भारतीयांना प्रवेश तर लांबच डोकाऊनही पाहण्याची परवानगी नाही; भारतातील सर्वात रहस्यमयी ठिकाणी एक अमेरिकन तरुण घुसला आणि…

North Sentinel Island Andaman Islands Tribe : भारतात एक असं रहस्यमयी ठिकाण आहे जिथे  भारतीयांना प्रवेश तर लांबच डोकाऊनही पाहण्याची परवानगी नाही. हे ठिकाण म्हणजे अंदमान निकोबारमधील नॉर्थ सेंटीनल बेट.  हे संपूर्ण जगासाठी रहस्य आहे. या बेटावर राहणाऱ्या विशिष्ट आदीवासी जमातीतील लोक संपूर्ण जगापासून अलिप्त  राहतात. या जमातीतील लोक संपूर्ण जगापासून दूर आहे. जगाचा यांचा काहीच संबध नाही. हे कुणाच्याच संपर्कात येत नाहीत. कुणी यांना संपर्क साधण्याचा प्रयत्न केला तर ते त्याचा खात्मा करता. या ठिकाणी एका  अमेरिकन तरुणाने घुसण्याचा प्रयत्न केला. जाणून घेऊया त्याच्यासोबत नेमकं काय घडलं?

अमेरिकन नागरिकाच्या हत्येमुळे भारताची अंदमान निकोबार बेटं चर्चेत आली होती. काही वर्षांपूर्वी अंदमानमध्ये आदिवासींना ख्रिस्ती धर्माच्या जाळ्यात ओढण्यासाठी आलेल्या अमेरिकन नागरिकाची हत्या करण्यात आली. यानंतर त्याचा मृतदेह पुरून टाकला अशी चर्चा रंगली होती. आता पुन्हा एकदा एका अमेरिकमन तरुणाने येथे घुसण्याचा प्रयत्न केला.

मार्च 2025 मध्ये, अमेरिकन युट्यूबर मिखाइलो विक्टोरोविच पॉलीकोव्हला अंदमान आणि निकोबार बेटांमधील नॉर्थ सेंटिनेल बेटावर बेकायदेशीरपणे प्रवेश केल्याबद्दल अटक करण्यात आली. पॉलीयाकोव्ह हा २४ वर्षांचा अमेरिकन युट्यूबर आहे. त्याने नॉर्थ सेंटीनल बेटाजवळ व्हिडिओ शूट करण्याचा प्रयत्न केला.एका लहान बोटीचा वापर करून बेटाजवळ पोहचला. त्याने नारळ आणि डाएट कोक सोबत नेला होता. तो शिट्ट्या मारुन वेगवेगळे आवाज काढून येथील लोकांशी संपर्क साधण्याचा प्रयत्न करत होता. जवळपास 5 मिनिटांसाठी तो या बेटावर उतरल्याचीही माहिती समोर आली आहे. पोलिसांनी त्याला ताब्यात घेतले आहे. मात्र, त्याने बेटावर काही वस्तू सोडल्या आहेत. या वस्तू  नॉर्थ सेंटीनल बेटवर राहणाऱ्या लोकांसाठी धोकादायक ठरु शकतात अशी भिती व्यक्त केली जात आहे. 

अंदमान आणि निकोबार बेटसमुहातील नॉर्थ सेंटिनल द्वीप जितकं शांत आणि सुंदर  तेवढचं खतरनाक आहे. नॉर्थ सेंटीनल बेटं निसर्ग सौंदर्यामुळे जगभरातील पर्यटकांना आकर्षित करतात.  पण या बेटांवर जाण्यास संपूर्णपणे बंदी आहे. असं म्हटलं जातं या द्वीपांवर जो गेला तो परतलाच नाही.  असंच काहीसं  27 वर्षाीय अमेरिकन नागरिक जॉन अॅलनसोबत घडलं होत. ख्रिस्ती धर्माच्या प्रचारासाठी जॉन अॅलन या बेटावरील आदिवासींना भेटण्यासाठी गेला. त्याचा पहिला प्रयत्न अयशस्वी झाला. त्यामुळे 5 मच्छिमारांसह तो पुन्हा या बेटांवर पोहोचला. जॉनने आदिवासींसाठी काही भेटवस्तूही नेल्या होत्या.  मात्र, इथल्या आदिवासींनी बाण मारून जॉनला ठार केले.  त्यानंतर आदिवासींनी त्याचा मृतदेह समुद्र किनारी वाळूत पुरून टाकला अशी माहिती समोर आली.  

नेमकं कुठ आहे हे बेट?

नॉर्थ सेंटीनल बेटं राजधानी पोर्ट ब्लेअरपासून 50 किलोमीटर दूर आहेत. या बेटांवर राहणाऱ्या आदिवासींना सेंटीनल आदिवासी म्हटलं जातं. आजवर या आदिवासींचा इतर कोणत्याही मानवी समुहांशी संपर्क आलेला नाही. या बेटांवर केवळ 100 आदिवासी राहतात असं म्हटलं जातं. यातल्या कोणाचाही इतर जगाशी आयुष्यात संबंध आलेला नाही. या बेटावर जाण्यास सर्वांनाच मनाई आहे. या बेटावरील आदिवासींवर कोणताही खटला भरता येत नाही. सेंटीनल आदिवासींना लॉस्ट ट्राईब हा दर्जा देण्यात आलाय. 2004 साली आलेल्या सुनामीनंतरही या आदिवासींच्या मदतीसाठी कोस्ट गार्डची हेलिकॉप्टर्स गेली. पण आदिवासींनी या हेलिकॉप्टर्सवर बाणांचा अक्षरशः पाऊस पाडला.