Maharashtra Cabinet Expansion LIVE: महाराष्ट्र विधानसभा निवडणुकीच्या निकालानंतर महायुती सरकारकडून देवेंद्र फडणवीस यांनी मुख्यमंत्री पदाची शपथ घेतली तर, एकनाथ शिंदे आणि अजित पवार यांनी उपमुख्यमंत्रीपदाची जबाबदारी स्वीकारली. मुख्यमंत्री देवेंद्र फडणवीस यांच्या नेतृत्वाखाली महायुती सरकारच्या मंत्रिमंडळाचा विस्तार होत आहे. नागपुरातील राजभवनावर हा शपथविधी सोहळा पार पडणार आहे. येत्या १६ डिसेंबरपासून हिवाळी अधिवेशनाला सुरुवात होणार आहे. हिवाळी अधिवेशनाच्या पूर्वसंध्येला नव्या मंत्रिमंडळाचा विस्तार होणार आहे.
