Panvel To Nanded Train 17613 : पनवेलवरुन नांदेडला जाणाऱ्या ट्रेनमध्ये झुरळांचा सुळसुळाट असल्याने प्रवाशांनी संताप व्यक्त केला. त्यांनी ही रेल्वे पुणे स्थानकावर तब्बल दोन तास थांबून ठेवली. प्रवाशांनी संतप्त भूमिका घेत जोपर्यंत झुरळांचा बंदोबस्त केला जाणार नाही, तोपर्यंत ट्रेन पुढे जाऊ देणार नाही असा पवित्रा घेतला. यामुळे तब्बल दोन तास ही गाडी पुणे स्थानकावर खोळंबली होती. दरम्यान, प्रशासाने प्रवाशांची समजूत काढण्याचा प्रयत्न केला मात्र, प्रवाशी ऐकण्याच्या मनस्थितीत नव्हते. बोगी बदलण्याचे आश्वासन देऊन मग ही रेल्वे रवाना करण्यात आली.
