शरीरातून आत्मा बाहेर पडताना पाहायचं होतं, तरुणानं संपूर्ण कुटूंबाला संपवलं; कोर्टाने सुनावला फैसला

केरळमधील तिरुवनंतपुरममध्ये एक विचित्र प्रकार समोर आला आहे. येथे २०१७ मध्ये एका तरुणाने आई-वडील, बहीण आणि मावशीची हत्या केली होती. कॅडेल जिसन राजा नावाच्या व्यक्तीने आपण मानसिक आजारी असल्याचा दावा केला होता. कुटुंबाबद्दलचा राग आणि व्हिडिओ गेम आणि ऑनलाइन कंटेंटच्या प्रभावामुळे त्याने हे भयानक कृत्य केल्याचे सांगत कोर्टाने आरोपी कॅडेल जिसनला दोषी ठरवले. डॅरेस कॅडेल इंजिनीअरिंग करण्यासाठी ऑस्ट्रेलियाला गेला. मात्र, घरच्यांचा पाठिंबा न मिळाल्याने त्यांना अभ्यासक्रम पूर्ण होण्यापूर्वीच परतावे लागले. कुटुंबात राहूनही तो एकाकीपणाचा बळी ठरला होता. त्याचबरोबर त्याला व्हिडिओ गेम्स आणि इंटरनेटचे व्यसन जडले होते. यामुळे त्याच्या मनात हिंसक विचार आले आणि त्याने संपूर्ण कुटुंब उद्ध्वस्त केले.