प्रभाग क्र. १० मधील वादळग्रस्त नागरिकांना मदत मिळवून देण्यासाठी नगरसेविका मनिषा तिकोटे यांची पुढाकार
अकलूज | प्रतिनिधी
अकलूज नगर परिषदेचे उपनगराध्यक्ष शिवतेसिंह मोहिते-पाटील व नगराध्यक्षा रेश्मा अडगळे यांच्या मार्गदर्शनाखाली प्रभाग क्रमांक १० मधील वादळ व जोरदार वाऱ्यामुळे नुकसान झालेल्या घरांच्या पंचनाम्याची प्रक्रिया पूर्ण करून संबंधित नागरिकांना शासनाकडून मदत मिळावी यासाठी नगरसेविका मनिषा ताई मोहन तिकोटे यांनी विशेष पुढाकार घेतला.
प्रभागातील नुकसानग्रस्त नागरिकांच्या घरांचे पंचनामे, जबाब व आवश्यक कागदपत्रांची पूर्तता करण्यासाठी तलाठी कार्यालय तसेच नगर परिषद प्रशासनाशी समन्वय साधण्यात आला. नगरसेविका मनिषा तिकोटे यांनी स्वतः उपस्थित राहून तलाठी व नगर परिषद अधिकाऱ्यांकडून सर्व आवश्यक कागदपत्रे पूर्ण करून घेतली.
त्यानंतर पुढील कार्यवाहीसाठी ही सर्व कागदपत्रे अकलूजचे तलाठी शिंदे साहेब यांच्याकडे सुपूर्द करण्यात आली. यावेळी मोहन तिकोटे, लखन गायकवाड तसेच प्रभाग क्रमांक १० मधील कार्यकर्ते मोठ्या संख्येने उपस्थित होते.
नुकसानग्रस्त नागरिकांना शासनाकडून आर्थिक मदत व आवश्यक सवलती मिळाव्यात, यासाठी करण्यात आलेल्या या प्रयत्नांमुळे प्रभागातील नागरिकांनी नगरसेविका मनिषा ताई मोहन तिकोटे यांचे मनःपूर्वक आभार व्यक्त केले. नागरिकांच्या अडचणीच्या काळात तत्परतेने मदतीसाठी धावून जाणाऱ्या लोकप्रतिनिधी म्हणून त्यांच्या कार्याचे सर्वत्र कौतुक होत आहे.
