[ad_1]
कोल्हापूर : कोल्हापुरातील काँग्रेसचे अनेक माजी नगरसेवक एकनाथ शिंदे शिवसेनेत प्रवेश करणार आहेत. पालकमंत्री प्रकाश आबिटकर, राज्य नियोजन मंडळाचे कार्यकारी अध्यक्ष राजेश क्षीरसागर हे या नगरसेवकांच्या शिवसेना प्रवेशाची कोंडी फोडतील, अशी माहिती शिवसेनेचे जिल्हा समन्वयक सत्यजित कदम यांनी शनिवारी पत्रकार परिषदेत दिली.
आगामी महापालिका निवडणुकीसंदर्भात मुंबईत बैठक झाली. पालकमंत्री आबिटकर व आमदार क्षीरसागर यांच्या नेतृत्वाखाली या निवडणुका लढविल्या जाणार आहेत. काँग्रेसच्या अनेक नगरसेवकांचा शिवसेनेत प्रवेश होणार आहे. प्रवेशाची कोंडी लवकरच फुटेल, असेही कदम म्हणाले.
मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्याकडे शहर विकासासाठी १०० कोटींचा निधी मिळावा अशी मागणी पालकमंत्री आबिटकर, आमदार क्षीरसागर यांच्या माध्यमातून केली होती. पहिल्या टप्प्यात २४ कोटी रुपयांचा निधी मंजूर झाला आहे. यामधून रुईकर कॉलनी येथील छत्रपती संभाजी महाराज पुतळ्याभोवती २ कोटी खर्चाचे स्मारक, फिरंगाईदेवी मंदिर विकासकामासाठी दोन कोटी रुपये मंजूर आहेत. पुराच्या पाण्याचा निचरा होण्यासाठी काँक्रिटच्या रस्त्यासाठी निधी मंजूर असल्याचे कदम यांनी सांगितले. यावेळी माजी नगरसेवक विजय सूर्यवंशी, आशिष ढवळे, शेखर कुसाळे, वैभव माने आदी उपस्थित होते.
[ad_2]
Source link
