?” असा प्रश्न विचारला. त्यावर जयकुमार गोरेंनीही तेवढ्याच मिश्कीलपणे उत्तर दिलं, “चला, जलमंदिरलाच पार्टी करू!” या एका संवादातूनच दोघांमधील सुसंवादाची आणि सौहार्दाची पुनर्स्थापना झाल्याचे स्पष्ट झाले.

Udayanraje Bhosale Jaykumar Gore: उदयनराजे व जयकुमार गोरे यांच्यात सुप्त नाराजी 

सातारा लोकसभा निवडणुकीच्या पार्श्वभूमीवर तत्कालीन जिल्हाध्यक्ष धैर्यशील कदम यांच्या नावाची चर्चा भाजपकडून खासदारकीसाठी होऊ लागल्यानंतर, उदयनराजे व जयकुमार गोरे यांच्यात एक प्रकारचा ‘सुप्त नाराजीचा’ सूर तयार झाला होता. यामुळे दोघेही जरी एकमेकांविरोधात उघडपणे बोलले नसले, तरी एक प्रकारचा तणाव जाणवू लागला होता.

Udayanraje Bhosale Jaykumar Gore: वाढदिवसाची पार्टी कुठे?

दुरावा मिटवण्याच्या दिशेने एक सकारात्मक पाऊल टाकत, नुकत्याच झालेल्या भाजपच्या जिल्हा बैठकीत हे दोघे नेते एकत्र आले. जिल्हा परिषद व पंचायत समिती निवडणुकांत भाजपला सर्वाधिक जागा मिळवून पक्षाचे वर्चस्व वाढवण्याच्या उद्देशाने झालेल्या या बैठकीत खासदार उदयनराजे, मंत्री जयकुमार गोरे, आमदार शिवेंद्रराजे भोसले, जिल्हाध्यक्ष डॉ. अतुल भोसले, आणि आमदार मनोज घोरपडे आदी मान्यवर उपस्थित होते.

बैठक संपल्यानंतर सर्वजण एकत्र बाहेर पडले. त्याच वेळी उदयनराजेंनी गोरेंच्या खांद्यावर हात ठेवत मिश्कीलपणे वाढदिवसाची पार्टी कुठे? असा प्रश्न विचारला. त्यावर गोरेंनीही “चला, जलमंदिरवरच पार्टी करू” असं उत्तर देत माहोल हलकाफुलका केला. उदयनराजेंनी गोरेंना हलकासा चिमटा काढत मैत्रीची गोडी अधिकच वाढवली.

Udayanraje Bhosale Jaykumar Gore: भाजपच्या व्यासपीठावरून उदयनराजे-गोरे पुन्हा एकत्र

याआधी विधानपरिषदेचे माजी सभापती रामराजे निंबाळकर यांच्याशी असलेल्या संघर्षाच्या काळात उदयनराजे, गोरे आणि रणजित निंबाळकर हे तिघे एकत्र असायचे. मात्र, जिल्हा मध्यवर्ती बँकेच्या निवडणुकीत उदयनराजे आणि रामराजेंमध्ये समेट झाल्यावर हे त्रिकुट काहीसे दूर झाले होते. पण आता, भाजपच्या व्यासपीठावरून पुन्हा एकदा उदयनराजे-गोरेंमध्ये मैत्रीचे सूर उमटत आहेत. स्थानिक पातळीवरील राजकारणात याचे दूरगामी परिणाम होण्याची शक्यता नाकारता येणार नाही.

आणखी वाचा 

आमदार गायकवाड यांचा खुलासा; ती दीड कोटींची डिफेंडर कार 100 टक्के कर्जातून, नेमकी कोणाची?

