मुंबई : राज्यात एकीकडे दिवाळीचा (Diwali) उत्साह आणि आनंद साजरा होत असताना राज्यातील दोन जिल्ह्यात अपघाताच्या घटना घडल्या आहेत. सातारा (Satara) आणि विदर्भातील वाशिम जिल्ह्यात अपघाताच्या घटना घडल्या असून या अपघातात एकाचा मृत्यू झाला आहे. तर, दोघे जखमी झाल्याची माहिती आहे. वाशिम जिल्ह्यातील पुसद येथे झालेल्या अपघातात दुचाकीस्वार ठार झाला असून एकजण गंभीर जखमी आहे. यातील जखमीवर शासकीय रुग्णालयात उपचार सुरू आहेत. 

सातारा जिल्ह्यातील सातारा कास रोडवर रेसिंग कारच्या नादात दोन-चार गाड्यांचा भीषण अपघात झाला. येथील गणेश खिंड परिसरातील ही घटना असून 5 चार चाकी गाड्यांची रेस लागली होती. त्यामध्ये, एक चार चाकी गाडी पलटी झाल्याने इतरही गाड्या त्यास धडकल्याची घटना घडली. हुल्लडबाजी करताना कार चालकाचा गाडीवरील ताबा सुटल्याने हा अपघात झाला. दिवाळीच्या दिवशी अतिउत्साही पर्यटकांची सातारा-कास रोडवर हुल्लडबाजी सुरू होती. त्यावेळी झालेल्या या अपघातात दोन जण जखमी झाले असून त्यांना शासकीय रुग्णालयात दाखल करण्यात आले आहे. दरम्यान, हुल्लडबाज पर्यटकांवर  पोलिसांकडून कारवाई करण्याची मागणी स्थानिकांकडून होत आहे.

वाशिमध्ये दुचाकी अन् वाहनाची धडक

वाशिम जिल्ह्यातही दुचाकीला अज्ञात वाहनाची धडक बसल्याने झालेल्या अपघातात दुचाकीवरील एक जण ठार झाला असून एक गंभीर जखमी आहे. वाशिम ते पुसद मार्गावर एका दुचाकीला अज्ञात वाहनाने धडक दिल्याने हा अपघात झाला. त्यामध्ये दुचाकीवरील एक जण जागीच ठार झाला असून एक गंभीर जखमी आहे. जखमीला तात्काळ वाशिमच्या  जिल्हा सामान्य रुग्णालयात दाखल करण्यात आले आहे.  दुचाकीला ट्रॅक्टरने धडक दिल्याची चर्चा असून, दुचाकीला धडक देताच धडक देणारे वाहन अपघात स्थळावरून पसार झाले होते. दरम्यान, पोलिसांनी घटनास्थळी धाव घेत चौकशी सुरू केली आहे. 

हेही वाचा

प. महाराष्ट्रातील मराठा कुणबी समाजाला जीआरचा फायदा होणार नाही; मंत्री बावनकुळेंनी स्पष्टच सांगितलं

आणखी वाचा

Satara Crime News : सातारा (Satara)  जिल्ह्यातील कोरेगावमध्ये धक्कादायक घटना घडली आहे. तालुक्यातील जयपूर येथे जमिनीच्या वादातून एकावर कोयत्याने वार केल्याची घटना घडली आहे. यामुळं जयपूर गावात भीतीचे वातावरण पसरले आहे. यामध्ये सोमनाथ निकम हे गंभीर जखमी झाले आहेत. पैलवान सचिन शेलार यांनी वार केल्याचा आरोप करण्यात आला आहे. पैलवान सचिन शेलार यांच्या हातात रक्ताने माखलेला कोयता होता. 

दरम्यान, मिळालेल्या माहितीनुसार जमिनीच्या वादातून हा हल्ला झाल्याची माहिती आहे. यामध्ये जखमी झालेल्या सोमनाथ निकम यांना साताऱ्यातील रुग्णालयात दाखल करण्यात आले आहे. या घटनेनंतर रहिमतपूर पोलीस घटनास्थळी दाखल झाले आहेत. दरम्यान, या घटनेसंदर्भातील तपास पोलिसांनी सुरु केला आहे. 

