फलटण प्रतिनिधी :- आगामी पंचायत समिती निवडणुकीच्या पार्श्वभूमीवर बरड पंचायत समिती गणात राष्ट्रवादी (अजित पवार) काँग्रेस पक्षाकडून सक्षम, जनतेशी नाळ जोडलेली आणि सामाजिक कार्यात सक्रीय असलेली महिला उमेदवार देण्याची चर्चा वेग घेत आहे. याच पार्श्वभूमीवर बागेवाडी (बरड) गावच्या विद्या अरविंद वाघमोडे यांना उमेदवारी मिळावी अशी जोरदार मागणी नागरिकांतून पुढे येत आहे.
राष्ट्रवादी (अप) काँग्रेस पक्षाच्या सक्रिय कार्यकर्त्या म्हणून विद्या वाघमोडे यांनी गेल्या अनेक वर्षांत सामाजिक व राजकीय क्षेत्रात भरीव काम केले आहे. सर्वसामान्यांच्या सुख-दुःखात धावून जाणारी, महिलांचे प्रश्न, मूलभूत नागरी सुविधा तसेच ग्रामविकासाशी संबंधित विषयांवर सातत्याने आवाज उठवणारी कार्यकर्ती म्हणून त्यांची ओळख आहे.
बरड, बागेवाडी, रांजणी (पुनर्व.), मुंजवडी, राजुरी, भवानीनगर, विवर (पुनर्व.), शेरेशिंदेवाडी, निंबळक आणि वाजेगाव (पुनर्व.) या गावांमध्ये त्यांचा मोठ्या प्रमाणात जनसंपर्क असून नागरिकांमध्ये त्यांच्याबद्दल विश्वासाचे वातावरण आहे. राष्ट्रवादी अजित पवार काँग्रेस पक्षाचा बालेकिल्ला मानल्या जाणाऱ्या बरड पंचायत समिती गणातून विद्या वाघमोडे यांना उमेदवारी द्यावी, अशी अपेक्षा आता जनतेकडून व्यक्त होत आहे.
