‘गदर २’ने शाहरुख खानच्या ‘पठान’ या चित्रपटाला मागे टाकले आहे. चित्रपट व्यापार विश्लेषक तरण आदर्श यांनी ‘गदर 2’च्या बॉक्स ऑफिस कलेक्शनचे नवे आकडे शेअर केले आणि सांगितले की, हा चित्रपट आता सर्वाधिक कमाई करणारा हिंदी चित्रपट ठरला आहे, ज्याने भारतात ५२४.७५ कोटी रुपयांची कमाई केली आहे. शाहरुख खानचा ‘पठान’ बराच काळ पहिल्या क्रमांकावर टिकून राहील, अशी अपेक्षा होती. पण, ‘गदर २’ आला आणि त्याने बॉक्स ऑफिसवर धुमाकूळच घातला. अखेर सगळे रेकॉर्ड मोडत आता ‘गदर २’ने अव्वल स्थान पटकावले आहे.
