—
सासकल (ता. फलटण): मुंबई ग्रामपंचायत अधिनियम 1958 अंतर्गत, तहसिलदार फलटण यांच्या आदेशानुसार सासकल ग्रामपंचायतीच्या रिक्त उपसरपंच पदासाठी निवडणुकीची प्रक्रिया पार पडली. निवडणुकीत ५ विरुद्ध ४ अशा मताधिक्याने भैरवनाथ पॅनलच्या सोनाली मंगेश मदने यांनी विजय मिळवला. ग्रामविकास गटाच्या नीलम वैभव सावंत यांचा पराभव करत, सोनाली मदने या सासकलच्या उपसरपंचपदी विराजमान झाल्या.
या निवडणुकीत सरपंच उषा राजेंद्र फुले अध्यासी अधिकारी म्हणून कार्यरत होत्या, तर निवडणूक निरीक्षक म्हणून श्री. एन. बी. नाळे, मंडळ अधिकारी (कोळकी) यांनी जबाबदारी पार पाडली.
भैरवनाथ पॅनलच्या विजयामुळे सत्तारूढ गटाच्या प्रयत्नांना मोठा धक्का बसला आहे. यावेळी ग्रामपंचायत सदस्य हणमंतराव मुळीक, चांगुणाबाई मुळीक, लक्ष्मीबाई आडके, सोनाली मदने, राजेंद्र घोरपडे, मोहन मुळीक, लता मुळीक, नीलम सावंत आणि सरपंच उषा फुले उपस्थित होत्या.
या निवडीवेळी गावातील प्रमुख नागरिक आणि कार्यकर्त्यांमध्ये मंगेश मदने, गोरख मुळीक, दिनेश मुळीक, विनायक मदने, कमलाकर आडके, सुधीर दळवी, तुषार मुळीक, अजित मुळीक, ज्ञानेश्वर मुळीक, ज्ञानेश्वर ह. मुळीक, वाल्मीक मदने, संदीप फडतरे, भीमराव खुडे, रमेश आडके, वैशाली रघुनाथ मुळीक, वैशाली सुनील मुळीक, ताराबाई नामदेव मुळीक, नीलकंठ मुळीक, शंकर गज्याबा मुळीक, शिवाजी मुळीक, दादासो ज्योतिराव मुळीक यांची उपस्थिती होती.
नव-नियुक्त उपसरपंच सोनाली मदने यांना सरपंच उषा फुले, माजी सरपंच लक्ष्मण मुळीक, सोपान मुळीक, रघुनाथ मुळीक, नीलकंठ मुळीक, किरण घोरपडे, मोहनराव मुळीक (पाटील), दत्तात्रय दळवी, सुनील चांगण , विद्यमान ग्रामपंचायत सदस्य तसा माजी सरपंच हणमंतराव मुळीक,भानुदास दिनकर घोरपडे, अनिल संपत मुळीक, सुरेश तुकाराम मुळीक यांनी या निवडीबद्दल शुभेच्छा दिल्या व अभिनंदन केले