आणखी वाचा

Maharashtra Rains Updates: दिवाळी अगदी चार दिवसांवर येऊन ठेपलेली असताना परतीच्या पावसामुळे शेतकऱ्यांना (Maharashtra Rains Updates) पुन्हा एकदा धडकी भरलीय. हवामान विभागानं आज (16 ऑक्टोबर) आणि उद्या (17 ऑक्टोबर) छत्रपती संभाजीनगर, जळगाव, पुणे, सातारा, अहिल्यानगरसह 15 जिल्ह्यांना यलो अलर्टचा (Yellow Alert) इशारा दिलाय आहे. काही दिवसांपूर्वीच झालेल्या ढगफुटी सदृश्य पावसानं शेतकऱ्यांचं (Marathwada Farmer) अतोनात नुकसान झालं. काही शेतकऱ्यांच्या जमीनी वाहून गेल्यात तर काही शेतकऱ्यांचं हाता तोंडाशी आलेलं पीक मातीमोल झालं, त्यातून बळीराजा सावरत नाहीत तेवढ्यात हवामान विभागानं पुन्हा एकदा पावसाचा इशारा दिल्यानं, शेतकऱ्यांमध्ये नाराजीचं वातावरण आहे.

यवतमाळच्या जिल्ह्यातील पुसद परिसरात पावसाने हजेरी लावली असून पावसामुळे (Rain In Yavatmal) पुसद आणि वनवारला परिसरात शेतकऱ्यांची चांगलीच तारांबळ उडाली. शेतकरी सोयाबीनची कापणी आणि काढणी सुरू असतानाच सायंकाळच्या सुमारास पावसाने हजेरी लावली. सोयाबीन भिजत आहे त्यामुळे शेतकऱ्यांची गंजी झाकण्यासाठी मोठी कसरत करावी लागली. अतिवृष्टीमुळे आधीच शेतकरी हवालदिल झाला असल्याने कसेबसे वाचलेले सोयाबीन काढतेवेळी पाऊस आल्याने शेतात उभे असलेले सोयाबीन पीक वाया जाण्याची भीती निर्माण झाली आहे. तसेच शेतात फुटलेला कापूसही ओला झाल्याने शेतकऱ्यांनाचे नुकसान होत आहे. 

पाण्यावरच्या शेतीचा धाराशिव पॅटर्न तयार करण्यासाठी चाचपणी- (Experiments to create a Dharashiv pattern of water-based farming)

महापुरात धाराशिवमध्ये शेकडो एकर जमीन खरडून गेली. नदीकाठच्या जमिनीला याचा सर्वाधिक फटका बसला. शेतात मातीच शिल्लक नाही. त्यामुळे आता अशा ठिकाणी पाण्यावर शेती करता येईल का याची चाचपणी केली जात आहे. पाण्यावरच्या शेतीचा धाराशिव पॅटर्न तयार करण्याच्या सूचना पालकमंत्री प्रताप सरनाईक (Pratap Sarnaik) यांनी अधिकाऱ्यांना दिल्यात. महिनाभरात याबाबतचा अहवाल तयार करण्याचे सांगण्यात आलं आहे. पाण्यावरची शेती खर्चिक आहे मात्र त्यासाठी स्वतंत्र निधीची तरतूद केली जाणार असल्यास सरनाईक म्हणाले. 

काढणीला आलेलं सोयाबीन काढा, कृषी विद्यापीठाचा सल्ला (Rain Updates)

दरम्यान, प्रादेशिक हवामान विभागाने दिलेल्या अंदाजानुसार, वसंतराव नाईक मराठवाडा कृषि विद्यापीठाने शेतकऱ्यांना काही शिफारसी केल्या आहेत.  त्यानुसार, काढणीस तयार असलेल्या सोयाबीन पिकची काढणी लवकरात लवकर करावी व सुरक्षित ठिकाणी साठवणूक करावी. काढणी केलेले सोयाबीन पिक वाळल्यानंतर मळणी करावी. तूरळक ठिकाणी हलक्या ते मध्यम स्वरूपाच्या पावसाचा अंदाज लक्षात घेता, पिकात, फळबागेत, भाजीपाला व फुल पिकात पाणी साचणार नाही याची काळजी घ्यावी व अतिरिक्त पाण्याचा निचरा करावा.

राज्यासह देश-विदेशातील महत्वाच्या बातम्या, VIDEO:

संबंधित बातमी:

Weather Alert: आज संपूर्ण मराठवाड्यासह मध्य महाराष्ट्रात वादळी पावसाचे यलो अलर्ट, पुढील दोन दिवस कुठे काय स्थिती?

आणखी वाचा