पुण्यातील कुख्यात गुंड शरद मोहोळ (Sharad Mohol) याचा शुक्रवारी दिवसाढवळ्या त्याच्याच साथीदाराने गोळ्या घालून गेम केला. शरद मोहोळवर हल्लेखोरांनी चार गोळ्या झाडल्या त्यातील त्यातील तीन गोळ्या मोहोळच्या शरीरात घुसल्या होत्या. गंभीर अवस्थेत त्याला जवळच्या रुग्णालयात हलवण्यात आलं होतं. मात्र, त्याचा उपचारादरम्यान त्याचा मृत्यू झाला. याप्रकरणात ८ आरोपींना अटक करण्यात आली आहे. त्यातील दोन नामांकित वकील असल्याचे समोर आले आहे. या घटनेनंतर पुण्यात एकच खळबळ उडाली असून त्यातच आज शरद मोहोळची पत्नी स्वाती मोहोळ (Sharad Mohol Wife) यांनी उपमुख्यमंत्री देवेंद्र फडणवीस यांची भेट घेऊन न्याय देण्याची मागणी केली.
