[ad_1]
लोकसभा निवडणुकीत ट्रम्पेट आणि पिपाणी चिन्हामुळे शरद पवारांच्या उमेदवारांना अनेक ठिकाणी फटका बसला होता. साताऱ्यात तर पिपाणीमुळे शशिकांत शिंदेंना पराभवाचा सामना करावा लागल्याचा दावा प्रदेशाध्यक्ष जयंत पाटील यांनी केला आहे. पवारांचे उमेदवार शशिकांत शिंदेंना ५ लाख ३८हजार ३६३ मते मिळाली तर भाजपच्या उदयनराजेंना ५ लाख ७१ हजार १३४ मते मिळाली. उदयनराजेंनी ३२ हजार ७७१ च्या मताधिक्यानं शिंदेंचा पराभव केला. पण, याच मतदारसंघात पिपाणी चिन्ह असलेले अपक्ष उमेदवार संजय गाडेंनी तब्बल ३७ हजार ६२ मते घेतली. म्हणजेच जर पिपाणी चिन्ह नसते तर ही मते शशिकांत शिंदेंना मिळाली असती आणि त्यांचा जवळपास ५ हजार मतांनी ते विजय झाला असता, असा दावा शरद पवार गटाने केला आहे.
[ad_2]
Source link
