मध्य प्रदेशात एक धक्कादायक घटना समोर आली आहे. बडवानी जिल्ह्यात हैवान बनलेल्या पित्याने आपल्या दोन मुलांची कुऱ्हाडीने घाव घालून हत्या केली आणि भांडणात पत्नीलाही जखमी केले. या घटनेची माहिती देताना पोलिसांनी सांगितले की, किरकोळ भांडणानंतर पत्नी घराबाहेर पडली होती. यानंतर त्या व्यक्तीने सासरच्या घरी जाऊन तेथे मुलांची हत्या केली. पोलिसांकडून मिळालेल्या माहितीनुसार, या घटनेत आरोपी व्यक्तीही जखमी झाला आहे. जखमी पती-पत्नीला पोलिसांनी रुग्णालयात दाखल केले आहे.