महत्वाच्या बातम्या:

Crime News: छ. संभाजीनगरमध्ये वैयक्तिक वादातून तरूणाला संपवण्याचा प्रयत्न; एकाच कुटुंबातील सदस्यांनी मध्यरात्री रस्त्यात अडवलं, डोकं जमीनीवर आपटलं अन् चाकू, तलवारीने हल्ला

आणखी वाचा

सातारा : कोणत्या पक्षात जायचं याचा निर्णय मी घेईल, पण अपक्ष तर आपलं मूळच आहे. मी कुठेही जाणार नाही, मी आहे त्याच पक्षात आहे, अशा शब्दात राष्ट्रवादी काँग्रेसचे (NCP) नेते आणि माजी सभापती रामराजे नाईक निंबाळकर (Ramraje naik nimbalkar) यांनी जिल्ह्यातील काही राजकीय नेत्यांना इशारा दिलाय. मुंबईला जाऊन 30 वर्षे मी काही लाटा मोजल्या नाहीत. कोणत्या पक्षात जायचं त्याचा निर्णय आम्ही घेऊ तुम्ही त्याबाबत अस्वस्थ होऊ नका तुम्ही फक्त तुमचे काम कराअसे म्हणत रामराजेंनी कार्यकर्त्यांचेही कान टोचले. आगामी स्थानिक स्वराज्य संस्थांच्या निवडणुकीच्या पार्श्वभूमीवर रामराजे नाईक निंबाळकर यांनी कार्यकर्त्याना उद्देशून भाषण केले. पुढे बोलताना ते म्हणाले, विधानसभा (Satara) निवडणूक पराभव कार्यकर्ता जागृत नसल्यामुळे झाला. निवडणुकीच्या वेळेस पैसे वाटत होते त्यावेळेस तुम्ही काय करत होता? तुम्ही त्यांना अडवला का नाही? असा जाब देखील रामराजेंनी कार्यकर्त्यांना विचारला. 

फलटण कोरेगाव विधानसभा मतदारसंघाचा रामराजे नाईक निंबाळकरांनी पदाधिकारी आणि कार्यकर्त्यांची आढावा बैठक आयोजित केली होती. फलटणमधील अनंत मंगल कार्यालयात हा आढावा बैठकीचा कार्यक्रम पार पडला. रामराजे नाईक निंबाळकर राष्ट्रवादीमध्ये असले तरी संजीवराजे नाईक निंबाळकर आणि रघुनाथराजे नाईक निंबाळकर यांनी मात्र राष्ट्रवादी काँग्रेस शरदचंद्र पवार पक्षांमध्ये प्रवेश केला होता. मात्र, विधानसभा निवडणुकीमध्ये शरद पवार गटाच्या उमेदवाराचा पराभव झाला होता. 

दरम्यान, आगामी काळात कशी वाटचाल करायची याबाबत रामराजे निंबाळकर यांनी दिवाळीच्या आदल्या दिवशी कार्यकर्त्यांना मार्गदर्शन केलं. पदवीधर मतदार संघाच्या निवडणुकीच्या संदर्भात मी तुम्हाला बोललो होतो पण तो विषय बाजूलाच राहिला. निवडणूक झाली निवडणूक हरलो ज्यांना जायचं होतं ते गेले. गाव पातळीवर दौरा असेल तर लोक मला भेटत असतात. कुठल्या पक्षात जायचं यामुळे एवढं अस्वस्थ व्हायचं काय कारण? आपले मूळच अपक्ष आहे, मी कुठल्या पक्षात जाणार आहे असं नाही, मी आहे तिथे थांबणार आहे, असे रामराजेंनी स्पष्ट केले.

