vande bharat updates : देशातील सर्वात लोकप्रिय ट्रेन वंदे भारतच्या चाहत्यांसाठी आनंदाची बातमी आहे. मुंबईकरांना आणखी एका वंदे भारत ट्रेनची भेट केंद्र सरकारकडून मिळणार आहे. मुंबईतील रेल्वे कनेक्टिव्हिटीला चालना देण्यासाठी लवकरच आणखी एक वंदे भारत एक्स्प्रेस सुरू करण्यात येणार आहे. मुंबई-पुणे-कोल्हापूर मार्गावर ही नवी सेमी हायस्पीड ट्रेन धावणार आहे. छत्रपती शिवाजी महाराज टर्मिनस मुंबई, पुणे-सोलापूर मार्गावर वंदे भारत एक्स्प्रेस धावत आहे. आता मुंबई-कोल्हापूर मार्गावर लवकरच वंदे भारत धावणार आहे.
