मिळालेल्या माहितीनुसार, नागपुरातील कृष्णा धनजोडे या तरुणाचं गोंदिया जिल्ह्यातील अर्जुनी मोरगाव येथील एका तरुणीसोबत प्रेमप्रकरण सुरू होतं. त्यामुळं १९ ऑगस्ट रोजी दोघे एकमेकांना भेटण्यासाठी भंडाऱ्यात आले होते. दिवसभर शहरातील विविध ठिकाणी फिरल्यानंतर दोघांनी शहरातील हिरणवार लॉजमध्ये थांबण्याचा निर्णय घेतला. त्यामुळं दोघांनी हिरणवार लॉजमध्ये रात्र काढली. परंतु सकाळी तरुणीने कृष्णाला उठवण्याचा प्रयत्न केला, परंतु तो काहीच हालचाल करत नसल्याचं तरुणीच्या लक्षात आलं. त्यानंतर तरुणीने या घटनेची माहिती लॉजमधील कर्मचाऱ्यांना दिली. याशिवाय या घटनेची माहिती समजताच स्थानिक पोलिसांनी तातडीने घटनास्थळी धाव घेतली.