गव्हर्नर होऊन काय करू

सारखा बोलले जाते माझं वय झालंय माझं वय झालं मी काय वय लपवायला नटी आहे का? 2020 पासून वेगळ्या पद्धतीचा राजकारण आपल्या भागात सुरू झालं आहे. प्रशासनाला हाताशी धरून वेगवेगळ्या केसेस लावण्याचा प्रयत्न केला गेला. हे लोक काय करतील हे सांगता येत नाही, त्याच्यामुळे ही निवडणूक तुमच्या हातात आहे, तुम्ही ठरवायचे काय करायचे ते. माझ्याकडे विकासकामाची काम घेऊन कोणी येत नाही, बदली आणि पोलीस स्टेशनची काम एवढेच काम माझ्याकडे येतात. मला स्वतःला आता काही मिळवायचं नाही. देणार कोण नाही, दिलं तर गव्हर्नर करतील? गव्हर्नर होऊन जम्मू-काश्मीरचा काय करता? असा मिश्किल टोलाही रामराजेंनी लगावाला.

काँट्रॅक्टर व्हायचं त्यांनी राजकारणात येऊ नका

ज्याला कॉन्ट्रॅक्टर व्हायचे त्यांनी राजकारणात येऊ नका, कार्यकर्ता कार्यकर्ता  उभे करणारा पाहिजे, कार्यकर्ता कॉन्ट्रॅक्टर झाला तर मग तो सत्तेबरोबर जायला लागतो, असे म्हणत कार्यकर्त्यांचे कान देखील टोचले. दरम्यान, कोणत्या पार्टीत जायचं हे तुम्हाला काय करायचे, मी ठरवीन. काय कुठल्या पार्टीत जायचं ते तुम्ही ठरणार आहात का? ठरवणार असेल तर सांगा, त्यावर आपण मतदान घेऊ बघूया एक मत होते का? काय करायचं हे मला कळते. तीस वर्षे मुंबईला काय समुद्राच्या कडेला बसून लाटा मोजत बसलो नाही, असेही रामराजेंनी म्हटलं.

हेही वाचा

Video: 24 वर्षानंतर सेना भवनात, पायरीवर माथा टेकला; बाळा नांदगावकरांच्या अश्रूंचा बांध फुटला, म्हणाले…

आणखी वाचा

सातारा : राज्यातील काही जिल्ह्यात बिबट्या (Leopard) या वन्य प्राण्यामुळे ग्रामीण भागात भीतीचे वातावरण पसरले आहे. मध्यरात्री कुणाच्या घरात, तर दिवसाच कुणाच्या तरी बांधावर बिबट्याचा वावर गेल्या काही महिन्यात दिसून आलाय. त्यामुळे, ग्रामस्थांची झोपच उडाली आहे. सोलापूर, धाराशिव, सातारा, नाशिक, पुणे जिल्ह्यासह विदर्भातील काही जिल्ह्यात बिबट्याचा वावर वाढला आहे. त्याच पार्श्वभूमीवर सातारा (Satara) वन विभागाने एक आयडिया लढवली आहे. मानव आणि वन्यजीव संघर्ष टाळला जावा या हेतूने सातारा वन विभागाने कराड तालुक्यातील उंडाळे येथे ए.आय. लेफर्ड डीटेक्शन सिस्टिम बसवली आहे. 

वन विभागाने कराड तालुक्यात बसवलेल्या ए.आय. सिस्टीममुळे बिबट्या आला की 120 डेसिबलचा सायरन वाजणार आहे. त्यामुळे, आता गावातील लोकांना बिबट्या नेमका कुठे आहे? हे कळणार असून सुरक्षेच्या दृष्टीने हे अत्यंत महत्वाचं पाऊल मानलं जात आहे. कराड तालुक्यातील उंडाळे गावासह परिसरात बिबट्यासह वन्य प्राण्याचा वावर वारंवार दिसून येत आहे. शेतकऱ्यांसह शाळा कॉलेजच्या मुलांचा वावर जास्त असलेल्या क्षेत्रामध्ये वनविभागाने ए.आय. लेफर्ड सिस्टम लोकांच्या मागणीवरून बसवली आहे. गेल्या दीड वर्षात बिबट्याने अनेकांवर हल्ले केलेबाहेत. आता बिबट्या आल्याचे समजणार असल्याने ग्रामस्थांसाठी ही आनंदाची बातमी आहे, असे येथील गावचे उपसरपंच बापुराव पाटील यांनी म्हटले आहे.

