अभिनेत्री रवीना टंडन बालहक्क, महिला सक्षमीकरण आणि शिक्षण यांसारख्या सामाजिक विषयांवरही काम करते. रवीनाने कला, साहित्य, शिक्षण, सामाजिक कार्य, सार्वजनिक घडामोडी आणि विज्ञान अशा अनेक क्षेत्रात उल्लेखनीय कामगिरी केली आहे. अभिनेत्री ‘रवीना टंडन फाऊंडेशन’चीही संस्थापक आहे, जी वंचित मुलांना शिक्षण आणि आरोग्य सेवा देण्यासाठी काम करते. पद्मश्री हा देशाच्या सर्वात मोठ्या सन्मानांपैकी एक आहे. याच कार्यक्रमात दिवंगत गायिका वाणी जयराम यांना मरणोत्तर पद्मभूषण पुरस्काराने सन्मानित करण्यात आले. वाणी जयराम यांनी १८ हून अधिक भाषांमध्ये गाणी गायली होती.
