Sindhudurg Chhatrapati Shivaji Maharaj Statue Collapse : पंतप्रधान नरेंद्र मोदी यांच्या हस्ते आठ महिन्यांपूर्वी सिंधुदुर्ग जिल्ह्यातील किल्ल्यावर उभारण्यात आलेला छत्रपती शिवाजी महाराजांचा पुतळा सोमवारी कोसळला. या घटनेमुळे राज्य सरकार अडचणीत आले असून विरोधकांकडून जोरदार टीका होत आहे. याच पार्श्वभूमीवर जयदीप आपटे नावाचा तरुण चर्चेत आला आहे. ज्याने या पुतळ्याची उभारणी केली. जयदीप आपटेला फक्त दोन फुटांपर्यत पुतळे साकारण्याचा अनुभव आहे. असे असतानाही जयदीप आपटेला शिवरायांचा इतका मोठा पुतळा उभारण्याचे कंत्राट का देण्यात आले? असा प्रश्न उपस्थित केला जात आहे. जयदीप आपटे हा कोण आहे? याबाबत सविस्तर माहिती जाणून घेऊयात.
