शुभांशु शुक्ला पृथ्वीवर कधी परतणार? स्पेस स्टेशनवरून यावेळी निघणार, जाणून घ्या संपूर्ण अपडेट

भारतीय अंतराळवीर शुभांशु शुक्ला यांच्या पृथ्वीवर परतण्याचे काऊंटडाऊन सुरू झाले आहे. सोमवारी शुभांशू पृथ्वीच्या प्रवासाला निघणार आहे. शुभांशू गेल्या १८ दिवसांपासून आपल्या इतर तीन सहकाऱ्यांसह आंतरराष्ट्रीय अंतराळ स्थानकात (आयएसएस) उपस्थित आहे. हे सर्व जण ‘अॅक्सिओम-४’ मोहिमेअंतर्गत तेथे गेले आहेत. राकेश शर्मा यांच्या १९८४ च्या प्रवासानंतर अंतराळात जाणारे शुक्ला हे दुसरे भारतीय अंतराळवीर आहेत. ते आणि त्यांचे सहकारी अंतराळवीर भारतीय वेळेनुसार दुपारी दोन वाजता ड्रॅगन अंतराळयानात बसतील आणि दोन तासांनंतर परतीच्या प्रवासासाठी रवाना होतील.