इस्रायलने लेबनॉनमध्ये पुन्हा एकदा हाहाकार माजवला आहे. राजधानी बैरूतमध्ये झालेल्या हवाई हल्ल्यात ५९ जण जखमी झाले आहेत, तर आठ जणांचा मृत्यू झाला आहे. या हल्ल्यात हिजबुल्लाहचा टॉप कमांडर इब्राहिम अकील ठार झाल्याचे वृत्त आहे. तो हिजबुल्लाहच्या रादवान युनिटचा प्रमुख होता. याआधी हिजबुल्लाहने उत्तर इस्रायलवर अनेक रॉकेट डागले होते, त्यानंतर इस्रायलने हे हल्ले केले आहेत.
