Ayodhya Ram Mandir | राम मंदिर प्राण प्रतिष्ठा सोहळ्याचे अमेरिकेसह 160 देशांमध्ये होणार थेट प्रेक्षपण ; विश्व हिंदू परिषदेची जय्यत तयारी | Navarashtra (नवराष्ट्र)

परदेशातील हिंदूसाठी या मंदिर उद्घाटन सोहळा पाहण्यासाठी खास सुविधा आखण्यात येत आहे. भारतासह तब्बल 160 देशांमध्ये अयोध्येतील राम मंदिर उद्घाटनाचा सोहळा थेट प्रेक्षेपणाच्या माध्यमातून दाखवण्यात येणार आहे.

अयोध्या : उत्तर प्रदेशातील (UP) अयोध्येमध्ये (Ayodhya) प्रभू श्री रामांची प्राणप्रतिष्ठा केली जाणार आहे. यासाठी देशामध्ये जय्यत तयारी सुरु असून सर्वत्र उत्साहाचे वातावरण निर्माण झाले आहे. मात्र या उत्साह फक्त देशापुरता मर्यादित नसून संपूर्ण जगामध्ये राम मंदिर (Ram Mandir) उद्घाटनाबाबत चैतन्य निर्माण झाले आहे. त्यामुळे परदेशातील हिंदूसाठी या मंदिर उद्घाटन (Ayodhya Ram Mandir Inauguration) सोहळा पाहण्यासाठी खास सुविधा आखण्यात येत आहे. भारतासह तब्बल 160 देशांमध्ये अयोध्येतील राम मंदिर उद्घाटनाचा सोहळा थेट प्रेक्षेपणाच्या माध्यमातून दाखवण्यात येणार आहे. यामध्ये सुप्रसिद्ध न्यूयॉर्क टाईम्स स्क्वेअरचा (New York Times Square) देखील समावेश आहे.

संपूर्ण हिंदू धर्मीयांसाठी 22 जानेवारी रोजीचा अयोध्या मंदिर उद्घाटन सोहळा महत्त्वाचा असणार आहे. जगभरातील हिंदू लोक या सोहळ्यासाठी उत्सुक असून जगभरातील 50 हून अधिक देशांमध्ये राम उद्घाटन सोहळा लाईव्ह स्वरुपात दाखवला जाणार आहे. विश्व हिंदू परिषदेने याबाबत तयारी करण्यास सुरुवात केली आहे. अमेरिका, ब्रिटन, जर्मनी, कॅनडा यांसारख्या अनेक देशांमध्ये पूजा पाठ, शोभा यात्रा व प्राणप्रतिष्ठा सोहळा लाईव्ह दाखवला जाणार आहे.