फलटण (साहस Times) प्रातिनिधी उमेश काकडे – आगामी जिल्हा परिषद व पंचायत समिती निवडणूक २०२५ च्या पार्श्वभूमीवर महाराष्ट्र शासनाच्या आदेश क्र. जिपनि-२०२५/प्र.क्र.३६/पं.रा-२ दिनांक १२ जून २०२५ नुसार प्रभागांच्या भौगोलिक सीमांचे प्रारुप निश्चित करण्यात आले आहे.
सदर आदेशानुसार आज, १४ जुलै २०२५ रोजी सातारा जिल्हा परिषद व ११ पंचायत समित्यांची प्रारुप प्रभागरचना अधिकृतपणे जाहीर करण्यात आली आहे. यामध्ये फलटण तालुक्यात जिल्हा परिषदेसाठी एकूण ८ गट व पंचायत समितीसाठी १६ गण निश्चित करण्यात आले आहेत.
तरी प्रभागरचनेच्या या मसुद्याबाबत कोणताही हरकती अथवा सूचना असल्यास, नागरिकांनी त्या कारणासकट लेखी स्वरूपात तहसीलदार कार्यालयाकडे २१ जुलै २०२५ पर्यंत सादर कराव्यात, असे आवाहन प्रशासनाच्या वतीने करण्यात आले आहे.
