पंतप्रधान नरेंद्र मोदी यांनी कराच्या मुद्द्यावरून काँग्रेसवर जोरदार हल्ला चढवला आहे. माजी पंतप्रधान जवाहरलाल नेहरू आणि इंदिरा गांधी यांचा हवाला देत ते म्हणाले की, त्यांच्या सरकारने लोकांच्या उत्पन्नावर भरमसाठ कर लादले, तर मोदी सरकारने करांचा बोजा कमी केला आणि मध्यमवर्गाला अधिक दिलासा दिला. दिल्ली निवडणुकीसाठी आरके पुरम मध्ये एका सभेला संबोधित करताना पंतप्रधान मोदी म्हणाले की, जर तुम्ही नेहरूजींच्या काळात १२ लाख रुपये कमावले असते तर सरकारने १२ लाख रुपयांच्या उत्पन्नावर तुमच्या पगारातील एक चतुर्थांश रक्कम कापली असती.
