प्रजासत्ताक दिनी जगातील सर्वात मोठ्या मुस्लीम देशाचे सैन्य करणार परेड; होऊ शकतात अनेक द्वीपक्षीय करार

जगातील सर्वात मोठी मुस्लिम लोकसंख्या असलेल्या इंडोनेशियाचे राष्ट्रपती ७६ व्या प्रजासत्ताक दिनी प्रमुख पाहुणे म्हणून भारतात उपस्थित राहणार आहेत. भारताच्या प्रस्तावामुळे सुबियांतो यांनी आपला पाकिस्तान दौरा रद्द केला होता. पहिल्यांदाच इंडोनेशियन लष्कराची तुकडीही कार्तव्य पथावर परेड करणार आहे. विशेष म्हणजे पहिल्या प्रजासत्ताक दिनानिमित्त इंडोनेशियाचे राष्ट्राध्यक्ष सुकर्णो प्रमुख पाहुणे म्हणून उपस्थित होते. प्रजासत्ताक दिनाच्या परेडमध्ये आतापर्यंत तीन राष्ट्रपती प्रमुख पाहुणे म्हणून उपस्थित राहिले आहेत. त्याचबरोबर सुबियांतो यांच्या दौऱ्यात ऊर्जा सुरक्षा, आरोग्य सुरक्षा आणि संरक्षण क्षेत्रासह अनेक मुद्द्यांवर करार होण्याची शक्यता असल्याने त्यांचा भारत दौराही खास आहे.