नूतन ‘सीईओ’ आनंद भंडारी यांनी सूत्रे स्वीकारली

जिल्हा परिषद प्रशासनाच्या वतीने मावळते सीईओ येरेकर यांचा शुभेच्छा सोहळा व नूतन सीईओ आनंद भंडारी यांचा स्वागत सोहळा आयोजित केला होता. त्यावेळी येरेकर बोलत होते. अतिरिक्त मुख्य कार्यकारी अधिकारी संभाजी लंगोरे, उपमुख्य कार्यकारी अधिकारी राहुल शेळके, येरेकर यांचे वडील मुकुंदराव येरेकर, आई नंदाताई येरेकर, पत्नी दीपाली येरेकर, मुख्य लेखा व वित्त अधिकारी शैलेश मोरे, शिक्षणाधिकारी अशोक कडूस (माध्यमिक) व भास्कर पाटील (प्राथमिक) समाजकल्याण अधिकारी देविदास कोकाटे तसेच विभागांचे प्रमुख उपस्थित होते.

विविध कर्मचारी संस्था, संघटनांनी येरेकर व भंडारी यांचा सत्कार केला. फुलांच्या पायघड्या व पुष्प वर्षावात तसेच तुतारीच्या निनादात येरेकर व भंडारी यांचे स्वागत करण्यात आले. राहुल शेळके यांनी प्रास्ताविक केले. जयश्री कार्ले, नानासाहेब रोहकले, डॉ. संजय कळमकर, डॉ. दिघे, गायसमुद्रे, दशरथ शिंदे आदींची भाषणे झाली.

This quiz is AI-generated and for edutainment purposes only.

अमरावती जिल्हाधिकारी पदासाठी शुभेच्छा

सेवेच्या कमी कालावधीत उच्चतम असा प्रशासकीय अनुभव आशिष येरेकर यांनी प्राप्त केला. राज्यातील मोजक्या कार्यक्षम, कर्तृत्ववान अधिकाऱ्यांमध्ये येरेकर यांचे नाव घेतले जाते. अमरावती जिल्हाधिकारीपदी देखील सर्वोत्कृष्ट काम करून राज्यात निश्चितच ते बहुमान प्राप्त करतील, अशा शुभेच्छा नूतन मुख्य कार्यकारी अधिकारी आनंद भंडारी यांनी दिल्या.