रॅकून प्राण्याची पालघरमधून सुटका; ६० दिवस कंटेनरमधून अन्नपाण्यावाचून केला अमेरिका ते भारत प्रवास

अमेरिकेतून भारतात आलेल्या एका मालवाहू जहाजाच्या कंटेनरमध्ये आलेल्या रॅकून प्राण्याची पालघर जिल्ह्यातील वाडा तालुक्यात सुटका करण्यात आली आहे. हा प्राणी मालवाहू जहाजाच्या बंदिस्त कंटेनरमध्ये बसून तब्बल ६० दिवस प्रवास करून अमेरिकेहून भारतात आला होता. ६० दिवसांच्या या समुद्री प्रवासात हा प्राणी अन्नपाण्याविना होता, अशी माहिती पालघरच्या वन विभागाच्या अधिकाऱ्यांनी दिली.