बिबट्याच्या हल्ल्यात 2 चिमकुल्यांचा मृत्यू

नाशिक जिल्ह्यामध्ये बिबट्याच्या हल्ल्यात 2 लहानग्या मुलांचा मृत्यू झाल्याची संतापजनक घटना घडल्या आहेत. बिबट्याने घराच्या ओट्यावरून हल्ला करून उचलून नेलेल्या चिमुकल्या श्रुतिकचा मृतदेह तब्बल 19 तासांच्या शोधकार्यानंतर सापडला. महिनाभरात दोन बालकांचा बिबट्याने बळी घेतल्यामुळे नागरिकांमध्ये वन विभागाच्या कारभाराबद्दल संताप व्यक्त होत आहे. अवघ्या दोन वर्षांच्या श्रुतिक गंगाधर नावाच्या चिमुकल्याला त्याच्या घराच्या ओट्यावरून नरभक्षक बिबट्याने हल्ला करून उचलून नेले होते. या घटनेने संपूर्ण वडनेर परिसरात भीती आणि दहशत पसरली आहे. लष्कराचे जवान आणि वन विभागाच्या अधिकाऱ्यांकडून श्रुतिकचा शोध घेतला जात होता.

हेही वाचा

ते तुम्ही केलंय, अशा टोळीला 12 हत्तीचं बळ मिळालंय; लक्ष्मण हाकेंचं मुख्यमंत्र्यांना भावनिक अन् धारदार पत्र

आणखी वाचा

Ajit Pawar in Phalthan speech: सरकारी विकासकामे करताना कॉन्ट्रॅक्टर चांगला असेल तर काम चांगले होते. जर कॉन्ट्रॅक्टर खराब असेल तर सरकारला पण त्रास होतो, अनेक कामं रेंगाळत राहतात. त्यामुळे ज्याला राजकारण करायचंय त्याने कॉन्ट्रॅक्टर बनू नका अन् ज्यांना कॉन्ट्रॅक्टर व्हायचंय त्याने राजकारणात येऊ नका, हा माझा कटाक्ष असतो, असे वक्तव्य राज्याचे उपमुख्यमंत्री अजित पवार (Ajit Pawar) यांनी केले. ते शनिवारी फलटण (Phalthan) येथील एका कार्यक्रमात बोलत होते. यावेळी अजित पवार यांनी त्यांच्या खास शैलीत भाषण करुन हशा पिकवला. यावेळी स्थानिक गावकऱ्यांच्या काही मागण्या ऐकून अजित पवार यांनी डोक्यावर हात मारुन घेतला. 

यावेळी काही ग्रामस्थांनी गावातील वादांचा मुद्दा उपस्थित केला. ग्रामपंचायतीकडून विरोधकांची अडवणूक केली जाते, अशी तक्रार त्यांनी अजितदादांकडे केली. यावेळी अजित पवार यांनी म्हटले की, ग्रामपंचायतीमधील लोक तुम्ही निवडून दिले आहेत. विकासकामांसाठी पैसे देणे माझे काम आहे. गावातील वाद हे थोरामोठ्यांनी एकत्र बसून आणि चर्चा करुन इथल्या लोकांनीच सोडवले पाहिजेत. ग्रामपंचायत निवडणुकीत मी तुम्हाला अमुकतमुक माणसाला निवडून आणायला बटन दाबायला सांगितले होते का? आता पायताण घ्या आणि माझ्या डोक्यात टाका, असे अजित पवार यांनी म्हटले. त्यांच्या या वक्तव्यावर उपस्थितांमध्ये हशा पिकला. 

