फलटण | विधानपरिषदेचे माजी सभापती रामराजे नाईक निंबाळकर यांचे बंधू संजीवराजे नाईक निंबाळकर आणि रघुनाथराजे नाईक निंबाळकर यांच्या निवासस्थानी 5 फेब्रुवारी रोजी सकाळी 6 वाजता आयकर विभागाने छापा टाकला होता. या कारवाईने राज्याच्या राजकारणात मोठी खळबळ उडवली होती.
100 तासांच्या तपासणीनंतर अखेर संजीवराजे आणि त्यांच्या कुटुंबीयांना दिलासा मिळाला आहे. काल रात्री आयकर विभागाची कारवाई संपल्यानंतर संजीवराजेंनी पत्रकार परिषद घेत सर्व काही सुरळीत असल्याचे सांगितले.
या दरम्यान रामराजे नाईक निंबाळकर यांनी ‘सुरुवात तुम्ही केली आहे, शेवट मी करणारच’ असे व्हाट्सअप स्टेटस ठेवल्याने राजकीय वर्तुळात खळबळ उडाली आहे. हा संदेश त्यांच्या राजकीय विरोधकांसाठी गर्भित इशारा असल्याची चर्चा फलटणमध्ये रंगू लागली आहे.
🔹 रामराजेंची भूमिका स्पष्ट!
आयकर विभागाच्या कारवाईदरम्यानही रामराजे यांनी समर्थकांना शांत राहण्याचे आवाहन करत “गर्दी करु नका, खात्याला काम करु द्या, काळजी नसावी” असा संदेश दिला होता. मात्र, आता त्यांनी घेतलेल्या आक्रमक भूमिकेमुळे पुढील राजकीय घडामोडींवर सर्वांचे लक्ष लागले आहे.
