वाराणसीतील भेलूपूर पोलीस ठाण्याच्या हद्दीतील भदैनी भागात ही खळबळजनक घटना घडली आहे. येथे पती-पत्नी आणि त्यांची तीन मुले, दोन मुले आणि एक मुलगी यांची गोळ्या घालून हत्या करण्यात आली आहे. यापूर्वी पतीने पत्नी आणि तीन मुलांची हत्या करून आत्महत्या केल्याचे सांगण्यात येत होते. परंतु प्राथमिक तपासात या पाच जणांना कोणीतरी ठार मारल्याचे निष्पन्न झाले आहे. भदैनी येथील एका घरात पत्नी व मुलांचा तर रोहनिया येथील बांधकाम सुरू असलेल्या घरात पतीचा मृतदेह आढळून आला. प्रत्येकावर दोन ते तीन गोळ्या झाडण्यात आल्या आहेत.