तुमच्या इथं कंपन्या आहेत त्यांचा टॅक्स जरा वाढवा. तुम्हाला फक्त 20 लाख टॅक्स मिळतोय. तुमचा धंदापाणी नीट करा. गावात एकोपा ठेवा, जातीय सलोखा ठेवा, जातीय वादातून कोणाचं भलं झालं नाही. बारामती ॲग्रो तर फक्त साडेतीन लाख रुपये टॅक्स देते. वाढवा जरा, तेव्हाचा काळ वेगळा होता आताचा वेगळा आहे. डिस्टलरी मालकांना सांगा दादांनी आवाहन केलं आहे असे सांगा, असे अजित पवार यांनी सांगितले. तसेच आगामी काळात शेतीमध्ये एआयचा वापर करण्याची गरज अजित पवार यांनी व्यक्त केली. आमच्या शेतामधून आतापर्यंत 60-70 टन उस निघायचा. एआयचा वापर करुन तेच उत्पादन आता 100 टनापर्यंत जाईल. आर्टिफिशियल इंटेलिजन्ससाठी शेतकऱ्यांना वसंतदादा शुगर इन्स्टिट्यूटकडून 18 हजार रुपये दिले जात आहेत. मात्र, आगामी काळात हे पैसे कृषी विभाग कडून देण्याचा विचार सुरू आहे, असे अजित पवार यांनी सांगितले.

Ajit Pawar news: ग्रामस्थांच्या तक्रारी ऐकून अजितदादांनी डोक्यावर हात मारुन घेतला

अजित पवार यांच्या या भाषणावेळी अनेक मजेशीर प्रसंग पाहायला मिळाले. अजित पवार यांनी फलटणमधील विकासकामांच्या योगदानाचा उल्लेख करताना काही जणांची नावे घेतली. त्यावेळी समोरच्या प्रेक्षकांमधून एकजण उठला आणि त्याने तुम्ही साडेतीन वर्षे सरपंच राहिलेल्या व्यक्तीचे नाव घेतले नाही, अशी तक्रार केली. त्यावर अजित पवार म्हणाले की, मी इथं लोकांची नावं घ्यायला आलोय की काम करायला आलोय. मी कधी बायकोचं नाव घेतलं नाही. इथे मी उखाणे घ्यायला आलो आहे का? तुम्ही डोक्यावर पडलात का तुम्ही, असा सवाल अजित पवारांनी समोरच्या व्यक्तीला विचारला.

यानंतर अजित पवार यांनी बारामतीपर्यंत जाणारे रस्ते कसे चांगले केले आहेत, याचा उल्लेख केला. त्यावेळी एका माणसाने अजित पवारांना सूचना केली की, ‘दादा रस्त्यावरील डिव्हायडर थोडे मोठे करा. कुत्री उडी मारुन गाडीसमोर येतात. त्यावेळी अजित पवार मिश्कीलपणे म्हणाले की, ‘मी कुत्र्यांना सांगतो उडी मारु नका’. त्यांच्या या वक्तव्यावर हशा पिकला.अजित पवार निघत असताना एका व्यक्तीने म्हटले की, दादा आमच्या फलटणला पदरात घ्या. त्यावर अजित पवार म्हणाले, ‘आता माझा पदर फाटलाय.’ यानंतर अजित पवार यांनी फलटणमधील विकासकामांकडे लक्ष देण्याचे आश्वासनही दिले. 

Mumbai News: मुंबईत महिलांसाठी 194 कोटीच्या मॉलचे काम सुरु: अजित पवार

मुंबईत 194 कोटीच्या मॉलचे काम सध्या सुरू आहे. महिलांनी ज्या वस्तू बनवलेल्या आहेत त्याची विक्री त्या ठिकाणी होणार आहे. तसेच प्रत्येक जिल्ह्यात 15 कोटींचा मॉल बनवणार आहोत. तसेच तालुक्याच्या ठिकाणी देखील बनवणार आहे. मला आता इथं निधी मागितला तुमची तुम्हीच काम करून घ्या. या योजनेतून सगळीच काम होतील. त्या योजनेचा फायदा घ्या. आता मोटरसायकल असेल तरी त्याला घर दिले जाणार आहे. आतापर्यंत 44 लाख घर आपण मंजूर केले आहेत. मागच्या आणि आताची धरून राज्य बँकेंना पूरग्रस्तांना दहा कोटी रुपये दिले. त्याचेच आमच्यावरती आरोप होत आहेत. आरोप करणारे करत असतात. पण त्या बँकेने दहा कोटी रुपये दिले, असे अजित पवार यांनी म्हटले.

आणखी वाचा

औंधच्या राणीसाहेबांनी म्यानातून तलवार उपसली, हवेत नाचवली, अजित पवार बघतच बसले

आणखी वाचा