सत्संग ऐकण्याचाही स्वतःचा एक नियम असतो. गरुड‎काकभूशुंडीच्या घरी गेले तेव्हा वडाखाली सत्संग होत होता.‎तुलसीदास लिहितात- ‘करि तड़ाग मज्जन जलपाना, बट तर गयउ‎हृदयँ हरषाना।’ तलावात स्नान करून आणि अल्पोपहार घेतल्यानंतर ते‎आनंदी मनाने वडाच्या झाडाकडे गेले. आता येथे तीन गोष्टी लिहिल्या‎आहेत. प्रथम स्नान केले नंतर अल्पोपहार मग ते प्रसन्न झाले. सत्संग‎ऐकायला जाता तेव्हा तुमचे शरीर शुद्ध करा, काहीतरी खाऊन जा.‎कारण भूक तुम्हाला गोपाळाची पूजा करू देत नाही. आनंदी राहू देत‎नाही. जगाची चिंता बूट आणि चप्पलेसोबत घराबाहेर ठेवा. येथे‎स्नान‎ाचा सखोल अर्थ आहे. आपले शास्त्र सांगते की मनुष्याने मंत्र‎स्नानही केले पाहिजे. आपण शरीराला पाण्याने स्नान घालतो. परंतु‎मनाच्या स्नानासाठी प्राणवायू लागतो. म्हणून मंत्र घ्या. तो श्वासात‎उतरवा. मन धूत आहात असे त्याला शरीरात वाहू द्या. मग सत्संगात‎बसा. हे केल्यानंतर सत्संगात मिळणारी गोष्ट अद्वितीय, अद्भुत आणि‎खूप उपयुक्त असेल. ‎