देशीकट्टा दाखवून कार अडवली, बाहेर येताच झाडल्या गोळ्या; नागपुरात दिवसाढवळ्या कुख्यात गुंडाची हत्या

Nagpur Gang War: नागपुरात दिवसाढवळ्या कुख्यात गुंडाची हत्या करण्यात आल्याने परिसरात एकच खळबळ माजली आहे. मृत व्यक्ती आपल्या पाच मित्रांसह देवदर्शन करून परत असताना दुचाकीने आलेल्या दोन गुंडांनी त्यांना वाटेतच अडवले आणि त्यांच्यावर गोळ्या झाडल्या. या घटनेत एक जण गंभीर जखमी झाला असून त्याच्यावर जवळच्या रुग्णालयात उपचार सुरू आहेत. तर, कारमधील इतर तीन जण शेतात पळून गेल्याने त्यांचा जीव वाचला. याप्रकरणी खापरखेडा पोलीस ठाण्यात गुन्हा दाखल करण्यात आला आहे. ही घटना गुरुवारी दुपारी चार वाजताच्या सुमारास घडली.